-{ تجمع سنع ودلع ●•

[نور الكويت]

يعطيج العافية ام اسامة على المجهود بس لج إللي تبينه إذا طبقته

 

[" غـادهـ "]

نور شدعوه ليش ما نعرفها معروووووووفه هالكلمه عند البدو فديتهم !!

 

[نور الكويت]

ايه حلو


كلامي بدوي شمري بحت فحسبالي محد يعرف بعض الكلمات او ناسيها

 

[نور الكويت]

ياهلا يامرحبابك يالله حي الغالي
بس قلّي ودي افهم وين هي هالغيبه
يمكن احسن لو تقول السالفه طوّالي
الحكي ياما شبعت امن البشر تلعيبه
الغلط لوقلت مني؟ذبحتك حلاّلي
ماذخرت بشوف عيني والغلا تدريبه
لاغديت ولارحلّت ولاانقطع جوّالي
شنهو عذرك والله انه خيبتك ياخيبه
يوم تنشد كيف حالي ؟ماعرفت احوالي
صحّتي احمّد ربي والعقل ياطيبه
منبسط والحمد لله معرسين اعيالي
واصغر اعيالي نجح مدري شنو ترتيبه
واجد اعلومن بعد تدري بها حسبالي
اووو ياعيب الشـــــــــوم والله منّنا ياعيبه
ياااااااا أخي لك عين والله جاي تمر اقبالي؟
العذر لو ني مكانك استحي لااجيبه
لو اداري ماي وجهي واحفظه اشوالي
كان قالوا ننتظر لين العذر ياتيبه
جيت من صوبي مطّفي ماظربت العالي
ياهلا يامرحبا تستاهل الترحيبه
تدري ويش الي ذبحني ؟الوفاشسوالي
اي مدام الي يخوّن مالقا تعذيبه
يرحم الله ليلتن ماروّحت من بالي
يوم يدّك في يديني والشعر توميبه
مشيتك مشيّت دلع يوم الدلع موالي
وانصدم فيك المياعه فوق هذي هيبه
يوم اناديك الغلا وانتا رصيد اموالي
من يكون انته رصيده مايفلّس جيبه
ذاك مبطي في عيوني ما اشوفه تالي
تبت من طعن الهوى شفت الهوى ماليبه
روح في فالك وانا برضو بروح بفالي
سمّح الله دربك الي ناوي (ن) تمشيبه
مرحبا مع السلامه ياهلا بالغالي
مرحبا يامرحبا تستاهل الترحيبه

الشاعر عبدالكريم زيد الجباري الشمري

 

[" غـادهـ "]

فديت الكلام البدوي ..



والشمري بالذات << ترى آنا من عشاق كلام شمر ما تشوفيني أموت على عبد الكريم <<هذا سبب من أسباب الولع !!

 

[نور الكويت]

القلوب عند بعضها

 

[" غـادهـ "]

للتخلص من رائحة الفم بوصفه سهله !!




قبل النوم اغمسي اصبعك في زيت زيتون وافركي اسنانك ولثتك كويس وبعدها مضمضي فمك واغسليه بالمعجون

النتيجة :

لآن زيت الزيتون معقم طبيعي ضدد الجراثيم المسببة للرائحة الكريهة بعد النوم
و ممكن تطحني هيل ( حبهان ) ويضاف لزيت الزيتون ويوضع في الحمام عشان يكون
في متناول اليد .. لان الهيل ايضا معقم ومطهر

<< عن تجربه رووووووووووووووووووووووعه شي مو طبيعي !!

 

[نور الكويت]

ما يسود الأسنان >>>>> ادري بتقولين شكو


بس من متى وانتي تجربينها ؟؟

مايأثر على الأسنان واللثه بشكل عاام

 

[أم منيـرة]

ودااعاااا لالم ازالة الشعر .. مع المخدر التراكايين

شووفوو المخـدر ..

 

[أم منيـرة]

نور

لا ما يأثر ،

بالعكس هالطريقه حلـووه ..
انا حاطته ببطل ماي الصحه ف الحمام ..

وهم النعناع ، أكلووه مثل العلج ..

