تجمع خاص للي أوزانهم 60 كيلو و حابين يكون 55 كيلو أو 50 كيلو

[توووووتة الحلوة]

شوشو اي نسيت اكتب شي بعد سوي الاشاعه الصوتيه اضن اسمها سونار مدري المهم صلحيها ليكون فيك مراره الله لايقوله او زايده لاتجلسين تتالمين !!

ادري يمكن ردي يخوفك بس احتياط روحي افحصي نفسك كل الي قلت لك يمكن الالم والغثيان نقص كالسيوم او مراره ! الله يحميك منها

حدي عصبت :rgewrg: ههههههههههه ما بقيتي شي ... اشعة صوتية و سونار اهي بسبب الفلو، معدتها تعبت عادي حتى انا تصير لي لما يكون فيني زكام

طريق السعادة عطوج مع الفيتامين دال، حبوب كالسيوم او لا؟

 

[توووووتة الحلوة]

وصفه حق اللي يبي يجرب سناك خفيف و صحي بالبيت:

- كوب تمر بدون الطعام - 3/4 كوب مكسرات مشكله (نيه) - 4 ملاعق بودرة كاكاو من غير محلي (unsweetened) - ملعقه صغيره دارسين - رشة ملح البحر (Sea Salt) 1) حطوا المكسرات بالخلاطه و طحنوه شوي. 2) ظيفوا باجي المكونات و خلطوا عدل. 3) صبوا الخلطه على قصدير و خزنوا بالثلاجه (8 ساعات) او فريزر (4 ساعات). 4) الوصفه حق 6 أشخاص او 6 سناك بارز. الكالوريز حق سناك بار واحد: 200 كالوريز 4 قرام بروتين 10 قرام فات 5 قرام ألياف 23 قرام كاربوهايدرات

 

[Rawan00]

تووتة اليوم خربطت وية خواتي وزني رد 67
وعصير الانااناس العلبة الحجم العادي 250 مل ليش وايد انا قالوولي كلما شربتي كلما ضعفتي اكثر ؟؟
وماقدر لازم اقيس ماقدر اشوف الميزان وماقيس ابي اضعف زهقت :eh_s(16):

 

[طريق السعاده]

شوشو الحمد لله ع سلامتك وزين انك تحسنتي انتبهي حق صحتك حبوبه

تووته ههههههههههههه شسوي انا انسانه اخاف من الالم ف نصحتها تفحص لان لو انا مكانها بسوي كل الي كتبته ههههههه

بالنسبه حق فيتامين دال انا نقص حاد عندي ف عطوني محلول وطعمه خايس بعد هع لون غطاه ازرق لازم اشرب علبه فالاسبوع حددت يوم الجمعه اشرب علبه وكل جمعه علبه وهكذا بناء ع شرح الدكتور < ترا اهرج عربي خخخ

في منه انواع وفي حبوب بس قال الحبوب اذا النقص خفيف وفي محلول لونه اورنج كرتونه احلى طعمه بس يقول مايسوي لي شيء ف انتي افحصي وحسب نقصك رح يكتب لك الي يناسبك واصلن اغلب الشعب عندهم نقص دال بيتنا كلهم تقريبا خخخ ناقصين

 

[طريق السعاده]

توووته هذي صوره من النت جبتها فيها صوره المحلولين الاورنج والازرق انا استخدم الازرق الي طعمه خايس

:eh_s(1):



اي وترا اخلطه مع ماي او عصير عشان اقدر اشربه :/ ف لو خذيتي اخلطيه عادي المهم مع شيء بارد

 

[sho-sho_93]

�� اليوم وزنت وزني 56 ومازال الاحباط مستمر كنت اتمنى اوصل هالوزن بصحه وعافيه بس الحمدلله ياربي يقولونلي شربي حليب انا اشربه انتكس بزياااااااااده الكل قاعد يقولي خلصتي اختفيييتي �� اذا كملت هالاسبوع جذي احتمال تلقون ملابس خاليه تمشي�� المشكله اني اخاف اكل لان بس اييه الليل التعب بزياده يطلع

توته عاديتج دايت نينجا هههههه انا 24 ساعه اطالع صوره اترقب اي صوره ينزل

 

[طريق السعاده]

شوشو الحمد لله ع سلامتك وزين انك تحسنتي انتبهي حق صحتك حبوبه

تووته ههههههههههههه شسوي انا انسانه اخاف من الالم ف نصحتها تفحص لان لو انا مكانها بسوي كل الي كتبته ههههههه

بالنسبه حق فيتامين دال انا نقص حاد عندي ف عطوني محلول وطعمه خايس بعد هع لون غطاه ازرق لازم اشرب علبه فالاسبوع حددت يوم الجمعه اشرب علبه وكل جمعه علبه وهكذا بناء ع شرح الدكتور < ترا اهرج عربي خخخ

في منه انواع وفي حبوب بس قال الحبوب اذا النقص خفيف وفي محلول لونه اورنج كرتونه احلى طعمه بس يقول مايسوي لي شيء ف انتي افحصي وحسب نقصك رح يكتب لك الي يناسبك واصلن اغلب الشعب عندهم نقص دال بيتنا كلهم تقريبا خخخ ناقصين

