%% تجمع حق اللي ولادتهم بأكتوبر ونوفمبر %% حياكم

[حبيب قلبي]

فينى بنت والله اعلم لا عادى من عورنى على طول قتلها ودينى ابي كمام

 

[الراجيه مغفرته]

للحين بنات صامدين

 

[حبيب قلبي]

ملوكه الحمدالله هذي عطيت الله له الحمد والشكر الواحد والله يبي سلامتهم وعافيتهم
الرجيه اييه لى الحين جدامنا درب طويل

 

[الراجيه مغفرته]

الله ييعين ويسهل علينا جميعا

 

[حبيب قلبي]

خلوها على الله يابنات وماراح يطلع الا بيومه خو ماراح يتم داخل على طول انا ارتحت نفسيا لم حطيت هالشي في بالى قبل احن متى اولد لين مليت حتى الدكتورة خيرتى تبين ادخلج واحطلج طلق صناعى قتلها لأ ليش استعيل على عمرى متى ماالله كتب بيطلع

 

[فوزانه]

هلااااا ملوكه اي انا نوعااا جديده على التجمع

انا اخر موعد لي 15-11 بس انشالله ينبط الماي واروح لان صج تعبت

عشان انا بعد ولهت على نومة البطن

 

[ektifeet]

مرحبا ياحلوات

هانت مابقا شى

بس على قولت حبيب قلبي شيلى التفكيرمن راسج وترتاحين

انا جذى كنت افكر متى اولد يارب وارتاح

بس يوم فكرت ان باقى اسبوعين قلت الحين صبرت 8 شهور مااقدر اكمل هالشهر؟

سبحان الله على ابن ادم

لا واذا خلصنا نقول متى يارب نطلع الاربعين خخخخخخخخخخخخخخخ

واذا طلعنا الاربعين نحول على البيبي ونتشكا

الله يعينا على نفسنا موووووووووو؟

 

[أم عبد الله]

صباح الخير كروشات الصاميدن اشلونكم وإللي ولدوا اتصور صار وقت نومهم من بعد سهرة ليلة أمس الله يعينكم

أنا من أول أمس إللي شربت الدارسين من بعد شور أمي وأنا لحد ألحين أتلوى من العوار خفيف بس يروح وإييي بس أمس نزل على ماي إشوية تكرمون والإفرازات زايدة مالها لون بس مخاطية مع القليل من الماء وما كان لي خلق نفسي أمس لا أكل ولاشرب وكان جسمي كله يعورني وكأنه طاقيني طق يعني شعور مابعد الولادة من تكسر بالجسم وفوقة ألم خفيف وحارج ولوعة جبد يالله العافية ( أدري لوعت اجبودكم) :cxxxp: ماعليه فقلت على الساعة 9 خلاص بروح الطبيب بفحص وانشاء الله خير ودي أولد اليوم علشان اليهال ومدارسهم يعني الويك إند حلوة هذي صح أأمن حق بالي

انشاء الله اسمع منكم الاخبار الزينة ودعولي بالسهالة والسلامة

 

[حبيب قلبي]

صباح الخير
الله يسهل عليج ام عبدالله وتولدين وتقومين بالسلامه
والله يسهل على روحى تحبك بعد عمرى وايد تعبت من امس الظهر لى اليوم الصبح وهى بس تطلق بدون شي واحتمال يدخلونها عمليه الله يسهل عليها ويقومها مع ضناها بالسلامه

 

[أم عبد الله]

مشكورة حبيبة قلبي والله يقوم روحي تحبك بالسلامة بس أنا صار معاي إلتهابات وفطريات في عنق الرحم من الدراسين إللي شربتة وألحين الله لا يبليك ألم وحرقة غير طبيعية وما أكو ولادة افحصتني الدكتورة وقالتلي بس 2سم وهذا طبيعي لأنه مو أول بيبي ولا فيني أعراض الولادة كلش بس يالله الحمد إللي تلاحقت عمري قبل الولادة على الإلتهابات والفطريات

 

[حبيب قلبي]

ويييه ام عبدالله مو خوش خبر ماتشوفين شر ان شاء الله لا تلعبين بعمرج وخليى الدارسين حزة الطلق لانه مامنه فايده جذيه

 

[حبيب قلبي]

ام عبدالله صدرى ذابحنى ودى اقطعه من الحكه تعرفين شسوى ماابي احكه علشان لا يبقع بعدين وبنفس الوقت ياكلنى

 

[أم عبد الله]

والله يا عمري الظاهر حساسية أنا كنت مثلك أول الحمل فكنت أغسل في صابون طبي من الصيدلية أهو غسول لكل الجسم abc أو لايف بوي ولله الحمد صرت أحسن بس انت روحي الطبيب أحسن وديري بالك ترى يترك أثر من كثر ماتحكينة مثل ماصار معاي

وماعليك إلا العافيه

 

[حبيب قلبي]

الله يعافيج ياعمرى مو قاعده احكه بطريقه مباشرة من فوق ملابسي علشان مايترك اثر

 

[الراجيه مغفرته]

شلونكم بنات للحين صامده

 

[Brounzi_girlly]

مسا الخير بنات شلوونكم الحمدالله روحي ولدت ويابت ولد الفال لنا
انا العوار راح كان معاي لي الصبح وبعدين بدى يخف
ابي اولد مليت

 

[الراجيه مغفرته]

الحمدلله على سلامتها الفال لنا انشالله

 

[Brounzi_girlly]

آمين راجية الله يسمع منج إن شاء الله مايصير باجر إلا احنا والدين

 

[الراجيه مغفرته]

الله كريم بس انا ودي 1/11

 

[Brounzi_girlly]

إنتي تفكيرج مثلي راجية بس تدرين شنو المشكلة ريلي راح ينحجز بالدوام من تاريخ 1 لمدة يا 3 ايام أو اسبوع والله يستر
وآناا بي ريلي معااااي