++ تجمع خاص للي تبي تحمل ببنت ++ @ حياكم @

[ريكاتو]

اهلا بالحلوين شخباركم

 

[ام زاكي]

اهلين وسهلين

شخبارج سما

شخبارج جواهر

شخبارج ريكوتا

سما حبيبتي اذا انتي حامل عسالله يهون عليج والخيره فيما ختاره الله ويمكن تجي البنوته الي تنتضرينها

 

[سما الكويت]

لا ام زاكى..مو حامل..بس دورتى متأخره..وموسوسه...

مابي الحين ..بس الخيره فيما يختاره الله..

وان شاء الله تجى بنتى اللى نطرتها 13 سنه..اللهم امييييين..

 

[الفرفورةرفرف]

مرحبا بنوتات
ام زاكي ليش ما سلمتي علي
شخباركم
سما انشالله حامل

 

[ام زاكي]

انشالله الله كريم

 

[المبدعة]

اهلين بالحبايب

شنو اخر اخباركم

اليوم شيوخة ما دشت عسى ما شر ؟؟؟؟

 

[الفرفورةرفرف]

احنا بخيرحمدالله

 

[المبدعة]

تصدقون امس ماكلة بصل اخضر كامل بس عشان افتح خشمي

والله وكيلكم لا تبطل و لا حنت حسيت بطعم البصل مو ليه
يعني فقدت حاسة الشم و التذوق
عايشة على 3 حواس من اصل خمس حواس

 

[ام زاكي]

مرحبا بنوتات
ام زاكي ليش ما سلمتي علي
شخباركم
سما انشالله حامل

فرفوره حبيبتي مانتبهت انج هني شخبارج شعلومج

شلون النونو بلغيه سلام من النون تبعي




مبدعه ماتشوفين شر بس الزكام يقولج ياخذ دورته يعني بعلاج ولا بدونه راح يمر عليج اسبوع وتتحسننين

 

[المبدعة]

الشر ما يج يا قلبي

يا ام زاكي

 

[الجوري2008]

مساء الخير
انا جديدة معاكم بالتجمع كنت قبل في قسم تأخر الانجاب والحين معاكم الحمد لله
صار لي شهر ونص حامل وودي اعرف كيف اجيب بنت هههههههههههه
هذا اول حمل لي ونفسي في بنوته هل في اكل معين او شيء اسويه؟؟

 

[حشمه]

مساء الخير
انا جديدة معاكم بالتجمع كنت قبل في قسم تأخر الانجاب والحين معاكم الحمد لله
صار لي شهر ونص حامل وودي اعرف كيف اجيب بنت هههههههههههه
هذا اول حمل لي ونفسي في بنوته هل في اكل معين او شيء اسويه؟؟

الاكل المعين او الغسول يكون قبل الحمل

بس دام انج حملتي الله يثبته ان شالله ويهون عليج

ويرزقج باللي تتمنينه

 

[ام زاكي]

صباح الخير يابنات شخباركم

 

[عبير الكويت%%]

صباح النور ام زاكي انا دورتي متاخره يمكن اكون حامل اونظم لكم لانه نفسي ببنوته ويصير عندي بنت وولد:wqedqw:

 

[سما الكويت]

هلا بنات..شلونكم..

الجوري ..حياج الله معانا يا الغاليه وان شاء الله حامل ببنت..

عبير الكويت..ان شاء الله حامل بتوم بنات..



انا للحين دوتى مانزلت..وامس تعبت حاشنى هبوط خفيف..وبس ابي انام..وجسمى متكسر ومنهد حيلي من ولا شي!!!

معاى عوار الدوره يروح ويرد على خفيف..بس ماحللت وخايفه احلل..

حاسه انى مو حامل واخاف احلل ويطلع صج ماكو حمل ..ساعتها اكيد عندى مشكله اخرت دورتى!!!

لله يكتبلي اللى فيه الخير لى..

 

[ام زاكي]

عبير حياج معنا نورتي التجمع ونشالله تكونين حامل

الجوري حياج البيت بيتج



سما حبيبتي يمكن حامل انا ماعرفت نفسي هالمره اني حامل الا من التعب الي جاني وجسمي منهد جنه فيني صخونه

كله انام بس بعد ماخت لي 24 يوم راحت هالاعراض وبتدت الناساه معاي

 

[سما الكويت]

صباح الخير ام زاكى..

وكل البنات اللى بيدخلون بعدى..

امس ظل مستمر معاى التعب..والنووووووووووووووم..

وسويت تحليل حمل منزلى..

تتوقعون شنو طلع معاى!!!!






























خطين واحد غامج والثانى افتح شوى..يعنى حامل..

وقعدت ابجى..لاتسألونى ليش..حتى زوجى اخترع منى وسكت شوى..وطلع وخلانى..

مادى ليش بجيت وللحين فينى غصه..يمكن فرحه وامل بالله ان البنت بتجينى عقب هالعمر..والا خايفه ماتطلع بنت..والا يموت البيبي وما افرح فيه مثل اختى..مادرى اشياء كثييييييييره جت على بالي..

وللحين مو مصدقه انى حامل وبروح اسوى تحليل دم علشان اتأكد اكثر..

عسى الله يكتبلي الخير والصالح ويرزقنى وياكم البنات اللى نتمانهم صالحات وبارات..

اللهم امين..

 

[عبير الكويت%%]

الف الف الف الف الف مبروك ان شالله يجيج بنوته حلوه يارب

 

[سما الكويت]

تونى جايه من المختبر..حلت دم وثبت شرعا..

حامل وان شاء الله بنت يارب..

الله يبارك فيج عبوره..الفال لج ان شاء الله..

 

[عبير الكويت%%]

ماشاالله الله يثبته ان شالله:yaaaaaarb: