تجمع طالبات رابعة ثانوي مسائي 2011-2012 حياكم

[ADAMS]

السلام عليكم
ماشالله اشوف الاخت ام مشعل و العضوات مو مقصرين بالرد .. السنه الي طافت تخرجت مسائي ويبت 81% وللأسف نسبتي ما تدخلني المكان اللي ابيه اللي اهو كلية العلوم الاجتماعية .. فكرت اعيد ثاني عشر .. المشكله ان بنتي توها اولى ابتدائي و يبيلها مجابل وتدريس يعني من الساعة 7.30 لي 1.30 بالمدرسة وطبعا انا اللي اودي واييب واطبخ وكل شي بس ماعندي دوام الحمدلله مرتاحة وعلى ما تتغدى وترتاح الا صارت الساعة 3 يعني مع دوامنا "المسائي" .. متى يمديني ادرسها و ردتنا الساعة 9 يعني راح تكون نايمة .. والله محتااااااااااااارة جان زين تساعدوني .. وغير جذي بغيت اسألكم اذا قدمت الكورس الياي على التربية الاساسية وقبلوني وانا اكمل مسائي يصير ؟
واذا تخرجت من المسائي "باذن الله" بالنسبة اللي ابيها وقدمت عالجامعة وانا ادرس مسائي و تربية اساسية انقبل بالجامعة تهقون ؟
الله يوفقها ويحققلها اللي في بالها اللي ترد علي وتريح بالي

 

[ADAMS]

على فكرة ثانوية جمانة "الضاحية" تهبل وناظرتنا ابلة مريم عسسسسسسسسسسسسسسل الله يوفقها

 

[حياتي فراغ]

adams

نسبتج حلوه و زينه , اذا علمي تدخلج الجامعه , و اذا ادبي تدخلج تربية اساسيه ,,
و تقدرين تدشين الجامعه وبعدين تحولين للتخصص اللي تبينه بين الكليات
او تدخلين تربية اساسيه حلوه بعد


و اذا حابه نسبه اعلى ,, عيديها منازل اذا ماتقدرين على المسائي​

 

[ADAMS]

"حياتي فراغ" حبيبتي انا ادبي للأسف و للاسف نسبتي ما تدخلني علوم اجتماعية والتحويل يقولون وايد صعب خصوصا بهالكلية
والتربية الاساسيه فبالي بس وايد اشوف الابلات يشتكون ومالين من التدريس وصراحة ما ودي اخذ شهادة بس جذي واقعد ف البيت

 

[حياتي فراغ]

^^

لا عادي التحويل مو صعب بس شدي حيلج و ان شاءالله بتقدرين

واذا مو حابه التدريس عادي اخذي الشهاده و اشتغلي بمكان ثاني
بس اهم شي شهادتج تكون بكالريوس
روحي تخصص لغه انجليزيه ترى سهل و حلو و تشتغلين باماكن واجد غير التدريس


و ماعليج نسبتج حلوه توديج اماكن حلوه ,, الشريعه يقبلونج و الاداب​

 

[توت1]

بنات سجلت اليوم بالمدرسه ع طول مارحت لا لمنطقه تعليميه ولا شي
هناك فيه مدرسات قاعدين بغرفه وياخذون الاوراق و40 دينار وبس

الحمدالله ما افتريت تسهلت ولله الحمد


والله يوفقنا جمييييييييييييييييييييييييعاااا

وانا خايفه من العربي والفرنسي هالمادتين الله يستر وانتوااااا؟؟

 

[×قـــمرهـــم×]

عالبركه التسجيل للكل ... فديتكم موفقين خير

واللي يدرسون حاليا عقبال النجاح يارب

واللي نظموووو لنا هذي الساعه المباركه منورين فديتكم

وبالنسبه للي يمرون علينا بين فتره وفتره ... طلتكم علينا تفرحنااا اتمنى ما تقطعونها لفتره طويله

وبالنسبه لملاك قلبي وجزيلة العطااا ... فقدناكم


ما شاء الله كل الاساله لقت اجوبه ماعدى سوالين

بس ما اتذكر النكات والله سوري يعني

اللي هو متى يبدا الدوام وينتهي بالساعه ؟؟

من 4 ونص .... الى 9 وربع .............يوم الاحد والاثنين
من 4ونص ....الى 8 ونص ..............باقي ايام الاسبوع

والله اعلم

السوال الثاني ؟؟

اللي بنتها اولى ابتدائي ...

