تجمع طالبات رابعة ثانوي مسائي 2011-2012 حياكم

[Malak_galbi]

لا انا مااداوم

انا بطاليه عطاليه لووول
مقدمه على الديوان ولي الحين مانور اسمي الجرايد لووول

انا خريجه اتصالات وملاحه برمجه حاسب الي

 

[Malak_galbi]

قمرهم لا تخليني ابجي لوووول

في معاي علمي بس ماادري وينهم لووول

 

[×قـــمرهـــم×]

فديت العلمي وبنات العلمي

تبيني احول علمي اعيد3و4 لعيونج اسويها بس انتي قولي تامرين امر

لووووووووووووووووول باعتها البنت

 

[جزيلة العطا]

تظنون راح اقدر ...
لان الصبح اداوم...والعصر مدرسه...واذا رديت ادرس نفسي وادرس اللي عندي... خايفه حيل

 

[Malak_galbi]

فديتج قمرهم كلهم والله

بعد قلبي الفدائيه اللي تحمست لوووول


جزيله

اهوا شوي صعب عليج بس بالاصرار راح تقدرين ان شاءالله

 

[جزيلة العطا]

والله اتمنى وعساني اقدر اوازن بين البيت والدوام الصبح والعيال والدراسه والزوج....هذا غير الحياة الاجتماعيه

ادعولي بنات...وملاك ان شاء الله نكون بنفس المدرسه...على الاقل نواسي بعض...هههههه ونشجع بعض

بس بنات ابي اعرف شنو مواد رابعه؟؟؟

 

[×قـــمرهـــم×]

ملووووك فداج الكون

جزووووول شوفي نظمي وقتج وشيلي الكسل من بالج وانتبهي بالحصه والله بيوفقج ان شاء الله

وترى المسائي سمعت انهم يساعدون حيل حيل والله اعلم


اقولج شي ........... استخيري ربج واذا تيسرت الله يوفقج واذا تعسرت قدر الله وما شاء فعل

 

[Malak_galbi]

جزيلة

عسى الله يسهل عليج كل امورج وتضبط معاج
وتقدرين توفقين بينهم ان شاءالله

وان شاءالله نكون بمدرسه وحده

 

[×قـــمرهـــم×]

عربي انجليزي فرنسي دين وقران والباجي ما ادري والله اسامي غريبه

على ايامي تاريخ وجغرافيا وعلم نفس وفلسفه بس الحين مادري والله لوووووووووووووول

بروح ادوج واجيبلج العلوم ان شاء الله

 

[ام مشعل المطيري]

جزيلة في عضوة هني اسمها زليفة الله يذكرها بالخير موظفة الصبح والعصر مدرسة وعندها عيال لا وكانت حامل تتةقعين جم جابت نسبة 91 ماشاء الله تبارك الرحمن وسولفت وياها وانصحتني بمدرسات الخصوصي والله لاتحاتين الدوام حاولي تقولين لهم عن دوامج ولاتيأسين وانا معاج راح اشجعج والبنات مايقصرون والاسئلة والمراجعات اول باول يعني لاتحرصين ع الدوام حيل حيل اهم شي تكونين مقيدة بالمسائي

 

[جزيلة العطا]

هههههههههه.....يالله دوجي وهاتي الاخبار...

معاي وحده بالدوام زوجه دخل رابعه ثانوي علمي وجاب نسبه 78...وتقول ما درس بالجامعه...لما سالتها ليش قالت وزارته ما عطوه تفرغ دراسي عشان الجامعه وتقول اذا مرت سنتين ما دخل الجامعه خلاص تروح عليه...معقوله بنات؟؟؟

يعني الحين انا اداوم اذا نجحت وجبت نسبه وما عطوني تفرغ دراسي ما اقدر اكمل الجامعه؟؟...احس ظلم مو عدل اللي يصير من بعض الوزارات

 

[Malak_galbi]

عدل كلام ام مشعل

ركزي واهم شي مسجله بالمسائي
ولا تحاتين

بسسس مثل ماقالت لج قمرهم استخيري احسن

 

[ام مشعل المطيري]

ونصيحة ياجزيلة ابتعدي شوي عن الناس ترى كلها ست شهور وراعي بالين جذاب لازم تسوين هالشي واذا وظيفتج نظام مكتب تخذي كتبج معاج ترى مو عيب انا رفيجاتي بالدوام كانوا يدرسون واحنا كنا بمدرسة يعني حاولي تستغلين الفرص ويوم الجمعة طلعي واستانسي والسبت دراسة

 

[ام مشعل المطيري]

اي للاسف مايعطون سبحان الله هذا كان موضوع زليفة عقب هالنسبة مارضوا دوامها يعطونها تفرغ ظلم

 

[جزيلة العطا]

الدوام ما راح اذبح روحي ... انا كلمت المسئول من قبل وقال اذا مفكره تدرسين وقت الامتحانات توريني الجدول واعطيج اجازه تدرسين امتحاناتج وبس توصلين اخر يوم في الامتحانات ترجعين تداومين

انا طبعا ما راح يصير عندي وقت ادرس واحفظ الى بالصبح عيالي بالمدرسه وانا بالدوام....بس والله اخاف من بنات الدوام يحسدون على الطموح واوقف من عيونهم..... والعين حق

لان اذا رديت البيت ابي انام قبل المدرسه واذا رديت ابي ادرس عيالي واقوم بواجبات بيتي وزوجي...يعني ما اقدر ادرس غير الصبح ولو افكر اكتب باوراق عندهم فضول يطلون باللي بين ايدينج

 

[Malak_galbi]

امبي من صجهم على هالتعب والنسبه ماشاءالله

واخر شي ماكو تفرغ كلش ماكو تشجيع ليييش جذي

ظلم وحرام عليهم والله احتريت

 

[ام مشعل المطيري]

امممم انتي شنو نظام دوامج وزارة والا مدرسة والا شنو قوليلي عشان افيدج

 

[جزيلة العطا]

انا بمكتب تبع وزاره....بس مو بمدرسه

 

[×قـــمرهـــم×]

باك

المواد عربي وانجليزي وفرنسي ودين وتاريخ العالم ومبادي التفكير الفلسفي وقضايا البيئه (( يعني جغرافيا )) واحصااااء

شدعوه ماكو علم نفس وقران مادري والله مو اكيد لان اخذت المواد من جدول امتحانات ؟؟؟؟؟؟؟؟؟

عاد اموت بعلم النفس

 

[Malak_galbi]

بنااااااااااااااات انا قفلت

تمسووون على خير
اشوفكم على خيررر ان شاءالله
الوعد بااجر على الساعه 3 الفير

باااي