++ تجمع خاص للي تبي تحمل ببنت ++ @ حياكم @

[ريكاتو]

واي حبيبتي انا بعد ابي بنت مع اني توني والدة وعندي بنت عمرها 3 سنين وبعدها ولد عمره 6 شهور وها الشهر ماكليت حبوب لأني ميتة على البنية ولا سميتها دلال قبل لا احمل حمدلله والشكر حتى وانا نايمة اتحلم فيها الله يرزقنا كلنا اللي نتمناه

 

[ام زاكي]

ااااااااامين يارب

 

[الفرفورةرفرف]

عاد انا من الحين ببتدي اخطب حق اولادي
بحجز من الحين
بس بعد العلم عند الله يمكن تطلع بنت

 

[ام زاكي]

يلا بتدي حجزي شوراج من قدج عندج اولاد :klhfl:

يابختنا كلنا عندنا اولاد <<<<< من الحره هههههههههه :dddds:

 

[المبدعة]

امممممممممممم

تخطبوني من وراي ما يصير

انا شيخة التجمع ليش ما استاذنتوا مني

هههههههههههههههههههههههههههه

 

[الفرفورةرفرف]

الله يرزقنا

 

[سما الكويت]

تعالي انا في رمضان ثاني يوم من الدوره صار لي شي غريب

صدر واحد قام يعورني عوار مو طبيعي وحسيت تحجر في منطقه وحده

وتميت اعصر فيه ولا اشوف حليب استغربت لي سنه من فطمت ولدي

بس تميت اعصر فيه لين ارتحت وراح التكتل الي فيه بس اول مره يصير فيني جذي

يقولون انه من علامات ارتفاع هرمون الحليب.. ( البرولاكتين )..

مع اني ارتفع عندى قبل حملتى الاخيره..وماكن يطلع من صدرى حليب ولا شي !!!

علشان جذيه بسوى التحليل..اخاف اقعد اجرب احمل وأأمل نفسي كل شهر واخير شي يطلع مرتفع..

 

[عنزروته]

انا الحمد للله عندي ابنية وحدة وودي ببنية ثانية لها لان لازم انسطر البنات ورا بعض والعيال ورا بعض <<حشي فريق كرة
بس انا ابطيت عليها يعني علي ما اقطع الحبوب والمناعة تاخذ وقتها يكون الفرق جبير وما يلعبون مع بعض لان بنتي هالحين عمرها اربع سنوات .............
الله يرزق كل الي يبي من عيال وبنات ..............زاللهم امييين

 

[شيخة البلادين]

السلام عليكم جميعا..

شخباركم بنات..

 

[سما الكويت]

سبحان الله انا نفسج عندي ولدين واللي بطني ولد بعد

وخاطري بالبنت ومتشفقه عليها لدرجه انه ساعات اقعد ابجي واحس انه عمري ماراح اييب بنت

وعلى طاري الصبيان ماشاء الله الكل ميت على الولد اكو تجمعات بمنتديات ثانيه وصلوا للتجمع العشرين

واحنا ميتين على ظفر البنت

انشالله هالمره انا ناويه احمل بسرعه وما انطر اكثر من سنه وراح اسعى انشالله ربي ما يخيب ظني

انتوا ادعوا بس ان ربي يغنينا بنعمته عمن سواه
يارحمان يارحيم

شدعوه يا الغاليه تبجين..ترا اللى تجيب الولد تجيب البنت..ومو زين عليج هالاحساس..تحمدي ربج على النعمه اللى انتى فيها..

انا كنت ميته عالبنت اول حملتين..بعدين صار عادى عندى..بس اللى حوالى شفقانين يشوفون بنياتى..

واللى يحز بالنفس ان ام البنيات تخاف على بنياتها منى..قلت حتى انا اخاف على عيالي منها..:dddds:

وودى ببنيه تشيلنى انا وابوها تالى عمرنا..توقف يمى بعروس اخوانها..تصير صديقتى وسري مثل ما احنا مع امنا الحين عسى الله يخليها لنا ان شاء الله..

عسى الله يرزقنا ولا يحرمنا ...يااااااااااااااااااااارب..يا كريييييييييييييم..

 

[شيخة البلادين]

:eh_s(6):

انا الاسبوع اللى فات اهله يقنعون فينى خلى المانع..وانا اقول حرام عليكم ولدى صغير..مايدرون انى مخليته صارلى شهرين..

