%% تجمع حق اللي ولادتهم بأكتوبر ونوفمبر %% حياكم

[حور الجنان]

شلونكم بنات

رحت دكتورتي اليوم وفحصتني طلعت مفتوحه 2 سم ووسعتني ان شااااااءالله تجيني طلوق طبيعيه يااارب

ادعوولي

 

[فوزانه]

احنا تمام

والله يسهل عليج وتولدين بالسلامه

 

[Brounzi_girlly]

الله يسهل عليج حور انا شربت الخروع مع عصير اناناس ومشي شوي بالحوش حسافة امس ماخليت الدكتورة توسعني

 

[Fatima]

سلام بنات شلونكم
انا الاسبوع الياي الدكتورة اتسوي تخطيط للقلب وواحتمال توسعني مع انه ما احب هالشي واصارخ منه واتعب
الله يسهل علينا كلنا يا رب

 

[Fatima]

كاكاوه شلونج وشلون احمداني
وجم كلفتج الولادة وشلون استقبالج

 

[Brounzi_girlly]

ابييه فطوم لا تخرعيني

 

[Fatima]

ليش برونزي اخرعج بشنو

 

[Brounzi_girlly]

عن التوسع فطووومة

 

[Fatima]

انا بحمالي الاولي الدكتورة يت فحصتني بدون ما تقولي حق شنو واخر شي عشان اتوسع
والحين خايفه مالي خلق
بس ترى كل وحده تفرق انا اختي قالت عادي وانا كان عندي مو عادي عرفتي لا تحاتين متى موعدج

 

[حبيب قلبي]

اشلونكم بنات وينج فطوم لج وحشه
حور الله يسهل عليج يارب
اليوم كانت مراجعتى على اساس تسويلى دخول وبعد الفحص قالتلى مو مفتوحه واذا تبين اسويلج دخول ويبيلج تقريبا تحميلتين يعنى تقريبا 12 ساعه وتولدين عقبها .. وخذيت رايها قالتلى نطرى احسن كنت ابي الفكه ورايحه على اساس خلاص ادش المستشفي بس بعد كلامها قلت خلاص ليش استعيل على عمرى دام الله مو كاتبه الحين وسلمت امرى لله سبحانه

 

[Fatima]

انا باجازة وولدي مريض وعندي موعد الاربعاء الياي وبشوف اذا اولد او لا لانه ما ودي اطير كل اجازتي
ووين راح تولدون يمكن نصير جارات

 

[حبيب قلبي]

سلامته فطوم من كل شر
انا على الله اذا مو دار الشفا الهادى والله يسهل

 

[أم منصـ 85 ـور]

هلو بنات

 

[حبيب قلبي]

هلاااا ام منصور اشلونج
سألت الدكتورة عن الاناناس والحليب بالزعفران قالتلى كيفج شربي بس خروع لااااااااااااااا لان مافيج طلق وراح يمشي بطنج بس

 

[Fatima]

اهلين ام منصور
يعني الحين شنو نشرب عشان نسرع الطلوق
وشنو عشبة كف مريم شنو طريقتها

 

[حبيب قلبي]

والله فطوم ماادرى انا شربت حليب بالزعفران ماسوالى شي بس يابلي اسهال تكرمين والاناناس يابلى عوار بظهرى وبطنى من الفير لى العصر واخرتها راح بلا رده

 

[أم منصـ 85 ـور]

فطوم شخبارج ..؟!! وينج من زمان ..؟!!!

ام سلوم .. أشوه انج نطرتي على عمرج تو الناس

انا أبي أولد خلاص زهقت واااااي الله يسهل يارب

 

[حبيب قلبي]

برب

 

[أم منصـ 85 ـور]

حبيب قلبي أنا أصلا أحب الأناناس الطازج اموووت فيه .. وقاعد اكله عشان شهوتي هههههههههههههه جاب طلق جاب .. لووووول

مابديت بالمتفجرات الثانية .. بس قاعد أمشي عالبحر يوميا أحس عواااار بظهري بس تعودت عليه

 

[Fatima]

ادري محتفيه شسوي الله كريم
وانا ودي اولد الاسبوع الياي بالويكند