-{ تجمع سنع ودلع ●•

[كويتية كيووت]

بنات دامكم تتكلمون على العطور
من شمت عطر بخور اند بخور من ضمن عطور توم فورد جديد

 

[الغشمريـــه]

مرحبا يابنات

 

[ألماس q8]

هلاااا مراااااااحب


الغشمريه عرسج باجر وشابكه؟؟؟؟؟

 

[مناير البيت]

ياحليلج الغشمرية ,,

شعندج سهراانة رووحي ريحي ,,

باااجر يومج طويل

الله يتمم عليج فرحتج ,

 

[ألماس q8]

يلا انا استأذن

بروح اسوي لي شبس وبطالع التلفزيون

 

[كويتية كيووت]

الغشمريه الله يتمم لج على خير

 

[" أضـــــوى "]

بنات بقوووولكم شي ...في شغلات تسوونها بس اول مره اعرفها مع اني اصلي بدووويه بس مااعرفها ..احيان اسمع فيها منكم


يعني شنووو تقهوينها ؟؟؟ يعني احنا اذا بنسير مثلا ناخذ حلووو ونروح نسلم وبسسسسسس


اشرحووولي يعني شنو تاخذين قهوه معاج للناس ؟؟؟ موفشششله ؟؟يعني هم مايسووون قهوه وشاي من نفسهم لازم انتو تجيبون !!



اتمنى احد يعلمني لان احس نفسي ضايعه بالطوووشه

 

[غلاوي الديره]

صباح الخير
موفقين عرايس ومتزوجات
اضوي احم حم انا افهمج <<عاد ياشين شرحها
المهم مثلا فلانه تزوجت بعد شهر تقرييبا ادق عليها ولا ارسلها مسج اقولها لما تروحين لبيت اهلج بلغيني بجي اقهويج واخذ حلو وموالح او فطاير وقهوه وشاي واروح لها عاد كيفها تسوي قهوه ولا ماتسوي بس مثلا وحده جاتني البيت تقهويني انا جايه من السفر ولا لاي سبب لازم اصب من قهوتها حتى لو كنت انا اساسا مسويه قهوه ولا زم اشرب منها هذي سلوممنا <<قلتلج ياشين شرحي

 

[مناير البيت]

بنات بقوووولكم شي ...في شغلات تسوونها بس اول مره اعرفها مع اني اصلي بدووويه بس مااعرفها ..احيان اسمع فيها منكم


يعني شنووو تقهوينها ؟؟؟ يعني احنا اذا بنسير مثلا ناخذ حلووو ونروح نسلم وبسسسسسس


اشرحووولي يعني شنو تاخذين قهوه معاج للناس ؟؟؟ موفشششله ؟؟يعني هم مايسووون قهوه وشاي من نفسهم لازم انتو تجيبون !!

اتمنى احد يعلمني لان احس نفسي ضايعه بالطوووشه

لا لازم قهوة وحلو وموالح,,

من عرفت الدنيا وهذي مواجيبنا ,, :ggdw: للناس اللي نقهويهم ,,

بس ناخذ القهوة بحالات ,,

حالة الولادة تجمع الحلو مع الهدية والقهوة :klhfl:

,,وحدة طالعة من مستشفى ,,وحدة رادة من سفرة ,, ناخذ قهوة وحلو ,,

اما اذا عرووس تروحين تهدين بس ,,:klhfl:

اتمنى افدتج اضوى هذي علومنا اهاااا :68_asmilies-com:

​

 

[مناير البيت]

صباح الخير
موفقين عرايس ومتزوجات
اضوي احم حم انا افهمج <<عاد ياشين شرحها
المهم مثلا فلانه تزوجت بعد شهر تقرييبا ادق عليها ولا ارسلها مسج اقولها لما تروحين لبيت اهلج بلغيني بجي اقهويج واخذ حلو وموالح او فطاير وقهوه وشاي واروح لها عاد كيفها تسوي قهوه ولا ماتسوي بس مثلا وحده جاتني البيت تقهويني انا جايه من السفر ولا لاي سبب لازم اصب من قهوتها حتى لو كنت انا اساسا مسويه قهوه ولا زم اشرب منها هذي سلوممنا <<قلتلج ياشين شرحي