اقولج الله يخليلج بنتج يارب ويوفقكم ثنتينكم بالنسبه لدراسة بنتج ساعتين باليوم تنفع ان شاء الله

درسيها بعد الغدااا مباشره وعوديها على هالشي بالاول راح تمل وتتعب بس بعدين بتتعود ان شاء الله

وبالنسبه للمسائي والتربيه الاساسيه والجامعه

شوفي نصيحه مني وخوذيها من اختج والله اذا قدمتي ونقبلتي بالتربيه كملي تربيه

صدقيني وظيفة المدرس حلوه حيل منها واهمها ان العطله معاج

وبما انه عندج بيت وعيال انصحج فيها والله العظيم حلوه

هذي وجهة نظري وبالنسبه اذا كملتي مسائي وتربيه مع اني ما انصحج وجبتي نسبه يقبلونج الجامعه ؟؟؟
هذي ما ادري عنها حبيبتي وان شاء الله يفيدونج البنات

انتي استخيري والخيره فيما اختارها الله





منوريـــــــــــــــــــن فديتكم

 

[Marlene Favela]

قوة بنات رحت امس المنطقة التعليمية بس عشان اعرف طلباتهم و اطلع الشهادة و المعادلة بس الغريب بالموضوع اول شي وحده هناك قالتلي تعيدين ثالثة و رابعه و يوم سوولي المعادلة كاتبين فيها اعيد رابعه بس
و اليوم ان شاء الله شكلي بروح المدرسة سيدا و اسجل اهناك يبين

و اللي تبي تعرف لي متى التسجيل منطقة العاصمة التعليمية لي أخر 9 فلحقو بنات
و الله يوفقكم

 

[Marlene Favela]

قوه
بنات شلونكم حبيت اكون معاكم بهالقروب وباجر ان شاء الله بروح اسجل بس ممكن تساعدوني
شنو الاوراق المطلوبه انا متخرجه 2004 ادبي مقررات وحابه اعيد رابعه ثانوي بس ياريت تساعدوني شنو الخطوات اللي اسويها وين اروح والاوراق المطلوبه ياريت تفيدوني باسرع وقت ومتى اخر يوم تسجيل

هلا يا عمري حياج الله

شوفي يا طويله العمر اول شي الاوراق اللي طلبوها مني صورة آخر شهاده اللي اهي شهادة الثنوية انا كنت يايبتها معاي يصورونها لج و يصدقونها و يعطونج المعادلة معاها

و لما تخلصين تكونين مزهبة اوراقج اللي اهي

الشهادة طبعا مع المعادله
صورة البطاقة المدنية
4 صور شخصية
صورة الجواز حق صف 12
و 40 دينار تأمين و اذا نجحتي ان شاء الله يردونها لج

و سلامة عمرج

 

[ام فهد 305]

adams


نصيحه لا تعيدينها حراااام نسبتج حلوو

دشي اي كليه وقولي حق الدكاتره انج بتحولين من كليتهم


والله راح يساعدوونج زوجة اخووي جذي ونجحوهاا وحولت



نصيحه لا تعدينها



واستخيري

 

[ام مشعل المطيري]

أدمس نصيحتي لج لاتعيدينها ولاتضيعين السنة ع الفاضي اذا ماتبين التربية هم الاوقاف حلوة اهم شي المعاش والعطلة يمكن تعيدنها وماتجيبين نسبة اعلى شتسوين وقتها!
وعساها تكون خيرة لج انا اقول توكلي ع الله وسجلي بتخصص مقارب لتخصصج اللي تبينة والله يسهل امورج

 

[غالين الكويت]

السلااااام عليكم
شلونكم بنااااات
منووو اللي عندها
خبر عن امتحانات
الدور الثاني للمنازل
متى تطلع ومن وين
ناخذ النتيجة من المدرسة اللي
امتحنا فيها او من المنطقة التعليمية
اللي عندها خبررر تقولي وجزااها
الله خيررررر
​

