تجمع طالبات المنآزل 2013 ,

[ليف استايل]

والله انا منازل 11علمي و لحد الحين ما بلشت دراسه لان المنهج تغير وقاعد انطر المنهج الجديد

 

[يتيمة جابر العز]

شلونكم وشخباًر الدراسة ؟


عن نفسي ما فتحت شي الا القران بحفظ والله كريم يارب يسهل علينا

 

[ام الكبتن ماجد]

السلام عليكم
شلونكم يابنت 12علمي وشلون الدراسه

احس نفسي مشتته ومدري من وين ابدا وشلون ادرس والوقت خلص والله المستعان

 

[يتيمة جابر العز]

ودي ادرس بس يضيق خلقي بنات من طاري الدراسة

بس فيني طموح ابي الجامعة ودي بناااااااات يارب ادش الجامعة

 

[Ranoon]

حبيت اسأل شلون دراسة مساىي للبنات ؟ وكم عدد طالبات بصف ؟
وفي فرصة طابور او على طول
حصص ومواد ؟
متى دوام وطلعة ؟


في عندكم إداريات موظفات ؟


وشلون الوضع احسن من صباحي


انا أداريه ودي احول مساىي إذا أهون
وأريح


شرايكم ....؟

 

[ام محمد بن علي]

السلام عليكم
قوه بنات شخباركم
انا سجلت منازل 12 ادبي وان شاء الله الامتحانات شهر 6
بسالكم بنات وين صايره الكتب اللي بصبحان منو يعرف عنوانهم عشان استلم منهم الكتب ؟
وشكرا

 

[ام الكبتن ماجد]

صااااابني حيوووط من المدرساات كل مادقيت علي مدرسه تقول مو فاضيه اجي اعطي حصص وانا 12 علمي بالله شلون بفهم المنهج
ومتوقفه 7 سنين عن الدراسه
اساسا انا متخرجه ومعاي دبلوم بس ابيعا تحسين نسبه وبالغصب اقنعت زوجي
احس بديت اتراجع ادراجي واحس الوقت ضييييق ومتشااايقه ماني عارفه شلون بخلص المنهج الدسم
وفي شي بداخلي يزيدني اصرار اني اكمل ةادرس واجيب نسبه اللي احلم فيها من 85 وفوق حدي راهيه صح ههههه الطموح ومايسوي
الله المستعان

 

[ام الكبتن ماجد]

تصحيح احباط وهبوط صار حبوط هههههه طوفو عادي تعبنا من التفكير

 

[ام الكبتن ماجد]

ام محمد بن علي
تقدرين تشترين الكتب من اي مدرسه فيها احد تعرفينه مو شرط صبحان اما اذا مانعرفين صبحان بس وين المكان مدري والله يالضبط

 

[بنوتة الكويت121]

ام الكبتن ماجد انصحج تروحين معهد يا كثرهم وتشتركين او تحضرين حصص عندهم

 

[ام الكبتن ماجد]

بنوته الكويت ابي معاهد قريبه للمنطقه الرابعه عندج فكره عنهم
ابي ارقامهم
لان المدرسات يعفسون الميزانيه عفففس

 

[وافترقنا]

واااااي منكم يا بناات شهالتحبيييط !!!!

ماكو وحده فاشله ولا ماتقدر دام حاطه ببالج شي تسوينه تسوينه وترى كله جم كتاب ندرسه كل يوم مني ليما الامتحان و بننجح ان شاء الله .. بسكم تحبيط و تخوييف :eh_s(11)::eh_s(11):

انا سجلت منازل و ناويه ابلش من باجر جد صج تاخرت شوي بس ماعليه بحااول اضغط على عمري و في جدول سويته اني ادرس مادتين او ثلاث حق كل شهر مني لي شهر 7 اللي اهوا بداايه الامتحان و دقيت على مدرسين بمشي وياهم .. احصاء , فلسفه , فرنسي , انجليزي والباجي تساهيل ان شاء الله

الله يوفقنا ولا يحرمنا لذه النجااح ياارب :yaaaaaarb:

 

[Q8ya88]

ها بنات شلون الدراسه انا الحمد لله المواد السهله خلصت نصها باجي المواد
الصعبه مافتحتها كلش بس ببدا ان شاء الله الرياضيات من باجر
بس بغيت مدرسه كيميا زينه وتفهم اذا عندكم
والله يوفقنا ويسهل علينا يارب

 

[ام الكبتن ماجد]

كويتيه 88
تخيلي وتخيلو معاي يابنات
كان يوم الجمعه وكنت عند اهلي قلت لي متى الكسل والاهمال هذا شي ماينسكت عليه
انتي الحين سجلتي عشان تحسنين نسبتج وتدخلين الكليه وجذي الكسل شسويت
قمت اخذت الجريده وانصلت علي ابله فيزيا يوم الجمعه العصر قلت تقدرين تجيني شكلي كسرت خاطرها وكانت فاضيه
قالت اوك بعد ساعه اجي
استانست رحت طرشت عيالي علي بيت اختي وانتظرت الابله جتني علي موعدها وشرحتلي الفيزيا وفهمت معاها وبكمل معاها المشوار
راحت ابله الفيزيا

رديت للفون ابحث عن ابلات لقيت بموقع المدرسين ابله كيميا اتصلت عليها وقلت ابيج السبت باجر الصبح وقالت اوك وقلت ترا انا منازل ووووو والاخت قالتلي ماتخاااافييييش انا باذن الله حخليكي تاخذي الدرجه النهائيه بالكيميا اصل انا من مواليد الكويت وامتحنت الثنويه هنا وانا طالعه من الاواءل ع الكويت وووووو

بصراحه انا استااااانست قلت الله بتخليني اخذ درجه كامله اكيد هذي فنانه


صار السبت الساعه 12 ونص ووصلت الابله وقعدت وقعدت انا وعيالي طاخ وطيخ وعقب العزر هدا الجو
وقلت اوك نبلش قدمت لها الدفتر والقلم والكتاب وكانت المفااااااجأه
الاخت تقرا الكتاب قلت ليش اشرحي
قالت عشان مااطوف عليكي معلومه
المهم شرح فاااااااااااااشل عدم قدره علي توصيل المعلومه ضاعت الساعتين بلااااافائده وماكتبت شي بالدفتر كان الشرح قرايه وشرح فاشل علي الهوا
عقب انتهاء الساعتين قلت استحلفج بالله اللي رفع سبع السموات هل انتي مدرسه اذا انتي مدرسه مع احترامي لج انتي فاشله للغايه
وكانت الصدمه لا انا لسه متخرجه من كلية الصيدله و بقالي سنتين بعطي دروس خصوصيه بالكيميا لان الصيدليه دراسنهم كيميا
قلت حسبي الله ونعم الوكيل انتي ضيعتي وقتي وضيعتي جهدي مع عيالي اللي كل شوي منرفزيني بطقة الباب وضيعتي فلوسي واخرتها انتي متخرجه من صيدله!!!!!!

لكن حسبي الله ونعم الوكيل
صج اني انغثيت وتحسفت اني جبت مدرسه من الوسيط
حبايبي ان كنتم تبون مدرسات جيبو مدرسات ثقه مجربات مو تدورون بالوسسيط اخاف تجيكم وحده خياطه بعد تدرس انجليزي

ودمتم بود

 

[ام الكبتن ماجد]

المهم حبيباتي من ب 12 علمي منازل

تدزلي ع الخاص واشرايكم نسوي قروب بالواتس اب ونتشارك بالمعلومات ونتبادل ارقام ابلات
بصراحه اسهل من المنتدى




وانتم وراااااااحتكم

 

[يتيمة جابر العز]

ماشاءالله بنات شجعتوني والله

ام الكابتن ماجد عندج معهد الأثري بالرابعه دقي عليهم

الفروانية - العربيد بلازا
24751115

 

[ام الكبتن ماجد]

لا خلاص الحمدلله اتققت مع مدرسات دروس خصوصيه
ودام الوااااحد عنده طمووووووح مااااااكو شي صعب
ومع المدرسات والدراسه صدقوني كل شي بيتسهل وبتجي الامتحانات سهله
وترا طريقة امتانات نفس الدو ر الثاني
يعني اخذو نماذج امتحانات دوﻻ ثاني انا دورت مالقيت وان لقيتو حطو الرابط وانا بدور بعد

ودمتم بود

 

[Q8ya88]

ام الكبتن ماجد ...
امبيه نفس الحاله جتني مدرسة انجليزي وطلبت منها تشرح القواعد ورفضت وقالت بعدين
وقعدت على اسأله الكتاب اترجمهم بالعربي ساعتين ضاعو واهي بس تكتب بالعربي وانا فاهمه مالاداعي اترجم
تنرفزت حدي ..... مشكله الواحد محتاج مدرسين خصوصي ماتنفع المذكرات بس
يلاا الله يوفقنا يارب

 

[ام الكبتن ماجد]

كويتيه 88
انتي اي صف
اذا تبين عندي رقم مدرسه انجليزي قققمممممه بالذوووق ووشرحها رووووعه

 

[يتيمة جابر العز]

بنات منو فيكم أدبي بالمنطقة الرابعة ؟