عطوني حبوب كالسيوم بس ماحبيتها تسبب لي امساك وانتي بكرامه :/ ف سحبت عليها :rerrerek:

 

[Rawan00]

اليوم شربت شوربة وكانت غداي واكلت ككاو سعراته 200 كالوري
وتعشيت من مطعم العشا بس 630 سعرة
وتمرنت بس 5 دقايق مالي خلق
اي اكلت بفك
وزني الصبح قسته كان 66.2

 

[Rawan00]

سوري 430 مو 630 سعره *

 

[سأكون يوما ما أريد]

السلام عليكم كيفكم يا حلوات شو اخباركم شلون الدايت معاكم ان شاء الله مواصلين

والله لكم وحشه كلكم خاصه توته سوري ع الانقطاع لهيت بالاجازه وملكت اختي فما قدرت ادخل اكتب يومياتي

المهم اني كسرت حاجز الخمسين ودخلته يا رب لك الحمد الحين وزني 59 بالضبط وانشاء الله من باجر بدخل واكتب يومياتي​

 

[زوراروسا]

صباح الخير خواتي الحلوات
اسمحولي ع الغياب بس انشغلت بالعيال والامراض ها الفتره زايده الكل سخونه وزكام والحمد لله ع كل حال
طبعا ما قصرت بالتخبيص لازم اخربط بس ان شاء الله ما اكون زايده او ع الاقل ان شاء الله اكون صابته يارب
بنتظر الخميس وبوزن وبشوف

 

[سأكون يوما ما أريد]

الشهيه حدها مفتوحه:eh_s(16)::eh_s(16):


ابي ارجع اضبط نفس كيف يا بنات؟؟​

 

[طريق السعاده]

شسالفه هالاسبوع كلكم هاديات مافي تفاعل

بناااات شدو الهمه وارجعو حماس نفس قبل:eh_s(9)::eh_s(9)::eh_s(9):

 

[مصر-الكويت]

موفقة يارب

 

[Rawan00]

شلونكم بنات ؟
اليوم اول ماقمت قست وزني صار 65.5 :$
واكلت عالغدا ميني فطاير مال بيتنا
وتعشيت من ماك
بحاول ماكل شي طول اليوم بس اذا يعت باكل كورن فليكس وحليب
خايفه وزني يزيد والسبة ماك

 

[دبه موت]

صبحكم الله بالخير اعذروني ماقمت اشارك يومياتي معاكم والله النفسيه دماااااااااااااااااااار شامل استغفر الله
ادعو لي ربي يفرج همي عاجلا غير اجلا
وراح ابتدي من بكره احط يومياتي انا وصلت لهدفي الاول 65 بس تأزمت نفسيتي واحس زاد
فأنشاء الله من بكره يتسنع يومي
واحبكم وحشتووووووووووووووني بقوه وخاص نص توته بعد قلبي فديتها

 

[sho-sho_93]

لووول اشتقتلكم وينكم شفيه القروب انقرض الحمدلله الصحه عال العال وصارلي يومين اكل عادي وكنت قبلها كله يا توست جبن او عيش روب وعادي اكلت كوالتي ستريت بس المهم ما تجاوز 100كالوري لان اساسا ماخذته كسناك و وزني اليوم قسته نفسه ما تغير ? اليوم ناويه ارد امشي لان امس طالعه طول اليوم

 

[سأكون يوما ما أريد]

السلام عليكم ...

يومياتي مع اني ماني راضيه عندها بس الحمد لله قدرت اتحكم بنفسي شوي

الفطور : تفاحه خضره

الغدا: 10 ملاعق رز + صدر دجاج + سلطه

العشا :10 ملاعق مرقوق+ زبادي قليل الدسم


بين الوجبات جاي اخضر وماي فقط
موفقين بنات يله شدوا الهمه نبي نرجع الحماس مثل اول :eh_s(9)::eh_s(9):​

 

[رومي]

باك بعد تعب


اخباركم صراحه تجاوزت حدود الدايت. والله يستر


احس راح يزيد وزني


اخباركم.


صراحه هاليومين كنت تعبانه. ومزكمه وبنوتي انتقلت لها العدوى.
وكثير خايفه عليها الله يحفظها.
ومافيه رياضه كثير.


بس حدود البيت.
وجنب بنتي حبيبتي


وان شاء الله اقدر اعوض الاسبوع الجاي


وكان اكلي اكثر شي توست محمص مع جبن وكوب كرك
وان شاء الله ينقص الوزن
بالتوفيق. يارشيقاات ​

 

[sho-sho_93]

بنات بدعت ابداع هببت تهبيب لووول امي كنت متضايقه من شغله اكلت اكل مو صج فيني بجيه لوول حطيت حرتي بالاكل اهو ككاوات او فستق تخيلو شنو ثقيل الفستق اكلت واااااااااااااااااااايد بدون احسان امبيه حاشني تأنيب ضمير شربت جاي رويال وجاي اخضر امبيه الضغط يولد الانفجار وعيال اختي خخخ يشجعون عالبلعه كن ماشيه بالسليم باجر وعقبه رجيم وعقبه ارد عادي