تجمع طالبات رابعة ثانوي مسائي 2011-2012 حياكم

[Malak_galbi]

مساء الخير بناااااات


كلي انوثه

اي احلى واخف شفتينا احنا العلمي ترى 9 طالبات والله حيل ارتحت
ان شاءالله مايزيدون لان العدد شويه والشرح يكون احسن وتركيز
وماشاءالله عليهم البنات ارتحت لهم واااييييد ضحك وغشمره اشوه عكس اللي كنت خايفه منه

الادبي الكلاس الواحد في وايد بنات
عسى الله يوفقنا كلهم وناخذ اعلى النسب

احنا اليوم اول يوم دراسه
باخذ معاي نوت وقلم تنصوحني اخذ دفتر او لا
لو عطونا الكتب احسن اخذ الجنطه كلها بسس ماكو كتب ان شاءالله يعطونا اليوم

 

[Malak_galbi]

ام مشعل شلووونج

كل ماتذكرت كلمتج حلمنا من قبل رمضان اجتهد اكثر وودي ادرس 24 ساعه

انااااا من شهر 3 وانا انطر هاليوم متحمسه له بما فيه الكفايه
اتمنى مدرساتي يكونون يفهمووون إن شاءالله

والمستوى يبين بعد اسبوعين من الدراسه

عسى ربي يوفقنا يااارب دعوه الغيب مستجابه دعواتكم

 

[ام مشعل المطيري]

الله يوفقج ملووكة وانا اقول اخذي معاج بدال الدفتر دفترين انا امس انصدمت كل مدرسة تدخل تشرح وتكتب طول الحصة وانا بشد حيلي مابي هالوقت يمر عالفاضي
بس المشكلة التسجيل لي شهر عشرة اتوقع البنات راح يزيدون وراح يصير زحمة

 

[هنودة 26]

انا بعيد رابعة ثانوي علمي بمدرسة ام العلاء الانصاري بهديه

 

[ام مشعل المطيري]

مدرستنا الفرنسي مو شي منو درست فرنسي عشان اخذ الكلمات منها

 

[يرخصلك كل غالي]

ام مشعل اي صف انتي

جنج وياي من موادج للي خذيتيها

وكلام مدرسة الانجليزي

 

[ام مشعل المطيري]

قولي والله انا 12/3 ههه وانتي ؟؟؟

 

[ام زينه المطيري]

عس الله يوفقكم وتحصلون اعلي النسب الله يعين علي الدوام لان مخلين اعيالنا يارب مايخيب تعبنا نجيب اعلي النسب ان شاء الله اسجل الاسبوع الجاي لان الشهاده ما خلصت ملت الدور الثاني يقلون الاحد الله يسمح بنات المنطقه فيهم برود مو طبعي يا الله الاثنين طلعو النتايج والحين يقلون الشهايد الاحد عس الله يعينا ونكمل ونتحمل وسهالات سهلات حبايبي

 

[Malak_galbi]

ام مشعل


اي والله معاااج حق التسجيل لي شهر 10 مطولين كل يوم بزيد اتوقع
بس ان شاءالله حتى لو نزيد نكون نفس الروح مانبي معانا يداومون للشطانه
ماشاءالله البنات اللي معاي يشجعون للدراسه ان شاءالله مااييلنا احد يخرب علينااا

على قولتج دام جذي باخذ دفتر معااي لاني ماشريت دفاتر
ومن اطلع من المدرسه بمر المكتبه واشتري لي كل اللي ناقصني

عسى ربي يوفقنا ويسهل علينا دراستنا
مبدئيا مرتااااحه من البنات الحمدلله ناطره اشوف المدرسات شلوونهم

 

[كلي انوثه]

الله يوفق الجميع. يارب.

 

[كلي انوثه]

ملوك صح بنات الادبي اللي معاي كلهم يعرفون بعض شكلهم من 11 مبين من كلامهم حسيت.

ومو وايد العدد يمكن 15 تقريبا. الللي امس معانا.

الابلات صح ما جفنهم اليوم يبين

 

[Malak_galbi]

كلي انوثه

اي حتى البنات اللي معاي يايين من 11 وعارفين بعض
بس انا ووحده اللي زايدين عليهم ونبي تعديل نسبة

واليوم نشوف المدرسات
دوامنا 4ونص عسى ربي يوفقنااااا يااارب ويسهل علينا كل المواد

 

[كلي انوثه]

بقوم اتجهز واطلع امس تأخرت




برووووووووووب

 

[Malak_galbi]

انا جااااهزه لووول وقاعده انطر تصير الساعه 4 عشان اطلع

تيت كلي انوثه موفقه اليوم

 

[الله كريم @]

مساااء الخير ياااابنوتااااااات


الله يوفقكم يااااااااااارب وتجبون النسبه اللي تبوووون ياااارب


اناالحمدالله سويت اوراااقي وكل شي

مدرسه الفردووس فيهااا مسااائئي منووو فيهااا ؟؟؟؟

 

[Malak_galbi]

مساء النووووور

الف مبرووووووووووووك التسجيل
وحياااج معانا موفقه ياااارب

انا ثانويه الرقه بعيده عنج لوول

 

[بنت فينا]

بنات بليز بسرعه شسم المدرسه اللي برميثيه ؟؟؟
لان الحين بفتر احوس
انا بطلع من الاب توب وبشبك من ايفوني



مشكورين عالنصيحه وانشالله بستخير على كلامكم والله يكتب اللي فيه الخير

 

[يرخصلك كل غالي]

قولي والله انا 12/3 ههه وانتي ؟؟؟

ههههههههه وياج

 

[الله كريم @]

بنوتاااااااات

سويت اوراااقي واخاف نقصااات :eh_s(16):

وهذوول صح ولا لا لاني مالي خلق اروح وارد مره ثانيه وانا بعاااااااااشر وان شاء الله ارووح ثاني عشر يااارب :yaaaaaarb:

اخر شهاده لي+صورة للبطاقة المدنية+صورة للجواز+صورة شهادة الميلاد+صورة الجنسية+ملف شفاف+ 40دينار

 

[جلكسيه اس 3]

اشلوووونكم شخباركم
ان شاء الله سجلتو ودرستو

خل اقولكم ليوم صارلي فلم هندي
رحت عشان بسجل و يليت ما رحت
انا شهادتي مالت الحادي عشر مكتوب عليها بطاقات مو مكتوب شهاده
لان اهيا من القطاع الخاص
عاد اللي يسجل ما سجلني يقول ماتنقبل !!
و غير هذا انا مو يايبه الطلبات كامله و كله بسبب موظفات الصباحي
حبي الله عليهم دام مالهم خلق يكتبون عدل ليش اتعبون روحهم من الاساس !!!
و هم بعد وحده نفس الشي اشتكت
بنات بخصوص سالفتي مع الشهاده احد صارله جذي ولالا
واهم قالولي لازم اروح المنطقه التعليميه الي بالاحمدي واطلع شهاده يديده
بس انا ما ادل
حدي مكتابه ليش يسوون فينا جذي و ما يتساهلون بعد هذي شهاده اشدعوا عليهم
بس عشان مكتوب كلمة بطاقات بدل شهاده