تجمع طالبات رابعة ثانوي مسائي 2011-2012 حياكم

[freakiya]

بنات ودي اسال سؤال بس اخاف يصير هجوم عفيه لا تفهموني غلط..
ريلي يدرس ليلي توه عاشر بس ما اشوفه يدرس كللللللللللللش و كل ما اساله يقول ماكو ليلي يدرسون كله غش و تضبيط مدرسن و سماعه حتى لما خلص امتحان قال يبي يبيع سماعته
بس لما دشيت عندكم لاحظت انكم تدرسون...
كل الليلي يدرسون ولا الشباب بكيفهم؟ لان بنت خالتي بعد نجحت على سماعه نفس مالت ريلي و لما درست عادتها
انا ودي اضغط عليه يدرس شكي بدش معاكم التجمع اخذ طريقه دروسكم و ادرسه لان اللي لاحظته المنهج تغير مع اني توني بتخرج لو اعدي الدور الثاني باجر اتخرج ... ادعووووووووووووووووووووولي

 

[حياتي فراغ]

والله انا حابه اخذها بمجهودي وكلش ما ابي اعتمد على الكلام اللي يقولون المسائي يغششون
و كل واحد وضميره يمكن اهي تنجح وتمشي و بتعديها على الناس و الوزاره بس ماتعديها على ربج

و التوفيق شلون بيجي لنا اذا خذينا شي بغش


و انا بالرابيه ,,؟؟؟ منوو معاي ؟؟​

 

[حياتي فراغ]

فريكيا


اهم يساعدون بالاشهر بس بالفاينل انسي لان المراقبين من الوزاره ​

 

[يرخصلك كل غالي]

حياتي فراغ شنو جنسسية لمدرسسات

 

[حياتي فراغ]

والله اللي شفتهم الاغلب مصريات بس شفت وحده كويتيه اتوقع انها الوكيله او الناظره

 

[جلكسيه اس 3]

السلام عليكم
شخباركم
اليوم رحت مدرسة الشرقيه و قالولي لازم اروح المنطقه التعليميه
اهناك اسجل.
المهم بس خذيت طلباتهم و لازم اروح اطلع شهادة ترك ويع مالي خلق
و قالولي الدوام يوم الاثنين. زين يمديني اسجل.

 

[جلكسيه اس 3]

بنات ودي اسال سؤال بس اخاف يصير هجوم عفيه لا تفهموني غلط..
ريلي يدرس ليلي توه عاشر بس ما اشوفه يدرس كللللللللللللش و كل ما اساله يقول ماكو ليلي يدرسون كله غش و تضبيط مدرسن و سماعه حتى لما خلص امتحان قال يبي يبيع سماعته
بس لما دشيت عندكم لاحظت انكم تدرسون...
كل الليلي يدرسون ولا الشباب بكيفهم؟ لان بنت خالتي بعد نجحت على سماعه نفس مالت ريلي و لما درست عادتها
انا ودي اضغط عليه يدرس شكي بدش معاكم التجمع اخذ طريقه دروسكم و ادرسه لان اللي لاحظته المنهج تغير مع اني توني بتخرج لو اعدي الدور الثاني باجر اتخرج ... ادعووووووووووووووووووووولي

اممم اي حبيبتي المدرسين دايما يساعدون الطلبه
العام طليقي كان اهو مع اصدقائه يتساعدون
البراشيم كل يوم ععلى واحد

 

[freakiya]

لا والله فاينل و يغش و اليوم اللي ما يغش يسقط هذا اهوا طاح دور ثاني و حط سماعه نقل كل الامتحان و التطبيق الخارجي مال العربي الاستاذ عطاه الاجوبه
بصراحه انا باجر امتحاني و خايفه اطيح دور ثاني لاني كلش مو مال غش ولا نظام سماعه اخاااف

 

[طموحي انجلش]

سجلت اكيد اليوم وكملت اوراقي عندهم مبروووووك
وناسه
الدوام يوم الاثنين ان شالله

 

[&جامعيه&]

