%% تجمع حق اللي ولادتهم بأكتوبر ونوفمبر %% حياكم

[مالي وصيف123]

قوه بنات
انا حبيت اشارك معاكم لاني خلاص طفشت من النطره وتعبت من الثقل ومابقى شي ماسويته ولا اكو فايده وبصراحه لاني حدي خايفه هالمره من الولاده وكل شي اقراه اتخيله صاير معاي وتتعب نفسيتي زياده.

انا حامل بنهاية الاسبوع الثالث من الشهر التاسع واراجع عند الدكتورة العسل ناهده واهي ولدتني بحملي الاولي من سنتين

 

[شوشوة1]

انا والدة صارلي 20 يوم الفال لكم انشاالله

 

[Brounzi_girlly]

الف الحمدالله على سلامتج شوشوة انا استأذن لأني مقفلة حدييييييييييي
بااااي

 

[سفيرة العشق]

صباح الخير كروشات شخباركم ؟؟؟
انا للحين صامدة وانشالله بروح اليوم البحر امشي
وانشالله اولد زهقت والله بس استويت

 

[الزمن ماله أمان]

الله كرييييييييييم باقي لي 4 ايام واخلص التاسع وانا للحين ما ولدت شربت 3 بطول خروع ومرتين حليب بالزعفران وتقريبا كل يومين اناناس وما سوى لي ولا شي مع ان بحملي الأول بس شربت نص بطل خروع ولدت بنفس اليوم واستفدت من هالتجربة شي مهم
(( اللي الله كاتبه اهو يصير )) يعني اذا الله كاتب لج بهاليوم تولدين مستحيل تولدين قبله لا بخروع ولا دارسين ولا غيره خلوا ايمانكم بالله قوي وتوكلوا على الله تدرون متى ارتحت لما حطيت في بالي اني راح آكل التاسع واولد بالعاشر والله اهني قدرت اعيش حياتي طبيعي ونفسيتي تعدلت الله كرييييم ويسهل عليكم كلكم مضى الكثير ولم يبقى غير القليل

 

[Brounzi_girlly]

مسا الخير بنات شلووونكم انا زهقت أبي اولد بس خايفة حدي
الله يسهل يارب
مع التحية.........................

 

[الراجيه مغفرته]

شلونكم بنات بشروا ماكو احد ولد؟

 

[ام طلال]

الله يهون علينا يارب انا من دشيت التاسع وانا مبلشه مشي والله كريم وبالليل ماانام من عوار ريولي

 

[حبيب قلبي]

السلام عليكم منو موجود

 

[الزمن ماله أمان]

هاي بنات سمعتوا عن البخور بالمره وقشر البصل والفلفل الاسود للولاده منو عندها خبره بهالشي ياليت تفيدونا

 

[حبيب قلبي]

هلا فيج اشلونج والله ماعندى فكرة

 

[أم منصـ 85 ـور]

ام سلوم شلونج .. ها ماولدتي ..؟!! ماكو بوادر ؟

 

[حبيب قلبي]

هلا ام منصور اشلونج لا بعدى بطمن عليكم كلكم بالاول وبعدين بولد لوووووووووووووول
ما كو شي ياعمرى وبصراحه خلاص بخليها على الله يمكن من الحنه على الولاده ماراح اولد

 

[أم منصـ 85 ـور]

ههههههههههههههههههه توج باقي لج 15 يوم

تمشين وإلا لأ أنا كل يوم امشي بالأفنيوز ويننت ريلي ماتسوى عليه هالمشيه لازم أطلع بشي لو مو محتاجته قالي انتي مو مال سوقه انتي مال ممشى هههههههه .. بس اليوم أبونا ماله خلق هههههههههه ودي اطلع أفر بالدوار اللي ورا بيتي بس ناطره بو الشباب يقعد

 

[حبيب قلبي]

مليت من المشي احس ماكو فايده يعنى امشي يوم واريح جم يوم امس الله هداه بوالعيال و مشينى بالافنيوز

 

[Tangled]

السلام عليكم

 

[أم منصـ 85 ـور]

ام سلوم ماكو فايده جذي تمشين يو وعشره لأ .. شدي على نفسج لو حوالين بيتج ..

ولكم روحي .. أنتي لي ألحين ماولدتي ..!!! شقالت الدكتورة وايد طولتي ..؟!

 

[Brounzi_girlly]

اهلين بكل الموجودين عيل تدرون آنا ما امشي خايفة حدي يوم الثلاثا عندي مراجعة وفحص بعد حدي متصرقعة

 

[حبيب قلبي]

اهلين روحى تحبك نور التجمع
برونز شخبارج
ام منصور بولعيال مو على هواى وبينى وبينج انا متعيزه تصدقين من المشي نازله بأسبوع كيلو

 

[Tangled]

هلا والله انا اخر موعد لي الاربعا اذا ما ولدت هاليومين راح تسويلي دخول الاربعا انشاللله الله يسهل عليكم انشالله وعلي