نداء الى مستجدات التربية
اللي قرب تسجيلهم
كثرت الاسئلة عن التسجيل وبعضكم مو عارف
عن التسجيل والمواد شي
وهذا الرد كتبته لان اغلب الصفحات الاخيرة عن هالموضوع
بسم الله
اول شي مبروك قبولكم
بالنسبه للتسجيل
التخصصات الأدبية لها خيارين :
الاول : كورس بدون وحدات يعني ماعليه معدل
تاخذون فيه تمهيدي انقليزي وهو يوميا ساعتين
وتاخذون مقدمة برامج كلية التربية وهي يوم بالاسبوع
ولا تحاتون كلش سهلين وان شاء الله كلهم pass
الثاني : انكم تختارون مادتين 6 وحدات ( كل مادة 3 وحدات )
اخذوا اصول التربية مادة الزاميه وتفتح لكم باقي المواد
وهي مادة سهلة وحلوة
واخذوا مادة الزامية ثانية مثل تاريخ الكويت / تاريخ حضارة / مهارات اتصال /
مقدمة مناهج بحث وغيرها
وهالمواد تنحسب بالمعدل
واللي تبي تمهيدي كورس ثاني تقدر تاخذه
ومعاه 3 مواد ( يعني 9 وحدات )
وما انصحكم بالتمهيدي صيفي
لانه يوميا 4 ساعات
اتمنى اني افدتكم
وعسى الله يوفقكم