 

[HAS]

السلام عليكم


NaYoob
يعطيج العافية على التقويم خوش جدول راح يفيدنا وايد :eh_s(7):

قمرهم قوااااج الله :eh_s(7):
طمنتيني ... انا كنت احاتي موعد الدوام .. لاني موظفة و راح اطلع من دوامي على طول للمركز بس اشوه اذا من 4 ونص وايد منااسب


وعندي سؤال :
شنو المعادلة ؟؟؟ المعادلة اهي عبارة عن ورقة من شؤون الطلبة مكتوب فيها انه الطالبة الفلانية حولت للدراسة الصف الثاني عشر ؟ و بس ؟؟
انا طلعتها اليوم و توقعت المعادلة ورقة وفيها ارقام و نسب !!
حبايبي اكدولي ما عليكم امر :eh_s(10):

و هم عندي سؤال نفس سؤال ( حياتي فراغ) ودي اعرف شنو المواد قبل لا اداوم مو قادرة انطر لي الاثنين :eh_s(22):

(غالين الكويت) للاسف ما عندي علم .. الله يطمنج على النتيجة ان شاءالله و تفرحين فيها

و مشكورين

 

[k.a.t.k.o.t.a]

هااي طالبات المسائي ربي يوفقنا ان شاء الله اليوم رحت اسجل بالمنطقه التعليميه الفروانيه بس الكمبيوتر عطلان
قالولي تعالي باجر علشان المعادله

بس بسال انا من سكان العارضيه وقالولي مدرسة الرابيه مافي مجال اسجل بمدرسه حواء اللي بالاندلس على الاقل اقرب

انا 12 مسائي بعيدها

وطمنوني عنكم

 

[k.a.t.k.o.t.a]

خواتي عندي سؤال وياريت تقدرون تجاوبوني جواب اكيد

انا تخصصي ادبي لنفرض اني عدت 12 ويبت معدل يدخلني الجامعه لازم جم يكون المعدل كحد ادنى

وبسال عن تخصص الحاسوب الكمبيوتر بما اني ادبي ما اقدر ادشه بس يصير ادش الجامعه تخصص اي تخصص كورس واحول حاسوب
ولا اي طريقه ممكن احول حاسوب تخصص كمبيوتر غرامي الكمبيوتر

ساعدوني

 

[حياتي فراغ]

بنات محد قالي
احنا العلمي شنو المواد اللي ندرسها

ناس قالوا لي ندرس عربي و اسلاميه و اجتماعيات
وبنات قالوا لي لا ماندرسهم ؟؟​

 

[pyaar]

خواتي عندي سؤال وياريت تقدرون تجاوبوني جواب اكيد

انا تخصصي ادبي لنفرض اني عدت 12 ويبت معدل يدخلني الجامعه لازم جم يكون المعدل كحد ادنى

وبسال عن تخصص الحاسوب الكمبيوتر بما اني ادبي ما اقدر ادشه بس يصير ادش الجامعه تخصص اي تخصص كورس واحول حاسوب
ولا اي طريقه ممكن احول حاسوب تخصص كمبيوتر غرامي الكمبيوتر

ساعدوني

حبوبه تخصص الحاسوب حق العلمي مافيه للادبي للاسف

 

[pyaar]

بنات محد قالي

احنا العلمي شنو المواد اللي ندرسها ​

ناس قالوا لي ندرس عربي و اسلاميه و اجتماعيات

وبنات قالوا لي لا ماندرسهم ؟؟​

عربي واسلاميه اي تدرسينهم بالعلمي بس الاجتماعيات شكو ماتدرسينه حق الادبي

 

[HAS]

عربي واسلاميه اي تدرسينهم بالعلمي بس الاجتماعيات شكو ماتدرسينه حق الادبي

الله يسمع منج ..
ما نبي الاجتماعيات :flower: كل شي الا الاجتماعيات

 

[k.a.t.k.o.t.a]

اخت HAZالعلمي تدرسين اسلاميه وتدرسين عربي في العربي اللي بالادبي يكون اكثر بلاغه وجذي واجتماعيات بس للادبي بفروعه جغرافيا وتاريخ الخ

ومشكوره اختي pyaar على ردج