بنات بسألكم..انتو اذا حملتو تعلمون على طول..والا تكتمون جم شهر..ولما تعلمون تقولون الصج والا تخربطون الاشهر..؟؟؟

جاوبونى علشان اقولكم السالفه اللى ورا هالسؤال..:tomato2:

سما شخبارج...!!

ماقلتي لنا السالفة اللي ورا سؤالج...!!!!

 

[سما الكويت]

صباح الخير يا بناااااااااااااااااااات
شاونكم وشخباركم
باركولي امس سويت سونار
واااااااااااااااي فديت البيبي
سمعت النبض
وشفتة ياحالاااااااااااااااااته
بس قالتلي الدكتورة النبض سريع احتمال ولد
يعني انا احتمال برا التجمع

اهلين يا الغلا..

مبروووووك وعسى تقر عينج بشوفتها ان شاء الله..وتطلع الدكتوره غلطانه..:ggdw:

ومايصير ما تطلعين من تجمعنا..حتى لو ولد..بنزوجه وحده من بنات التجمع...:tomato2:

 

[شيخة البلادين]

صباح الخير يا بناااااااااااااااااااات
شاونكم وشخباركم
باركولي امس سويت سونار
واااااااااااااااي فديت البيبي
سمعت النبض
وشفتة ياحالاااااااااااااااااته
بس قالتلي الدكتورة النبض سريع احتمال ولد
يعني انا احتمال برا التجمع

عسى الله يبارك لج.. ويتمم عليج الصحة والعافية..

ولا نقبل انسحابك من التجمع...

والله يا بنات اني بالفعل احس انكم قريبين مني مثل خواتي.. واحرص اني ادخل النت يوميا اشوف اخباركم..

عسى الله يجمعنا دايما على الخير لافاقد ولا مفقود..

 

[شيخة البلادين]

يقولون انه من علامات ارتفاع هرمون الحليب.. ( البرولاكتين )..

مع اني ارتفع عندى قبل حملتى الاخيره..وماكن يطلع من صدرى حليب ولا شي !!!

علشان جذيه بسوى التحليل..اخاف اقعد اجرب احمل وأأمل نفسي كل شهر واخير شي يطلع مرتفع..

شنو تحليل البرولاكتين..؟؟
وهذا له تأثير على الحمل؟؟

ان شاء الله ماعليج الا العافية حبيبتي سما..

طمنينا عليج..

 

[شيخة البلادين]

هلا سما انا بخير انت شلونج

فرفورة الحمدلله انج سمعتي نبض البيبي

و العلم عند الله اذا كان ولد و لابنت

والله يرزقج

وحتى لو طلع ولد

ممنوووووووووووووع تطلعين م التجمع منعا باتا

وهذي رئيسة التجمع رافضة انسحابك يا فرفورة...:eh_s(6):

 

[سما الكويت]

سما شخبارج...!!

ماقلتي لنا السالفة اللي ورا سؤالج...!!!!

الله يسلمج انا كل حمله اعلم خالتى ام زوجى..من وانا عند المختبر..

وهالمره مزوجه عيالها الاثنين الشهر اللى فات..وتعرفون سوالف الخالات..

ساعات اقول اول ما احمل اعلمها..واقول يمكن تخبي عنى حمل جناتها..وانا مالى علاقه فيهم للحين كل شي رسمى..

خصوصا ان هى مالها جو..مرات تعلمنى بحمل بناتها..ومرات تخش عنى!!!

وساعات اقول ما اعلمها انطر جم شهر ولما تعلمنى عنهم اقول حتى انا حامل..

انتو شرايكم؟؟

اللى يقرا سالفتى يحسبنى حامل الحين..:dddds:

 

[شيخة البلادين]

آخر الاخبار..

امس كنت عند الدكتورة.. كسرت مياديفي وخربت علي خطتي..

من بعد ماطمني دكتور العظام على حالتي وامكانيتي للحمل.. طرت لدكتورة امراض النسا.. وقلت لها وطلبت منها المحلول الحمضي والنصايح الخاصة بالحمل بالبنت..
المهم مع السوالف قلت لها عن راي زوجي بالحمل وفكرتي اللي مخططة لها من مدة اني بسويها فيه..
وهي اني بوهمه اني آخذ حبوب مانع.. عشان الريال ياخذ راحته واقدر احمل...

لقيت الدكتورة تقوللي ما انصحج بانج تبدين حملج بالخدعة..!!!!

كسرت عزومي بالمرة...

ولقيت كلامها منطقي ونصيحتها قيمة..:eh_s(1):

فانا الحين بابتدي بصلاة الاستخارة واحاول باقناعه.. وعسى الله يهديه... ويكتب اللي فيه خير وصالح..

وعسى الله يرزقنا جميعا باللي نتمناه...اللهم آمين يارب العالمين

 

[سما الكويت]

شنو تحليل البرولاكتين..؟؟
وهذا له تأثير على الحمل؟؟

ان شاء الله ماعليج الا العافية حبيبتي سما..

طمنينا عليج..

ايه يا الغاليه..اذا ارتفع هالهرمون يصير مانع طبيعي للحمل..

ليش المره لما ترضع عقب البيبي سنه وسنتين ماتنزل عليها الدوره وماتحمل!!!..لان هالهرمون مرتفع معاها..

وانا المره اللى فاتت ماكان يطلع حليب من صدرى ودورتى منتظمه مثل الساعه ومع هذا تأخر حملى 10 شهور وبالنهايه طلع الهرمون مرتفع..وماكو اى اعراض.!!!

وهالمره ابي اختصر الوقت واسوى التحليل..وقالى دكتور المختبر ان بعد فيه تحليل التبويض اسويه 2 يوم من الدوره..

اذا كلهم تمام..اتكل على الله ان شاء الله واحمل بدون موانع..

 

[شيخة البلادين]

الله يسلمج انا كل حمله اعلم خالتى ام زوجى..من وانا عند المختبر..

وهالمره مزوجه عيالها الاثنين الشهر اللى فات..وتعرفون سوالف الخالات..

ساعات اقول اول ما احمل اعلمها..واقول يمكن تخبي عنى حمل جناتها..وانا مالى علاقه فيهم للحين كل شي رسمى..

خصوصا ان هى مالها جو..مرات تعلمنى بحمل بناتها..ومرات تخش عنى!!!

وساعات اقول ما اعلمها انطر جم شهر ولما تعلمنى عنهم اقول حتى انا حامل..

انتو شرايكم؟؟

اللى يقرا سالفتى يحسبنى حامل الحين..:dddds:

:dddds:

واي هالخالات عليهم سوالف...!! ليش التغبي بعد..!!!

الحمدلله انتي مترسة عينج من العيال.. جانها تخاف من العين.. ولو ان مافي داعي..

انا برايي قولي لها.. اذا الله كتب لج الحمل ان شاء الله
وكسري عينهم.. وبيني ان هالامور وسوالف التغبي انتي ماتهمج وان عقلج اكبر من جذي..

والله اني لما اتذكر موقف مرة صار مع خالتي عن حماتي اقعد اضحك عليه... ولا احتر مثل بعض الناس لما تسمع هالسوالف..

اشرايج ان مرة فقدت وحدة من حمواتي .. كل مانروح لهم مانشوفها ودايما يتعذرون عنها..
اوكي ماحطيت في بالي..

ومرة سألت خالتي عنها قلت لها شخبارها .. قالت لي حامل تعبانة..
قلت زين ماشاء الله عسى الله يبارك لها ويتمم عليها.. والله ان بعد يومين قاللي ريلي ترى اختي ولدت...:dddds:

اثاري الاخت موصلة.. وانا احسب توها مستغبة...!!

 

[سما الكويت]

آخر الاخبار..

امس كنت عند الدكتورة.. كسرت مياديفي وخربت علي خطتي..

من بعد ماطمني دكتور العظام على حالتي وامكانيتي للحمل.. طرت لدكتورة امراض النسا.. وقلت لها وطلبت منها المحلول الحمضي والنصايح الخاصة بالحمل بالبنت..
المهم مع السوالف قلت لها عن راي زوجي بالحمل وفكرتي اللي مخططة لها من مدة اني بسويها فيه..
وهي اني بوهمه اني آخذ حبوب مانع.. عشان الريال ياخذ راحته واقدر احمل...

لقيت الدكتورة تقوللي ما انصحج بانج تبدين حملج بالخدعة..!!!!

كسرت عزومي بالمرة...

ولقيت كلامها منطقي ونصيحتها قيمة..:eh_s(1):

فانا الحين بابتدي بصلاة الاستخارة واحاول باقناعه.. وعسى الله يهديه... ويكتب اللي فيه خير وصالح..

وعسى الله يرزقنا جميعا باللي نتمناه...اللهم آمين يارب العالمين

استخيري واتكلى على الله..

والحمدلله على سلامتج يا الغاليه..