غلاااي شرحج ابرك من شرحي حطيت لها جدول :dddds:

 

[غلاوي الديره]

هههههههههههههه مناير رفعتي معنويااتي اختي دايم تقولين لاتشرحين شرحج دايم غلط
لا العروس نروح نهديها قبل عرسها بس اما بعد عرسها بشهر لازم نروح نقهويها قهوه وحلو وموالح والخ.. بس الهديه قبل عرسها او بيوم عرسها نعطيها امها .. <<ماتنعطى وجه

 

[شوقني ياشوق]

مناير ومطمط فديتكم



سجلت عندي الفوط بكثر منهم.. صايره جني الكاتب اللي مع المحقق كل ما اسمع شي اكتبه هههههههههههههههههه





شقحت من صفحه 12 لـصفحه 22.. متعاجزه اقرا اللي بينهم

 

[شوقني ياشوق]

بنات لما قرصكم الجوع بعد العرس ثاني وثالث يوم شسويتو؟



طبعا بطونكم صارت آلات موسيقيه من الجوع ههههههههههههههه

 

[مناير البيت]

شوقني ,,شخبار التجهيز معااج ,,

عسى خلصتي القوائم ,,

اهم شئ توزيع الفلوس ,,

وكل طلعة للسوق خليها لشغلة معينة ,,رووحة للشنط والجزم تكرمين ,,روحة للبس البيت

 

[شوقني ياشوق]

ياقلبي اقسم شنو؟ اي فلوس< عزااااه


خلصت تجهيز
بقالي شغلات خفيفه جم كعب على جم جنطه واغراض الجمعيه واستلام نفنوف العرس ونفنوف ثاني يوم وجذي

 

[مناير البيت]

مشاء الله ,,

الله يتمم عليج فرحتج,,

ماراح تحسين بالجوع لانه من ثاني يوم اي شئ لو ماااي يشبعج

بس اهم شئ حلاو المص الميني لاتنسينها من الجمعية

 

[شوقني ياشوق]

مشكوره ياقلبي.. يوفقنا جميع يارب



اي صح الله يذكرج بالشهاده



بكتب مع اغراض الجمعيه والصيدليه حلاو اللي يجي شرايح اسهل



بقولكم اللي مسجلته عندي اغراضي من الجمعيه والصيدليه
شاور جل لوكس
ليفه من بودي شوب تهبل ماتخرب مع الوقت
شامبو بيرت بلاس
قطن
اعواد اذان
اولويز
كير فري اليومي
غسول خاص
فرشاة اسنان
معجون الملك< عجيب يعطيج بياض ناصع (يستعمل مره بالاسبوع من قوته)
معجون اسنان كلوز اب
مناديل مبلله
غسول مكياج
فيبكس (مزيل عرق) ما استغني عنه




بعد بنات ذكروني شنو ناسيه؟؟

 

[فوووفوو]

يسعد صباااااااحكم
شلونج مطمط
يسلموا عالموضوع الحلو
الله يوفقج وييسر امورج ويبارك لج عرسج<<<<<<<<<ولو انها متأخره التبريكه
مواضيعج كالعاده متميزه
اتمنى تحجزيلي مكان<<<<لو سمحتي قريب من الملعب عشان اشوف الرقص عدل ههههههههه
بكمل قرايتي للصفحات ولي رجعه لووووول

 

[شوقني ياشوق]

حياج الله فوفو



والله بالج طويل تقرين اللي طاف.. انا طافتني عشر صفحات وللحين قاعده افكر متى اقراهم؟؟؟

 

[مناير البيت]

شوقني ليش شاور لوكس ,,

اخذي لج ست كامل بريحة مميزة للسبوح من نكتار ,,ريحة عجيبة اسمه برايد ست

القاائمة كاملة عندج