%% تجمع حق اللي ولادتهم بأكتوبر ونوفمبر %% حياكم

[Om^7aMaNi]

بعد قلبي مشكورة ما قصرتي على الرد

 

[Om JooD]

كروشات

سؤال وابلييييييييز لا تطنشوني

اشلون اتعرفين ان ولادتج قربت والا تو الناس عليج؟؟؟

 

[المبدعة]

والله من العوار الزايد و المستمر

تحسين ان قربت الولادة

 

[Om JooD]

وشنو طبيعة العوار يعني شنو اتحسين فيه

.<<<<<بجر وغشيمة

 

[Om JooD]

مشكوورين وما قصرتوا

 

[سيلينا]

قووووه بنااااات

اشلوونكم حوامل؟؟

الله يسهل عليج ام علي .. الله يسهل علينا اجمعين

انا الحين بالاسبوع 36 اليوم بدى العوار معاي بس شي بسيط مادري الي يسمونها تساليف وخقيت واحاتي ولدي وين ينام مو متعوده اخليه ينام عند احد غيري

ام جود بخصوص الالم اذا صارت الصجيه راح تعرفين من انه منتظم وقوي تحسين ان اذا جاج الالم خلاص كل شي ماتقدرين تسوينه ولي راح نسيتي الالم يعني اهم شي انه يكون منتظم يعني كل ربع ساعه خلينا نفرض بعدين يقل مع الوقت

واااي يمه بديت اذكر ​

 

[حبيب قلبي]

صباح الخير بنات

 

[Fatima]

صباح الخير

 

[حبيب قلبي]

صباح النور عاش من شافج

 

[Fatima]

عاشت ايامج شخبارج
بالبيت والا الدوام
انا بالدوام حدي تعبانه كلش ما ني قادره اداوم غصب طيب متحمله لما اي موعد اجازتي

 

[حور الجنان]

شلونكم بنوتات

الله يعينج فطوووم عالدوام صراااحه ماشاءالله عليج ليلحين معطيتهم وجه لو انا مطنشتهم

 

[Fatima]

انا باك

 

[Um Ritaj]

صباح الخير

امس رحت لدكتوري احمد الشاذلي

وصراحة احبطني حيل

قالي اني بالاسبوع 34 و3 ايام ووزن البيبي 2,300 كيلو وان وزنه صغير بالنسبه حق الثامن

انا شايفه الوزن طبيعي ويقولي وقفي هالكورس ولا تداومين وانا ما اقدر لانه هالكورس اخر كورس والمدرسة قريبه من بيتنا

جان اروح لدكتورة ثانية وسويت سونار وقالتلي ان وزن البيبي 2,300 وان هالوزن طبيعي وممتاز وراس البيبي نازل تحت مستعد للولادة بس عالتاسع بينزل عالحوض وهم تقول اني عديت نص الولادة وانا الاسبوع الجاي بادش التاسع

وقالتلي بالعكس داومي وتحركي وتمشي بالتاسع ولا توقفين قيدج عشان الحركة ما تجيب الزلال والضغط والسكر وعلى قولتها( اوعي تؤعدي بالبيت واتحركي)

طمنتني الله يطمنها
وانا خلاص عفت الشاذلي وشكلي بولد بدار الشفا

 

[Fatima]

انا امس قالت لي الدكتورة وزن البيبي نفسج وقالت طبيعي وما قالت قليل ولا شي
والله مادري كل من عنده حجي غير
عاد انا ماخذه اجازه من26-10 الين 19-11
اخذ قبلها مرضية اسبوع متردده
بسال عن طلق الينت صج يطول وانه ما اولد الا بعد شهري

 

[l!ke A roSe]

صباااااح الخير

شلووونكم حوامل

فاطمة انا ببناتي كان حمالي خفيف ولاحسيت بالثقل الا بالتاسع ببجري اخذت اسبوع زيادة يعني دخلت المستشفي ولي 41 اسبوع وجم يوم قعدت يومين وولدوني طلق صناعي
وببنتي الثانية لا الحمدلله هم حمالي خفيف ولافيه اي تعب بس بالتاسع ثقل ولاكنت احس بعوار ولا الضغط اللي يصير تحت وونزل على دم تقريبا 12 الظهر ورحت المستشفى دخلوني الساعه 3 العصر غرفه الولادة وكان العوار معقول وقعد يزيد ليما ولدت على الساعه 7 بالليل
يعني ماطولت الحمدلله

بس الحين حمالي هذا متعب متعب متعب من وانا بالرابع يالله اتحرك من غير العوارات من السابع والظهر اف والضغط عالمنطقة اللي تحت والشد هالمرة غيييييييير تعبت صج يمكن لانهم قالوا بالسونار فيني ولد فعشان جذي حمالي غير هالمرة


يالله هانت صبرنا شهور ومابقى الاجم اسبوع الله يسهل عليناااا ان شاء الله

 

[l!ke A roSe]

ام رتاج

وزن البيبي طبيعي وعادي لو ولدتي ووزنه 2 وونص

والحركة زينة لج تنزل البيبي عالحوض وتقوي عظامج وقت الولادة لاتقعدين بعدين اطولين وتاخذين فوق شهرج زيادة

 

[Fatima]

امبيه صج احاتي حمالي ببنتي مادري اخاف اطوف شهري

 

[حور الجنان]

فطووم يقولون طبيعي البنت اتطوووول وان شاءالله ربي يسر ولادتج المهم التيسير والله والا وقت الولاده علمها عند ربي

 

[Fatima]

توه وحده من اهلنا ولدت شنو اييب لها عيزانه اروح مكان والميزانية بالقاع

 

[Mar Mar]

شلونكم بنات رديت بعد ما انقطعت عنكم مدة الحمدالله انا ولدت يوم 4-10 الساعه 10:30 بليل و يبت أحلى لولوة و كانت نتفه 2.600 حبيبتي و الحين شكلها اقل