تجمع طالبات رابعة ثانوي مسائي 2011-2012 حياكم

[زبدة ككاو]

سنوو وايت حياتي المناطق التعليمية في دوام ليلي
انا لما سجلت قالولي روحي المنطقة مو عشان اطلع شهاادتي لأ عشان اعطيهم مستنداتي لأن انا بطاقتي على محافظة حولي وابي صبااح السالم
وسجلوني بالمنطقة وخذوا اوراقي والفلوسسس وكل شي هنااك

 

[M!Ss Un!VerSe]

احنا عشقناها انتي وملوكه سيم مال طموح مال انا اكون من ال10 الاوائل بإذن الواحد الأحد

 

[* Snow White *]

حلفي؟ متأكده؟ عندهم دوام ليلي؟
من جم لي جم؟

 

[M!Ss Un!VerSe]

سنو وايت

يبون بس شهادة ١٢ طبق الاصل ومصدقة

وبالاضافه للطلبات اللي حطتلها لج هاس

يبون بعد صورة الجنسية وصورة بطاقة الوالد والوالدة

 

[* Snow White *]

انا توني استوعب انه التسجيل بالمدرسه نفسها تصير امبيه والله ضعت
وقالولي انه اروح التعليميه الصبح اعرف بس اي مدرسه ويعطوني طلبات التسجيل
بنات فيدوني بليز لاتبخلون علي بهالشي

والمنطقه فاتحه بليل متاكدين؟ و اقدر اسجل واعرف اسم مدرستي بنفس الوقت بليل

 

[M!Ss Un!VerSe]

ناجرل + القحطانية

انا بعد تبع العاصمه وقالولي بالدوحه ماادري اذا
في بعد ثانويات مسائي بالعاصمه

بالنسبة لفاطمه بنت الوليد ماعندي فكره اذا فيها مسائي جان قالولي
لانها اقرب لي

ناجرل تعالي سجلي معاي 

 

[* Snow White *]

اقدر اختار منطقه تعليميه غير منطقتي؟

 

[M!Ss Un!VerSe]

سنو وايت

مكان مدرستج يقولونه لج بنفس الوقت

ماادري اذا المنطقة التعليميه في لهم دوام بليل

وبالنسبه للتسجيل بالمدرسه من ٤ ونص ل٨ بس دام بدا الدوام ف من ال٤ وربع لي ٩ ونص

والمنطقة التعليمية غرضج منهم تعرفين اسم مدرستج+ تطلعين شهادتج طبق الاصل ومصدقة + ورقة المستندات المطلوبه

بس نبهتج في شغلات مو كاتبينها بورقة الطلبات وطلبوها بالمدرسة اللي اهي
صورة بطاقة الوالد والوالدة وصورة الجنسيه وبعض المدارس تطلب فايل شفاف




*

 

[M!Ss Un!VerSe]

سنووايت مااتوقع يصير لان حسب عنوان سكنج بالبطاقة
وحسب انتي بأي محافظة

 

[* Snow White *]

مشكوووووووووره :*

 

[زبدة ككاو]

حبيبتي سنو وايت شووفي اول شي تروحين المنطقة اطلعين شهادتج مع معادلة قوليلهم بتعيدين رابعه ثنوي وبيفهموون
وهالسالفة الصبح خلي اي احد يروح بدالج معاه دينار ونص وبطاقتج المدنية وعطيهم معلوماتج المدرسة وسنة التخرج ودفعتج وجذي
عقب تقدرين تسجلين بالمنطقة او المدرسة عادي نفس الشي ،
اخذي معااج صورة الجواز وصورة البطاقة المدنية وصورة الجنسية واربع صور وشهادتج الاصليه مع المعادلة و40 دينار
وبسسسس التسجيل لي شهر 10

 

[زبدة ككاو]

شكو بطاقة الوالد والوالدة ؟!
اي بعد يبون صورة الشهادة الميلادية ويصير تسجلين بمنطقة تعليمية ثانية اذا عندج عقد اجارر او متزوجه وزوج بيتج هناك
انا خذيت بطاقة زوجي + عقد الزواج وسجولوني بصباح السالم مع ان بطااقتي على رميثية يعني محاافظة ثانية