 

[۩ غيـر عنهم ۩]

صباحكم قهوووووووووووووه وتميررررات


وينكم يا بنات ما رديتوا :eh_s(14):

بااااك
من بعد التفرفر



بنات ابي كريم تكون تغطيته وحده
ابي جذي طبيعي ولون واحد

 

[نور الكويت]

نجرب شورانا

 

[سيدة الذوق]

بجرب طريقه مع اني قبل اتمضمض بهيل ودارسين وماي ورد

 

[أم منيـرة]

وللمحافظة على شعرك ومظهره عليك معرفة أسباب تساقطه لتتجنبيها .


أهم عشرة أسباب لتساقط الشعر :


1- تؤدي بعض الأمراض العضوية إلى تساقط الشعر ومنها خلل
إفراز الغدد الدرقية والغدة النخامية ومرض السكري وعندما يكون تساقطه بسبب ذلك عليك الالتزام بالعلاج الذي تصفه الطبيبة تماما .
2- فقر الدم ونقص عنصر الحديد الهام لتغذية بصيلة الشعر .


3- تسريح الشعر بطريقة خاطئة أو شده بطريقة غير صحيحة .


4- اختلال إفراز الهرمونات لأسباب عضوية أو خارجية مثل تناول حبوب منع الحمل
5-الحالة النفسية السيئة .. حيث يتساقط الشعر بعد مرور من 3 إلى4 أشهر بعد الأزمات النفسية .


6- الثعلبة وهي مرض معروف وشائع يصيب الرجال والنساء .


7- العامل الوراثي ويصيب الرجال بشكل أساسي ويصيب النساء بعد سن معينة
8- بعض الأدوية لها علاقة بذلك ومنها المضادات الدرقية وأدوية علاج السرطان .


9- الإكثار من استخدام الصبغات ومستحضرات الشعر الغنية بالمواد الكيميائية ويفضل استعمال تلك الأنواع المصنعة من المواد الطبيعية .


10-النظام الغذائي( الرجيم ) القاسي الذي يسبب نقص المواد الغذائية اللازمة للشعر مما يضعفها ويجعلها عرضة للعوامل الخارجية فيسبب تساقطها .
11- صبغ الشعر بكثره في مده قصيره



الوقاية..




1- مساج الشعر على الاقل في الاسبوع مره لتنشيط الفروه
2- الاكثار من الفيتامينات
3- التنويع في الوجبات بحيث تغطي السوائل والكالسيوم والدهون والبروتينات والكربوهيدرات
4- الاكثار من الوجبات الصحيه
5- الاكثار من السمك
6- الاكثار من الخضروات الخضراء (الجرجير والخس والرويد والسبانخ)
7- زيارة الطبيب ان استمر التساقط لصرف ادويه مناسبه والعلاج المناسب
8- استخدام نوعية المشط المناسب وانصحكم بمشط الخشب
9- تقليل من الستخدام الاستشوار في الاسبوع مره يكتفى
10- تجنب الاصباغ واستخدام المواد الطبيعيه مثل الحنى
11- تجنب التمليس واستخدام مواد طبيعيه
12- تغيير الشامبو والبلسم والكريم كل 4 اشهر مره يكتفي
13- استخدام خلطه معينه وزيت معينه والاستمراريه عليه لفترات متباعده وليس بشكل يومي

 

[نور الكويت]

ياصباح الدبسه والدهينات >>>>> ادري ثقيل على المعده

 

[أم منيـرة]

غير عنهم ..

صبـآح الورد .. اهلييييين ..

،

من صجج ..؟ هذي بشرتها تلوع الجبد وسمره ، وكريمها مو شي ..

،
اذا تبين اختاري الكريم المناسب لبشرتج ..
وتبين بودره تغطيتها حلوه بودرة كريولان .. حلووه واخذي افتح من لونج بدرجه وادعيـلي ..

 

[۩ غيـر عنهم ۩]

هلا نور

هلا فيج ام منور


ادري انها تلووووع الجبد بس امانه التغطيه مو حلوه لون واحد

 

[نور الكويت]

يالله بنات نشوفكم على خير مع السلامة

 

[أم منيـرة]

غير عنهم ..

لا انا صراحه مو عاجبتني..

في اللي أحلى ..

مثل ما قلت لج اختاري كريم ترتاحين عليه .. واخذي بودرة كريولان ..

 

[۩ غيـر عنهم ۩]

في حفظ الله نور