%% تجمع حق اللي ولادتهم بأكتوبر ونوفمبر %% حياكم

[Fatima]

صباح النور هلا والله حبيب قلبي

 

[حبيب قلبي]

باك
هلا فطوم شخبارج

 

[Fatima]

تمام
بس متضايقه احتمال اغير دكتورتي الي بتولدني

 

[Om JooD]

صبااح الخير كروشات

اليوم مو مداومة لاني اشوي تعبانة

الله يسهل على كاكاوه يارب

 

[حبيب قلبي]

ليش فطوم انت عند خالده صح

 

[حبيب قلبي]

هلا ام جود ماتشوفين شر ان شاء الله

 

[Fatima]

اي عند خالدة بس احتمال اروح ليلى اشكناني
اسعار خالدة مو ثابته ولدت اختي ولادة طبيعية وشفطتالياهل ب 425 واهي قايلة ب 250 مادري اذا انا رحت جم ادفع وانتي عند منو بتولدين

 

[Om JooD]

حبيب قلبي..الشر ما يجيج

اليوم عزمت اوح الدكتور واسوي الفحص


وربنا يستررررررر

 

[حبيب قلبي]

ويه عاد انا من الصبح افرازات اتصلت على العياده وبلغتهم قالتلى دام مافيه لا ريحه ولا لون ان شاء الله عادى بس عاد انا من النوع الى يحاتى بروح ان شاء الله ماراح اطمن جذيه

 

[Om JooD]

حبيب قلبي..اي روحي احسن وتطمني

 

[Fatima]

بنات نصحوني شسوي متردده اغير خالدة والا اظل عليها مادري

 

[حبيب قلبي]

ماجاوبتينى ليش بتغيرينها فطوم اشفيها

 

[Om JooD]

اي فطوم ليش بتغيرينها؟؟

 

[Fatima]

اول شي ارفعت سعهرا حيل بولادة اختي ولادتها طبيعية وخذت 425 تقريبا والمستشفى ما قدرواانه ينزلون سعرها بس سو خصم لغرفة اختي
ثانيا مادري كان اسلوبها وايد دفش معاها اهي وريلها بالولاده مع انه ولادتها زينه بس اسلوبها كان كلش وصايره مادية
والمستشفى قالوا لانه معاشها الوحيج تستلمه من المستشفى ما عندها دخل ثاني فنزيد وتقلل الاسعار على كيفها وعلى حسب المريض مع انه ما حاشني هالشي منها وانا احبها بس الي سوته لاختي مو شوه لدرجه امس قالت لنا السالفه واهي تبجي وامي تقولي غيريها حرام الفلوس الي تاخذها منج وكلها ولاده واكو غيرها اشطر

 

[سعادتي برضى ربي]

حبيب قلبي: ممكن سؤال شنو دخل الافرازات بالولاده

يعني اذا في افرازات وايد يعني ولاده ؟؟؟

 

[Om JooD]

فطوم..استغفرالله اشفيها اقلبت

شوفي انتي استخيري واذا اتعرفين دكتورة ثانية روحي لها

وتوكلي على ربج

 

[حور الجنان]

بناااات ادعو لكاكاوه دخلوها العمليااااات الله يعينها ويقومها بالسلامه

 

[Fatima]

بنات ادعوا حق كاكاو بيولدونها قيصرية نزل الماي عليها لكن مو مفتوحه ولا ربع سانتي وصار لها 12 ساعه

مادري للحين محتاره بين خالدة وليلى اشكناني انتا وين بتولدون

 

[حبيب قلبي]

حبيب قلبي: ممكن سؤال شنو دخل الافرازات بالولاده

يعني اذا في افرازات وايد يعني ولاده ؟؟؟

والله ماعندى فكرة اذا له علاقه ولا لأ ... بس اخاف تكون بكتيريا ولا فطريات ومو زينه لازم تتعالج قبل الولاده

فطوم ليش محتارة خلاص غيريها مو علشان لفلوس علشان الدفاشه في وايد دكاترة زينين ما اوقفة عليها ويمكن خيرة لج تغيرينها .
بنات ادعوا حق كاكاوة بيولدونها قيصريه

 

[كويتيه عسوله]

السلام عليكم بنات شلونكم؟؟

انا اييني طلق خفيف ويروح ومفتوحه 4 سانتي من يوم الاحد

وينزل علي دم خفيف مع الافرازات

شسوي موعارفه هل انا فيني ولاده ولا عادي بالتاسع يصير جذي؟؟