تجمع رجيمي حق زوجي....حياكم

[Kuwatiah fe USA]

السلام عليكم بنات

راح ابدي رجيم مدة ثلاث شهور.....ابي اضعف علشان زوجي
اذا زوجي ما يتمتع بجسمي وبحلاتي الحين عيل متى:eh_s(4): خلاص تعبت من جسمي وقررت اتغييييير ابي اصير منيكان على عطلة الصيف :ggdw:
الي تبي تنضم معاي حياها الله:eh_s(7): خلونا نشجع بعض

رجيمي مو كميائي ولا فيزيائي.....رجيم انا مجربته ونزلت عليه بعد حمالي الاول وكان جسمي ررررروعة بس بعد حمالي بولدي الاخير متنت:eh_s(11): بس الحين قررت ارجع مثل قبل الحمال يارب:yaaaaaarb:

رجيمي صحي وبدون حبوب ولا كريمات والي هو عبارة عن :
الابتعاد عن النشويات عيش وخبز ومعكرووونه الخ
الابتعاد عن الدهوووون
الابتعاد عن الحلوياااات وتوابعها
الرحيم يركز على الفواكه والخضروات بآنواعها مع اللحوم بس بكميات معتدلة ( نص ما تعودت اكل او اقل)
مع رياضة مده نص ساعه الي ساعه باليوم ( عادة احط مسلسل او برنامج سياسي بالتلفزيون يسليني وانا اركض على الجهاز)
شرب مااااااي وايد قدر المستطاع
وبس وانا اضمنلج رجيم صحي غني بالفيتامينات والالياف والبروتينات مع جسم مشدووود :ggdw:
الي تحب زوجها تنضم معاي:eh_s(7):

الوزن الحالي : 70
الوزن المطلوب : 58

نااااااطره الي تبي تشجعني واشجعها :eh_s(15):

 

[فجر_الكويت]

ان شا الله تضعفين بصحه وعااافيه يااارب

 

[Pizza Queen]

الله يوفقج انشالله

وتحققين اللي في بالج يالغلا

 

[Kuwatiah fe USA]

مشكورين على الردود المشجعه

 

[Pizza Queen]

انتي بامريكا

اي ولايه ؟

عاد امريكا حلوياتهم ماااااااصخه

يعني فرصتج تضعفين خخخخخخ

اكلهم يلوع الجبد

 

[Kuwatiah fe USA]

انتي بامريكا

اي ولايه ؟

عاد امريكا حلوياتهم ماااااااصخه

يعني فرصتج تضعفين خخخخخخ

اكلهم يلوع الجبد

انا بشيكاغو
بالعكس امريكا وما ادراك ما امريكا كل شي يهببببل خاصة الاكل والمطاعم والجمعيات والكاكاوات والبطاطات والفناتك وووو:eh_s(16):

 

[او شوق]

انا لي يومين وبديت الرجيم الله يكون بالعون وينحفنا

 

[قطوووة]

انتي قدها

انا بديت رجيم من 69 الى 58 خلال يمكن 4 او 5 شهور

نزولي كان بطيئ

 

[*غلا الكويت *]

انا راح انضم معاج ان شاء الله
وان شاء الله نوصل الوزن اللي نبيه
وانتي قدهاااا ونص

 

[Kuwatiah fe USA]

او شوق وقطوه وغلا الكويت مشكورين على الردود الايجابية


قطوه شنو كتن رجيمج؟ انت الوزن الي نزلتيه نفسه بالضبط ابي انزله ماشالله ويارب اصير مثلج
غلا الكويت حيااااج قوليلي شنو وزنج وجم تبيم تنزلين؟

 

[نونو نونوه]

موفقه حبيبتيي يالله خل نظعف حق ازواجنا ونصير كتاكيت و الله شعور لا يوصف

انا باجر موعدي عند طالب الشمري اول مره

طولي 159
وزني اخر مره وزنت 73 واكيد زايد لاني فالتها لول

وموفقه ووين يومياتج

 

[Kuwatiah fe USA]

موفقه حبيبتيي يالله خل نظعف حق ازواجنا ونصير كتاكيت و الله شعور لا يوصف

انا باجر موعدي عند طالب الشمري اول مره

طولي 159
وزني اخر مره وزنت 73 واكيد زايد لاني فالتها لول

وموفقه ووين يومياتج

نونو يسعدلي هالرد:eh_s(9): كنت انطر وحدة تشاركني وبنفس وزني طولي وناااااسه :ggdw:

يلا نبدي ونحط يومياتنا والله يحقق هدفنا انشالله :yaaaaaarb:

اليوم بديت
الريوق عبارة عن حليب قليل الدسم وكورن فلكس وقهوه
الغدا تفاحة وخوخ
العشا قطع جكن بالفلفل

شربت ماي واااايد وشربت شاي

ما سويت رياضة اليوم لان جهازي ما وصل ويمكن يوصل باجر.
كل يوم جمعه راح اوزن


يلا قوليلي اخبارج وشنوسويتي مع الدكتور الشمري؟

 

[دلال كووول]

وأنا معاج شكرااااا​

 

[احبك بس منت ملكي]

هلا حبيبتي
انا معك وزني 71 وابي 60
الله يعينا انا رجيمي مثلك مااحرم نفسي واجد

 

[نونو نونوه]

هلا كويتيه مشالله يومياتج حلوه وزين تسوين كثري من الماي

اليوم رحت حق طالب و مثل ماتوقت زايده كيلوين مو مشكله الحمدالله بس ما ارتحت حق الدكتور ولا الياده بصراحه ياالله اهم شي اضف وانشالله بسس تتحسن الميزانيه ارد حق دكتوري القديم

وانا راح ابدي من باجر انشالله

وبعد شويه راح اكتبلكم الرجيم اللي عطتني اياه

موفقين بنات يالله كتبو يومياتكم خل نتشجع

 

[*غلا الكويت *]

هلا حبيبتي انا وزني 100 وابي انزل ليــ80 مبدئياا

وان شاء الله نوصل للوزن اللي نبيه

وعلى فكره ترا كان وزني 120 وسويت رجيم والحمدالله نزلت من وزني

 

[قطوووة]

هذي قصتي مع الرجيم

http://www.q8yat.com/t1005176.html

 

[نونو نونوه]

غلا الكويت مشالله مشالله الله يوفقج انشالله استمري حبيبتي وعسى الله يوفقج بكل خوه بطريج الرشاقة ويسعدج

 

[نونو نونوه]

قطوه يزاج الله خير بميزان حسناتج وموضوعج يبيله مزاج سيفته علشان اقراه اذا نام ولدي لووووووووووووووول

يارب ياري ماتردين كيلو واحد ولا ترجعين حق السمنه

 

[سرآآآآب]

موفقه قلبي بس لوو بتنحفين انحفي عشاانك انتي مو لزوجك
محد بيفيدك الا صحتك بس لازوج ولا غيره >>وجهة نظر


تقبلي مروري