 

[كلي انوثه]

صح انا ما طلبو بطاقة الوالده ولا الوالد

 

[حياتي فراغ]

بنـآآت شلون مفكرين تقسمون وقتكم للدراسه

أنا عن نفسي بستغل فتره الصبح لي الظهر بالدراسه دام بناتي حضانه و زوجي دوام
و العصر بكون بالمدرسه ,, بس لما ادر من المدرسه بقعد مع بناتي لي 11 لما ينامون وماراح ادرس بليل ,,


يعني بنكون عكس الناس

بس يوم الجمعه راح يكون مخصوص لطلعتنا و طلعت اليهال
والسبت بخليه معهد او مدرسين خصوصيين ,,


الله يعينا بنتعب هالسنه و بنقصر في بيتنا بس شنسوي .؟؟؟​

 

[زبدة ككاو]

حيااتي فراغ هالسنة بسس بنتعب عقب نصير نفس الناس حياتنا معاهم وشغلنا معاهم بإذن الله
انا نفسسسج بس انا دوام وبيبي وزووجي ودنيااا وخدامتي هبلة ماتعرف شي تخيلي حطت الكلونيا على خدووده واهوا توه بو ٣ شهوور
ومسكين خدوده ليلحين رايحه فيها وشكلهاا يخرع
واذا خليته عند اهلي ماراح يجابلونه كل الوقت وحتى لوجاابلووه بليل راح اتعب معااه
بسسس من طلب العلاااا سهر الليالي ما ادري شيقولون والله يووفقناا يارب

 

[om-alljoory]

سكرتيره يمكن المنطقه التعليميه او مدرستج..

...

ام الجوري انا قالولي الاحد مادري يمكن حسب كل مدرسه

انا مسجله الخميس وقالولي الاثنين متأكده وفيه بعض المدارس مغيرينها انا رحت ابي اسجل بصباح السالم قالولي من الاسبوع الجاي تنتقل الاداره كلها مدرسة فارعه بنفس المنطقه

 

[om-alljoory]

شكو بطاقة الوالد والوالدة ؟!
اي بعد يبون صورة الشهادة الميلادية ويصير تسجلين بمنطقة تعليمية ثانية اذا عندج عقد اجارر او متزوجه وزوج بيتج هناك
انا خذيت بطاقة زوجي + عقد الزواج وسجولوني بصباح السالم مع ان بطااقتي على رميثية يعني محاافظة ثانية

انتي متاكده ان الدراسه بصباح السالم ؟؟؟؟؟؟؟؟؟؟؟؟

 

[حياتي فراغ]

وااي زبدة كاكاو الله يعينج من صج انا محد مصبرني الا ان خدامتي زينه ,, وطالعه لي طلعه تقول شهر 12 بسافر اسبوعين ,.. بحاول اقنعها تسافر بعطلة الربيع ,,..
و انا الحضانه اللي حاطه بناتي فيها ,, عندهم العصر بعد حضانه , اذا خدامتي مارضت بضطر احولهم عصر من 4 لي 9 ,, شسوي بعد

بس مهما صااار بضغط على عمري عدل , كلها سنه و ان شاءالله تعدي على خير


اما ولدج استعملي له كريم مال حساسيه يخفف عنه ,, هذول وين و الكلونيا وين ؟؟

الله يخليه لج يارب​

 

[M!Ss Un!VerSe]

مادري بنات انا يوم ييت اسجل ردوني

قالولي ناقص

قالو نبي الرقم المدني مال امج وابوج

مو شرط صورة البطاقة قالتلي لو حافطتهم عادي

لان يبون يسجلونه بملفج

مادري ليش !؟

*

 

[زبدة ككاو]

الجوري حبيبتي التسجيل بسس بصباح السالم
اما الدراسة مثل ماقلتي ادارة كلها بتنتقل فارعه