تجمع رشيقات صيف 2011 Yes We Can Do It " Lets Go Girls

[om l3yal]

يلا ضيون برووووو الله وياج
استلمت الحراسة بدالج
تلاقين كل خير يا حلوة

 

[Melazlaza]

لولو مبررووووووووك خليها تريحج شوي وبسج محاتاة الله يحفظها

 

[om l3yal]

عطوووووف شلونج شخبارج
لا اعتمدي علا الميزان اللي وزنتي في قبل الرجيم ولا تنسين ان الملابس تزيد الوزن يعني لازم تكونين....... عاد اللبيب بالاشارة يفهم
والكيلوبن وااايد حلوين بس عساهم بصحة ان شاالله

 

[om l3yal]

مشكورة ملزلزة عاجبني الاسم
تصدقين لي ركبت معاها السيارة مع ان حرام سياقتها جيل راكدة بس اتم علا اعصابي

 

[Melazlaza]

حبيبتي انا بخير الحمدلله وصج حلوين واعتمدت علي نفس الميزان بس هم خوارة ادري فيه ولازم ربي كما خلقتني لووووووووووووول انشالله بسمع الكلام

 

[Melazlaza]

عاد الاسم يا عااسريع تذكرت وحدة كانت معاي بالجامعة كانت تقولي انتي ضعيفة وملزلزة بالمصري يعني متعافية لوووول بس راحت ايام الضعف

 

[الاسده]

صباااح الخير
امس طرشت وزي بس موحاطينه مع الاوزان لان كوتن في اكثر من اسم بالمنتدا طلعلي اختيارات مادري يمكن راح الوحده ثانيه
شلون ادزه علي الخاص انا كتبته بالانجليزي الاسم
علي العموم هذا وزني
السابق: 81
الحالي : 77
مادري ليش ثبت
اليوم بخليه سوائل بس يمكن جسمي تعود علي اكل الرجيم

 

[om l3yal]

اسودة مشاالله تبارك الله اربعة كيلو حلويييين اللي يزيدج ويثبت ارادتج

 

[أم عامر]

صباح الخير ياحلوين

مبروك النزول

من الساعه 10 وانا قاعده اقرى الصغحات

ماشاء الله صايرين بيب بيب :RoadRunner:

كوتن ما تشوفين شر وانصحج انج تشوفين دكتوره تغذيه احسن لج

حرام عليج عندج 7 اطفال منو راح يقابلهم لو صار لج شي

اتقي الله فيهم

 

[أم عامر]

قعدت من النوم مصدعه ولما تجيني هالحاله يصير مالي خلق

وكنت مشتهيه الريوق ولما حطيته نرفزني ولدي

فما تريقت لاعت جبدي بس شربت حليب :eh_s(2):

 

[om l3yal]

ام عمور عليج بالعافية
يامعودة طولي بالج علا الياهل وتعوذي من الشيطان

 

[أم عامر]

ام عمور عليج بالعافية
يامعودة طولي بالج علا الياهل وتعوذي من الشيطان

هلا ام العيال والله مطوله بالي

بس هو الله يهديه صاير حنان وبس يبجي وعنيد

الله يعين

 

[brat]

هاي بنات، شلونكم؟ مالكم حس اليوم

وناسه قعدت اليوم مبجر، ١١:٣٠، وإنشالله باجر أقوم أبجر أبي أعدل نومتي مليت :/

الحين قاعده أشرب ماي دافي ويا عسل وعقبها بتريق توست أسمر ويا جبن فيتا وخيار وفلفل أخضر (نفس عشا أمس لول)

عطوف مبروك عالنزول ماشالله أهم شي ودعتي ال٧٠

الأسده مبروووك عالنزول، ماشالله، انتي إذا بتدزين لها مسج، ضغطي على نكها أضمنلج


لولو مبرووووك على نجاح بنتج، ميخالف خليها عشان تعتمد على روحها، وإذا على طلعة الصبح اتفقي معاها إن مرة بالأسبوع توصلينا

 

[طبعي خجولهـ]

مساء الخير ...

كيفكم يا رشيقات ؟

ألف لا باس عليك كتون ... انتبهي لنفسك حبيبتي ...وبعدين هاذولي عيالك والاوراق اجراءات قانونية فقط لا غير .. وهم يحبونك اكيد ما عليك من الاوراق حبيبتي

بالعافيه ما كليتوا بنات ..

اول ما قمت شربت كاسين موية
وقبل ساعه افطرت 2 بيض مسلوق + ملعقة صغيرة مايونيز + خبز الرغيف الصحي + نص كوب شاهي بدون سكر

 

[brat]

طبعي خجولهـ

الله يعافيج، انتي بعد عليج بالعافية

 

[عيون سارة]

مبرووووووك عيون ساره عالبركه الحمل
وسوري قلت عيون ساره بس لانج صار لج فتره مختفيه
خلاص الحين هتمي بنفسج ولاتضغطين وايد على روحج بالدايت وحاولي تاكلين شغلات صحيه وشوفي لج نظام يناسب الحوامل وبنفس الوقت صحي ومايزيد وايد بالوزن
علبركه والايام جايه ان شاء الله وتسوين دايت

بعد عمري والله
تسلمين يا\وق وكل البنات الى باركوا لي وعقبالكم يارب

الله يفرحني فيكم بعد
وانتي صادقه قاعده افرر بالنت ادور ريجيم حوامل
ودكتوري مال الريجيم قال لي تعالي لان لازم اغير لج الريجيم
وبس

بالليل ارجع واقرا ردودكم

ومشكورين وايد

 

[Zain_ALZain]

حبيبتي كتون لا باس عليج الله يشفيج ويقومج بالسلامه حق عيالج

وديري بالج على نفسج هاليومين .

هذي بنت لو شنو يصير مالج شغل باوراقهم القانونيه خل يبلونها ويشربون مايها

لا تقهرين عمرج على شي ما يسوى الزم ما عليج صحتج

 

[Zain_ALZain]

قوه بنات شلونكم شخباركم

اليوم تيتي تيتي زي ما روحتي جيتي

رديت حق اول 3 ايام بروتين

ريوق ما تريقت بس شربت وايد ماي

وقبل الغدا بربع ساعه بلعت حبتين سليم لاكس

وتغديت حبتين ميد مشوي + حمسة ربيان والحمدلله عالنعمه

برات اكتشفت انه الرجيم الوحيد الي ينزل وزني عدل اهوه

حسين دشتي لانه قبله كنت ماخذه نظام التخفيف وانزل بالاسبوع كيلو بس

اما حسين دشتي باسبوع 3.5 كيلو

 

[طبعي خجولهـ]

الله يعافيك برات

توني لعبت اوربت تراك 10 د

والحين قاعده اشرب زنجبيل:rerrerek:

 

[أم عامر]

السلام عليكم

تغديت

شوربه
2 برجر دجاج
نخي وجم حبه بطاط


وبعدها على طول هجوم على البيت تنظيف

وحاسه حرقت نص الاكل لأني احس بالاكل نص مغثوثه

والله مافي احلا من الخفه

لو ناكل بس لما نحس بالجوع كان ما احتجنا رجيم

الحمد لله على النعمه