تجمع صيف ماليزيا 2012

[كوكا كولا]

تصبحون على خير حبايب قلبي اشوفكم باجر ان شاء الله لي خلصت تجهيز جناطي وقعدت فاضيه ماعندي شي لووووووول
ودي اشبع منكم قبل لا اسافر بقعد معاكم اليوم كله

 

[نـازك الملائكة]

نوم العافيه
وأنت ِ من اهله

 

[سر الجنان]

درب السلامه والله يردكم بالسلاامه وبلغينا عن اهم الاشياء الموجوده والحلوه

 

[سمرq8]

يه يه يه يه

الاخبار كلها اليوم تونس :eh_s(9):

كيلوبترا الف الف مبرووك والله يتمم عليج ...:yaaaaaarb:

وكراميلوو عسى افراحكم دووم يا رب وتهنون بالعرس ...:eh_s(17):

كولا عسى سفرتج تكون من احلي السفرات وماتكون اخر سفره مع بعلج ودبي عجيبع عجييبه بشهر 2و3 انا بدبي على طول بهالاشهر :eh_s(22):

ممممم بعد منووو نسيت مممم مااذكر لمه اذكر برجع لكم ...:eh_s(7):​

 

[** آية من الجمال **]

الله يرحمهآآ ويغفرلهآ يارب ..

استأذني بآجر رفيجتج بهالوقت محتآجه لكم .. لانها تعبانه وتحس بالفراغ الكبير .. الله يعنيهم ويصبرهم

** آية من الجمال **

الله يرحمها ويغفر لها يارب ويثبتها عند السؤال
لازم تآخذين اجازه وتوجبين رفيجتج مهما كان هذي امها الي توفت ورفيجتج محتاجه وقفتج معاها بعزا أمها

ايه عظم الله آجركم
كوكا أنا عن نفسي كل ما أسافر ما اخلي شي بالفندق كله معاي بجنطتي والباجي نسحب بالبطاقة مناك والجوازات نحطهم بأمانات الفندق بالريسبشن

مشكووووورين كيلوبترا - كوكاكولا وحبي نانو وكل باقي البنات ماقصرتو

إن شاءالله بستأذن اليوم من الدوام وخذت إجازة يومين بعد عشان أجابلها

عسى الله يخفف عليهم ويآخذ بيدهم ويمسح على قلوبهم اللهم آمييين :yaaaaaarb:

 

[** آية من الجمال **]

ماشاءالله ماشاءالله وهم ماشاءالله الصفحات طيارة ... شكله وااايد سوالف طافتني!

الله يتمم عليكم وعلينا الترابط واللمه الحلوة ونشوف بعض بتجمعات ثانية إن شاءالله

عاد أنا لازم أرد جري وأرجع أقرى كل إللي طافني وأعلق على أسئلتكم وسوالفكم إن شاءالله بالوقت المتاح لي لأن راح أنشغل هاليومين بالعزا ... بس كل ما أبي أرتاح بشبك معاكم وأشوف أخباركم

كوكا كولا >>> بفقدك لي سافرتي من غير شر ... تروحون وترجعون بالسلامة إن شاءالله وكل البنات

بنات عفيا كل وحدة تكتب تواريخ سفرتها الروحة والردة خل نتطمن على بعض بدل ما فجأة وحدة تختفي وماندري وينها!

أبدي بنفسي:

إن شاءالله ع العمانية >>> أول مرة بنجربها ع البزنز كلاس إن شاءالله تطلع حلوة نفس ما سمعت

الإقلاع: 30/6/2012 الفجر الموافق يوم السبت وبالهجري حق كراميلو نفس ما قلت لها قبل على ذاكرتي 15/8/1433

العودة إلى أرض الوطن بإذن الله الخميس الموافق 12/7/2012

مدة الرحلة: 13 يوم بــ12 ليلة والله يسهل

حجوزات الفنادق: لما الحين بانتظار الأوكى بكرة لأن اليوم عطلتهم

ودمتم ...

 

[** آية من الجمال **]

كل مابتذكر شي بكتبلكم لوول من كثر المعلومات نسيت

في ماركه ماليزيه اسمهآ elianto خذت من عندهم شدوهات وبيس قبل الشدو رووووعه الصراحه

والالوان واضحه واكيد راح اشتري من عندهم مره ثانيه

وبودرتهم خذت وحده واتحسفت لانها خفيفه وتغطيتها روعه


http://www.elianto.biz/

شكل الماركة حلوة ما شاءالله ... طبية؟؟؟؟؟

 

[** آية من الجمال **]

eng.shouq

انا حجزت من مكتب السفريات وايد اضمن من حجوزات النت

أأيدك 100%

 

[** آية من الجمال **]

سؤال صغير

تفضلون السفر يكون بالليل ولآ الصبح ؟
وشو تسون يوم تكونون فالطيآره .. ؟
وشو رايكم بأكل الطيآره

سؤالك صراحة واااااايد حلو ويستحق يكون موضوع بروحه لمعرفة الآراء المختلفة :eh_s(10):

1- تفضلين السفر بالليل ولا الصبح؟
بالنسبة لي دام بسافر وأركب طيارة مايهمني الوقت وايد بس دايما أفضل الصباحيات المبكررررررة يعنى من الفجر وشذي ... يعنى أغلب سفراتي كانت بهالوقت أو الليل متأخر

العصاري نو ما جربتها ولا أحبها ... الظهاري صادفتني قليل للعمرة بس هذا إللي أذكرها

