++ تجمع خاص للي تبي تحمل ببنت ++ @ حياكم @

[ام زاكي]

الله يسمع منج المبدعه

شيخه اي تأملي لوووول

بس استغفر الله احس مو مثل قبل الوحده اول ماتحمل تتخيل شنو راح تسوي حق البيبي اذا بنت او ولد

الحين ماني عارفه شنو اجهز وخايفه بعد اروح اسوي سونار ولايعرفون لي ويطلع التجهيز غلط

شكلي مراح اجهز شي الا بعد الولاده

بشتري الكفر وكل شي بس اغراض البيبي مراح اشتري الا اللون المحايد وكم قطعه

 

[شيخة البلادين]

تدرين يا ام زاكي..

انا ماني عارفة شلون ابتدي بالتجهيز.. خاصة للبيبي.. احس كأني بكر..:eh_s(6):

وبالنسبة للون باخذ المحايد على رايك... عشان بعد مابي احد يشك سواء زوجي ولا عيالي..

وبخليهم على فالهم.. واللي ايي من الله حياه الله...

 

[ام زاكي]

اي والله انا نفسج ياشيخه كل الي قلت بشتريه هالشهر احس راح عن بالي قلت بصبر شوياذا صرت في السابع والثامن

ليش شيخه انتي ماقلتي حق عيالج ولازوجج انه احتمال فيج ولد

 

[شيخة البلادين]

لا ماقلت لهم ولا لي نية اقولهم.. بس هم كل شوي يسألوني..يما شنو فيج ولد ولا بنت..!!.. وانا اقولهم العلم عند الله..

وابوهم مايبي يعرف ويقوللي انتي بعد لا تشوفين ولاتعرفين قبل الولادة..خليها مفاجأة احسن...>>> يحسب فيني صبر مثله..!!

وانا ماقلت الا لصديقتي ولاختي الكبيرة بس انه احتمال ولد.. والله كريم..

 

[ام زاكي]

صبااااح الخير

 

[سما الكويت]

صباح الخير ام زاكى..

احس من زمان حيل حيل عن التجمع..صج مقصرين..والبنات ماصارو يدخلون نفس قبل...

 

[المبدعة]

سلام بنات

اشسلوووووووووووووووونكم
مرت سنة كاملة على هالتجمع
الطيب هذا

ونااااااااااااااااااااااااسة

هبي نيو يير


كل عام و انت بخير

 

[ام زاكي]

وعليكم السلام

هلا المبدعه انشالله سنه خير علينا كلنا

كل عام وانتو بخير

الله لا يفرقنا

وعسا ربي يجمعنا مع الحبيب المصطفى

 

[ام زاكي]

صباح الخير ام زاكى..

احس من زمان حيل حيل عن التجمع..صج مقصرين..والبنات ماصارو يدخلون نفس قبل...

هلا حبيبتي سما وين الواحد يدخل مثل قبل المنتدى يعلق ويبط الجبد والواحد كل ماتحمس وبيدخل رد واحد يرفع الضغطه

ويطلع

 

[شيخة البلادين]

اهلين بنات..

صباح الخير... شلونكم...

كل عام وانتوا بخير....

ومشكووورة واايد يا المبدعة على هالتجمع الحلو... اللي عرفتينا فيه على هالناس الطيبة...

 

[الفرفورةرفرف]

مرحباااااااااااا بنوتااااااااااااااااااات
ياللي تبون البنات
شخباركم والله منزمان عنكم؟؟؟؟
انا تكيسلت عنكم بس والله انتو في بالي
ها بشرونا منو سونارها بنوتة؟اوقالولها ولد زطلعت بنت؟؟؟
انا الحمداللح الحين باول الثامن والرؤية اثبتت انه ولد معرس حق اللي يابو بنات
صاحبة التجمع المبدعة بشرينا عنج
باجي البنات الله يعينكم عالتجهيز
والثقل والتعب

 

[المبدعة]

هلا بنااااااااااااااااات

هلا فيكم زين شفناكم
اقصد تواصلت من جديد اشدعوة يبا

المهم
صج هالتجمع خير علينا عسى الله يبارك لنا فيه يا رب

ياما باركنا حق اللي حملوا و تحمدنا بالسلامة حق اللي ولدوا
ودعينا للي يبي بان الله يرزقها اللي تبي

 

[المبدعة]

مرحباااااااااااا بنوتااااااااااااااااااات
ياللي تبون البنات
شخباركم والله منزمان عنكم؟؟؟؟
انا تكيسلت عنكم بس والله انتو في بالي
ها بشرونا منو سونارها بنوتة؟اوقالولها ولد زطلعت بنت؟؟؟
انا الحمداللح الحين باول الثامن والرؤية اثبتت انه ولد معرس حق اللي يابو بنات
صاحبة التجمع المبدعة بشرينا عنج
باجي البنات الله يعينكم عالتجهيز
والثقل والتعب

انا بخير يا قلبي

انت شلونج
اهم شي ينولد بتاريخ ميلادي 13/5
مو قبل و لا بعد


:aha:

 

[المبدعة]

تصدقون بنات مرات لما اروح السوق اشوف بنات حمل

اقول مادري يمكن تطلع وحدة فيهم معانا بالتجمع
واحنا ما نعرفها

ما يصير معاكم جذي ؟؟؟؟؟؟؟؟؟

 

[ام زاكي]

صباح الخير

هلا فرفوره والمبدعه

شلونكم شخباركم

 

[الفرفورةرفرف]

هاهاهاهاهااه
المبدعو انا لما اروح اراجع جذي يصير فيني
المبدعة عيد ميلاد اخوي عاد 13\5
يامعودة اهم شي اولد طبيعي وبسهالة
ادعولي لأن ولادتي الاولى قيصري
ادعولي محتاجة لدعواتكم

 

[ام زاكي]

لا انشالله طبيعي بس انتي لاتحاتين وذكري ربج وعسالله يقومج بالسلامه

 

[المبدعة]

ان شالله تولدين طبيعي

بس انت لا تحاتين

وحلاته نونو

عاد شراح تسمينه ؟؟؟

لا يكون الاسم اللي في بالي ؟؟؟؟

ام زااااااااااااااااااااااااااااكي

مرحبا الساع

شدعوة

ما تساين عناااااااااااااااااا

 

[ام زاكي]

وينج المبدعه انا صرت اكثر وحده ادخل هالتجمع

والله ودي اشوفكم كل يوم بس مااشوف احد وبعد كل وحده تدخل بوقت غير الثانيه

حتى سما وشيخه معاي بالتجمع الثاني ولا اشوفهم

والمنتدى مايساعد

الله يكون في العون بس

 

[المبدعة]

امييييييييييييييييييين


الله يكون في العون

شعليخ داشة كذا تجمع

من قدج