تجمع صيف ماليزيا 2012

[كوكا كولا]

تصبحون على خير

أشوفكم باجر قبل لا اروح المطار ان شاء الله

 

[كراميلو]

مافهمتك وكيف اضبطه. وووسفره سعيده

 

[شيخة الحلوة]

حياتي كوكا كولا تروحين وتردين بالسلامة ياقلبي

والاغراض وايد مرتبه ماشاالله بس لاتنسين الشامبو

 

[*الهنوف*]

حياج كولا تعالي عندي
انا باقي لي خمس ايام وارد
بقضيهم بالعاصمه كولالمبور


جنتق تهبل جوها عجيب
وبيننق ممله حتي شارع البتروفنحجي مو حلو ذاك الزود جنها تايلند

 

[نـازك الملائكة]

وأنتِ من اهله كوالا
تروحين وترجعين بالسلامة

 

[نـازك الملائكة]

الهنوف غريبة ما نمتِ ولا صحيتِ خلاص
اتوقع توقيتكم عشر الصباح الحين صح

 

[سمرq8]

صباح الخير ​

 

[كوكا كولا]

شيخة الحلوة

الشامبو والبلسم والشاور جيل الكبير كله موجود لافته في جيسين علشان ما ينكت سبحان الله
في شغلات ما صورتها بس صورت الأساسي
الله يسلمج يا حياتي اصلا طارت النومه ما فيني نوم كلللللللش مع اني تعبانه وعيوني تحرقني

 

[كوكا كولا]

*الهنوف*

الله يحييج عاد بقعد بكوالالمبور اول ما اوصل 3 ليالي عقبها بروح لنكاوي 3 ليالي واستمتع هناك

قلت لج لنكاوي وايد احلى من بينانق حتى زوجي قال لي اختاري وحده واخترت لنكاوي اكيد لأن صج تحسين انج بجزيرة وجدامج تشوفين قطع الجزر متناثره روعه
وان شاء الله بالطبيعة تكون روعه مثل الصور

اي جنتنق حاطتها ببالي 100% ان شاء الله بس بنروح لها يوم كامل وبنتغدى بالمطعم الصيني الي بالفندق اذا ماني غلطانه او المجمع بنسأل عنه وايد يمدحونه

 

[كوكا كولا]

نـازك الملائكة

وانتي من اهله اصلا ما نمت طارت النومه لوووووول
بتريق وارد انام ميته من الجوع
وبحاول انام غصب لازم انام ولا راح ادوخ بالليل وقت السفره

 

[*الهنوف*]

الساعه عندنا 11:17

لنكاوي حلوه وبحرها صافي بس هاديه تنفع للعرسان
احنا لو بنروح بنسبح يوم وبنمل

يعني بينتق علي الصخب اللي فيها ملينا
احلي شي ببينق
الهضبه ومعرض الالعاب


عاد قالو نقدر نوديكم رحله للنكاوي يوم واحد
بس نبي نوفر مصاريف بدينا نفلس
وورانا 4 ايام بالعاصمه وتسوق

 

[*الهنوف*]

اب اب

 

[*الهنوف*]

كوكاكولا
وين ترانزيت وجم ساعه

الله يعينج عالسفر 7 ساعات ملل
وحتي لو انج نعسانه والله ماتقدرين تنامين
اترسي ايفونج العاب وقزريها

اول ماتوصلين اشتري خط واشتركي بالنت مال ابو اسبوع الخط والاشتراك ب 4 دنانير يابلاش
خط maxis


جنتق مايكفيها يوم ودور عالتلفريك
نصيحه اقعدي فيها ليلتين او ثلاث
جوها روعه باااارد وغيم
اساسا مدينتة الالعاب يبي لج نص يوم كامل يالله ماخلصتيها لان زحمه علي دور الالعاب
والمدينه الفرنسبه لاااااااااتطوفج بجنتق روووووووعه*

 

[سمرq8]

الهنوف شلون الاجواء العامه بالمنتدي في مووضع ان ماليزياا كذبه صج يعني هالكلام ...
كلامج كلش ماحمسني وايد بديت اطخ شوي شوي ​

 

[أم ركووووووو]

كوكاكولا
حبيبيتي تروحين وتردين بسلامه والله يسهل دربكم ان شااءالله
والفال للجميععععععععععع:eh_s(7)::eh_s(7):

 

[عبيرالحب]

احساس نادر افضل. فندق في لنكاوي ويستن لنكاوي فية غرف وقية فلة وانتي اختاري اللي تبين
وفية فندق بجزيرة بروحه اسمة بارك روعة تروحين له بسفينة صغيرة سوي بحث وشوفية

واللي تسال عن الكاميرون وافاموسا لا هذي ولا هذي اختاري القرية الفرنسية والقرية اليابانية وانتي رادة من جنتنج مري
عليهم واستمتعي بالجو الحلو وكانك بالريف الفرنسي والياباني
الكاميرون كلها مزاراع وافاموسا منتجع فية العاب وعروض فلكلورية يعني حسافة اتضيعين وقتك فية *

 

[أحلى همبه كويتية]

نـازك الملائكة

اي الحمدلله كفت الجنطة.... جنطتي صغيره وجنطة زوجي صغيره وحطيتها داخل الكبيرة الفاضيه وانا هناك راح اشتري لي جنطة كبيرة

الرول قالت لي عنها رفيجتي تقول ما تتعفس الهدوم كلش ولا يبيلها كوي
قلت اجرب وانا عندي اوتي بخار يعني ماراح اتعب ان شاء الله لو ماضبطت الحركة بس حلو اجربها

الله الله
خوووووووووش ترتيب
لو تشوفين اغراضي انا تقولين رايحة هجرة هههههه

الله يسهل سفرتكم وان شاء الله تستانسين ونسمع الاخبار الطيبة منك
:eh_s(7)::eh_s(7)::eh_s(7):

 

[كوكا كولا]

*الهنوف*

احنا رايحين على القطرية وترانزين بقطر ساعة بس الحمدلله اخترنا أقل وقت
وعقبها نطير لماليزيا ونوصل من باجر الصبح الساعة 9 ان شاء الله

عاد ما نمت إلا ساعتين كلش ماجاني نوم افكر وايد

اي حاطه ببالي باخذ خط ماكسس وبسألهم عن أحسن خدمة للأيفون لأسبوعين

جنتنق كافي عليها يوم واحد احنا ما نلعب انا وزوجي بس يمكن نكسر الروتين ونلعب هناك محد يدري لووووول

المدينة الفرنسية افا عليج خلاص حطيتها بجدولي ان شاء الله

 

[كوكا كولا]

سمرq8

مالج شغل بالموضوع الي كاتبينه البنات
عمتي 4 مرات رايحه لها تقول روعه

يمكن الي يذمونها مو متعودين على الأجواء الاستوائية
او مروا بتجربه كرهتهم فيها وما يكونون راحوا لأماكن سياحية وايد عرفتي خليج متفائله دايماً

 

[كوكا كولا]

أم ركووووووو

الله يسللللللللمج يا حياااااااااااتي
آآآآآآمين يارب