2-شسوي بالطيارة؟
أقرى الأذكار بالبداية ، المعوذات وأدعي ربي دايما بالاقلاع والهبوط لأنه من مواطن إستجابة الدعاء وأقرى قرآن شوية بالبداية خاصة إذا مسافرة بروحي ، خلاف ذلك مشاهدة المسلسلات والأفلام عربي / انجلش والمواقف المضحكة ، ما أنسى أصور طبعا كل شي خاصة الآقلاع والهبوط إذا كان الشباك نظيف وما صادف مكاني جناح طيارة! آكل شبس أملح وأنام شوية إذا تعبانه حيل ، أقوم أتمشى إذا المسافة طويلة وكان لي خلق :eh_s(4): لأن ينصحون تتمشين كل ساعتين عشان الدورة الدموية هذا إللي أسويه حاليا طبعا لما كنت ياهل ومع أختي الوضع يختلف!

3-شنو رآينا بأكل الطيارة؟
صراحة يفرق على حسب الخطوط لأن في خطوط فيها إمكانية وتنوع الإختيارات مثل أكل نباتي - لو كالوري - خالي من مشتقات الحليب - نن فات ولسته طويييييييييييييلة

بعضهم الإختيار محدود لحم أو خضار فقط >>> طبعا أقصد إمكانية إختيار وتحديد نوع الطعام من الحجز مقدما قبل الرحلة وبعض الخطوط ما عندهم هالخدمة إنت وحظك ...

بشكل عام بالنسبة لي أكل الطيارة وااايد طيب وغني والحمدالله ع النعمة :eh_s(15):

أتمنى أكون وفيت بجواب سؤالك الصغير الطويل بإجابته وماكون ثقلت عليكم وياريت باقي البنات يقولون لي رآيهم أتوفع بس كولا إللي جاوبت إذا ما خانتني الذاكرة والله أعلم :eh_s(7):

 

[كوكا كولا]

سر الجنان

ان شاء الله راح اقول لكم على كل شي
وبحاول اسجل ملاحظاتي بالنوت علشان افيدكم بكل شي

 

[fdeet_shosho]

مرحبا بنات
الله يعين عالجو الحار قاعده ازهب شغلاتي الاخيره ان شالله بالليل اقفل الجناط خلاص
كولا عفيه حطي تجهيزاتج عشان اذا طافني شي يمديني اروح اييبه
وانا اذا فضيت بالليل بكتب شغلات ممكن تفيدكم بس مافي مجال اصور كلش ماعندي وقت

 

[كوكا كولا]

سمرq8

الله يستر..... على الله يتمم علي السفره.... قاعده تصير شغلات عسى ما تتعطل هالسفره اعوذ بالله
ياااااربي العين علي.... جنه محد سافر بهالعالم الا انا لا حول ولا قوة إلا بالله

بنات ادعولي ان الله يحفظ عيالي وما يصير شي بعد ويعطل سفرتي :eh_s(16):

 

[كوكا كولا]

fdeet_shosho

اي ابشري ان شاء الله بحطهم اليوم بس مادري خل اجيك على اغراضي لأن بالليل لازم اسكر الجنطة مثلج
وفي شغلات باجر تنحط بالجنطة مثل فرشاة الأسنان ومجموعة عنايتي لأن راح استخدمهم قبل لا اطلع المطار ان شاء الله

بشوف أغراضي الحين أحسن وبحاول انزل الصور اليوم علشان تستفيدون كلكم

برب..... تجهيز تآآآآآآآآآيم

 

[سر الجنان]

بنات عفيه بغيت محلات بخور العود الماليزي وين احصله وشسم المحلات المعرووفه :e3:

 

[*الهنوف*]

بنات شوفو تجربتي بفندق بي فيو

انتبهوا من هالفندق
وفي ناس ذامينه ببوكنج دت كوم

للاسف انا ماقريت تعليقات الزوار الا متاخر

http://www.q8yat.com/t1066399.html#post30788218

 

[احساس نادر]

بنااااات انصدمت من تقرير الهنوف عن ذا باي فيو انا حاجزه فيه في لنكاااااوي امبيه بحثت عنه حيل يذمونه تكفوووون بليييز شنو احسن فندق في لنكاوي ويكون على البحر بتلاحق عمري والغي حجز فندق ذ باي فيو

 

[سمرq8]

الهنوف الحمدالله على السلامه اشوه انا حجزت ب لنكاوي فندق بيلانقي بيتش بس لي الحين شخص واحد ذمه لي الله يستر ​

 

[سمرq8]

الهنوف خوفتيني الصراحه بسالفت الفندق وسويت سيرش علي الفندق اللي انا حاجزه فيه وشوفووو شنو لقيت
كولا ضرور اول ماتوصلين الفندق اللي بالنكاوي تتواصلين معاي حدي خفت


​

 

[احساس نادر]

سمر اذا بس تعليق واحد يذمه لا تصدقين يمكن هو بالاساس مو عاجبته السفرة بس انا بحثت عن فندقي ذا باي فيو حييييل يذمونه والحين الهنوف حطت تقرير بالصور ضاق خلقي صراحة انا رايحة بستانس خصيصا انه شهر عسل ��

بنااات منو راحت لنكاوي وشنو احسن فندق يطل على البحر بليز بغير حجز ذا باي فيو بأسرع وقت

 

[سمرq8]

احساس نادر امدحو لي فندق كأنه اسمه الشيرتون بس في اثنين

شيراتون بردانا
شيراتون لانكاوي بيتش ريزورت
سوي سيرش عليهم ​