سلام عليكم بنات انا قررت اعيد الثانويه وانا مخلصه على ايام المقررات ومخلصه تقريبا من 4 او 5 سنين طبعا انا بحاله نفسيه الله يعلم فيها تبهدلت وااايد بموضوع دراستى وااااااااااااااااايد وكل مااحد يسالنى لازم تخز دموعى المهم يا شطورررات انا حطولى بمدرسة ام سلمه وبسالكم شلون نظام الدراسه جد ولا لعب والابلات شطاار ولا اييي كلام ؟؟ وشنو المواد اللى راح ادرسها بثانى عشر لانى انا على النظام القديم اليديد مااعرفله والمواد والامتحانات سهله ولا صعبه ؟؟ وفى اعمال سنه سوالف هووم وورك وجذى وامتحان نص السنه موجود ولا الغووه؟؟ وفى دروس محذوفه ولا راح اصم الكتاب سورى سورى اسالتى واايد بس مالى غيركم بليييز ساعدونى لا ابجى وللعلم انا دشيت معهد سياحه وماكملت لان شهادتهم ضعيفه وماكو مستقبل بالوظيفه تنصحونى ارجع المعهد ولا اعيد الثانويه طموحى اييب نسبه بالتسعينات وفووووق تهقون اقدر ولا صعبه ؟؟

 

[طموحي انجلش]

اقول لكم تجهيزاتي
شريت خام قطن استرتش اسود ودخلته الخياط ابيه يخيطه لي كامل يصير مثل العباه الاسلامية فيه موديل وكسرة حلو ذرب
قطن احسن من خام العباية الاسلامية حار
وشريت قلمين حبر وجنطه ع الكتف راقيه ذربة من سنتر بوينت روحوا تحصلون موديلات وااايد اذا قدرت اصورها لكم
والدفاتر عندي كووود بشوف اذا المدرسة طلبت بحط لها دفتر وباقي لي جوتي مريح عزكم الله وملافع قطن ابرد وانظف
وباقي لي بعد ابدل عدسات نظارتي مشلللخة ولازم اروح العالية بالسالمية بلازا ماأدل بروحي لأن النظارة من عندهم
وبث

 

[ام مشعل المطيري]

صراحه زباله حواء امس تقول بطاقة زوجج وليوم تطلب بطاقة الام

وناسيه تكتبها بورقة طلبات تقول جل من يسسهو

*شدعو انقرضو الكويتيات عشان يحطون مصريات

لحين اي الاحسن حواء ولا الرابيه

لانه صراحه رحت الاثنين ولوعو جبدي

وكرهوني شي اسمه تحسين دم ضروسي بالاداره مصريه

انا نفس السؤال تتوقعون الرابيى اخسن انا اشوف ان الرابيةمرتبين اكثر والاندلس فوضة

 

[Malak_galbi]

مساء الخيييييير

منوووو موجوده

كله انوثه لووووول
انا عطيتهم ملف وردي ماقالو شي لوووول

جامعيه
اول شيي مبرووك التسجيل
وبالنسبه للدراسه سهالات ان شاءالله وماعندي خبر عن ام سلمه
بس اكيد يساعدون والله يوفقج ويوفقنا ياااارب

 

[Malak_galbi]

طموحي

ماشاءالله عليج عسى الله يوفقج
مافكرت بالملابس كثر مافكرت بالدراسه

بناااااات منوو معااي علمي
لان عندي حل التقاويم للمواد العلميه خل ادزها لها تستفيد منهم

 

[&جامعيه&]

^^ مشكوووره حبيبتى ماقصرتى بس واايد خايفه انا حياتى كانت غير قبل شهرين !! والحين ارجع ادرس واروح مدرسه اتوقه راح ابسط ابجى عند الباب يم الحارس شكلى بهوون وارجع المعهد شسوى مشكلتى واايد حساسه ادعولى الله يسهل امور دراستى عفيه والله محتاجه دعاااء الله يسهل اموركم وتنجحون وتدشون الكليات اللى تبونها

 

[Malak_galbi]

جامعيه

لاتحاتيييين كلنا معاااااج وكل وحده فينا لها اسبابها
والله يعلم بالقلوب
واذا على الحال قولي الحمدلله يكفي انها بصحه وعافيه
وانا اكثر منج حساسه اي كلمه ابجي عاادي بس قولي انا قدها انا قدر وراح تقدرين

 

[ام مشعل المطيري]

بنات الرابية ردووووا علي لاتطنشون احول عندكم والا اقعد بالاندلس
وووولكم ملوووكة وجامعية ترى يعلق عندي

 

[Malak_galbi]

يسلموووووو ام مشعل

اييي هم انا معلق ماادري اشفيه

 

[Bnt.Azmer]

شدعوه بنات طنشتوني

 

[هب هب]

ام مشعل انا محتاره مثلج احول الاندلس ولا ابقى بالرابيه


بنات اللي تعرف شي زين او مو زين عن هالمدرستين او سبق انها درست فيهم خل تعلمنا قبل لا نتدبس فيهم ​