%% تجمع حق اللي ولادتهم بأكتوبر ونوفمبر %% حياكم

[سفيرة العشق]

لاحول ولا قوة الا بالله

انا لله واناإليه راجعون...

 

[Mar Mar]

السلااااام بناات والله ولهت عليكم انا سالفتي سالفة والله ادري انقطعت عن المنتدى فترة لأن سبوع الي طاف نزل علي افرازات بنية واااايد جان اروح الطبيب و قالولي على طول ابر عطوني وحدة عندهم و زادو جرعت الحبوب سووهم 3 حبوب و انا اللوعة الحييين مووو طبيعية من لالبر و الحبوب قالت الدكتورة بس ماصدقتها انها اتسوي لوعة (
( والله عورت راسكم من الصبح )

 

[مبدعة]

Mar Mar

سلامتج ما تشوفين شر

انا مريت بهالشي من قبل عااااادي الله يعينا انشالله

بس انشالله وقفت الافرازت ؟

ما تدرين شنو نوع الابر ؟

 

[حبيب قلبي]

لا حول ولا قوة لا بالله انا لله وانا اليه راجعون
صج بنات انها توفت صج انى ماعرفها بس ضاق خلقى عليها ...
انا أمس كانت مراجعتى عند دكتورة ماجدة اليتامي تصدقون بنات احسها تغيرت وصارت مادية وايد تصدقون بعد النطرة كل الى سوته شافتلى السونار ولله الحمد سمعت نبض الجنين جان تقولى في شي قتلها احس بدوخة تقولى عادى كل حامل اشدعوه حتى ماعطتنى من وقتها ربع ساعة وأخر شي دفعت شي وستين على شنو عادى شكلى المراجعة الياية مانى مراجعة عندها وبخليها على التاسع ان شاء الله تكون مراجعتى عندها حق الولادة بس ولا شنو رايكم

 

[Mar Mar]

مبدعة
الله اسلمج و الشر ماييج مشكورة
اي الحمدالله توها صارلها يومين الفرازات وقفت و الابر اسمهم Pregnyl 4 ابر كل اربعاء و احد آخذهم و الحبوب Duphaston
اتصدقين الي مخليني مستغربا ان مشاءالله ولا واحد من عيالي صار فيني جذي مادري ليش هالبيبي غير ..

 

[مبدعة]

كل الدكاترة بالقطاع الخاص ماديين للاسف ما راح تلقين احد فاضي يرد عليج و لا رخيص

 

[Cacawa]

السلام عليكم بنات
اشلونكم ؟

صج اللي قريته عن فوز الكويت الله يرحمها
ليش وشنو السبب ؟؟؟؟؟
حدي ضاق خلقي الله يرحمها ويصبر اهلها وريلها وعيالها
انا لله وانا اليه لراجعون
لاحول ولاقوة الا بالله

 

[Cacawa]

الحمدالله اللجنة وافقت تعطيني اعفاء ساعتين لمدة شهرين
الحمدالله اللوعة شوية خفت وامس رحت نمت عند امي واحس اني مو مرتاحة كلش مادري وين اروح

 

[أم منصـ 85 ـور]

بنات من صج خبر فوز الكويت حدي منصدمة الله يرحمها ويغفر الله ويجعل مثواها الجنة والحامل لما تموت شهيدة سبحان الله .. الله يرحمها واااي حدي منصدمة وعندها بنت عمرها سنتين الله يجبر قلوبهم يارب مو خوش خبر

 

[Cacawa]

انا من قريت الخبر الصبح وانا راسي يعورني من الصدمة

 

[جاردينيا_2000]

الله يرحمها..ويصبر اهلها ..هبوط ضغط يعني الى اثر ..مسكينهاما بالنسبه حق اكويتية فضيه الدكتوره ماجده شاطره وتعرف كل شي بسبب خبرتها ..مما يخلي الناس ضغط عليها ما عندها وقت ..انا كنت اسوي تقاريريحق تشوهات الي صارت في بناتي عندها ..عن حملاتي الي طافت كنت انطرها داخل الغرفه وانا على السرير ساعه الا ربع مع اني حالتي خاصه ومستعيله ..بس لما اتكون معاي تعطيج لب الموضوع من غير سوالف مع اني عندي انا بحملي تشوهات ومافي ماي في بطني كنت اسمعلها وبس واسألها بختصار ..مع هذا اتكون معاي ربع ساعه وسونار تفصيلي موعادي وتكتب تقرير عن حالتي وتشوف شي شي علشان اتعرف شنو الي موكامل او ناقص ..في ربع ساعه بس وتختفي بعدين ..الله اعينها مضغوطه اما الماده فكلهم بالعاليوانا ماراح اولد في رويال حياة اسمع عنه وايد انا كل ولاداتي بالمواساة وطبيبتي الي راح اولد عندها نداء بخضور ما اعرف اولد عند احد غيرها ..بس موراجعاتي عند خالدة..الله ايسر الامور:33_1185028183::stars::bye22:

 

[Um Ritaj]

لا حول ولا قوة الا بالله

الله يرحم فوز ويغفر لها ويدخلها الجنة من اوسع ابوابها
امين يا رب العالمين

والله ضاق خلقي مع اني ما اعرفها

 

[Brounzi_girlly]

صراحة يا بنات آنا مصدومة على الخبر لا حول ولاقوة إلا بالله ربي يرحمها ويغفر لها ويصبر اهلها ويمسح على قلوبهم
موت الغفلة يصدم ياربي تحسن خاتمتنا

 

[كويتيه عسوله]

لا حول ولا قوة الا بالله

الله يرحمها والله ماني مستوعبه

الله يصبر اهلها

 

[غنوة ستايل]

و الله يا بنات ما اعرفها وضاق خلقي
الله يرحمها برحمته .... قاعده اطالع ملفها الشخصي و اشوف شخصيتها شنو .... ما شاء الله عليها خوش بنت
تعرفون بنات الوحده لازم تخاااف من كل شي تكتبه .... الاعمار مو مضمونه وانا الحين حدي اكتئاب

الله يصبر اهلها و ريلها و اعيالها يارب ...

 

[أم منصـ 85 ـور]

أي والله الله يرحمها يارب والله اليوم من قريت الخبر الصبح لي ألحين وأنا مصدومة بعد عمري كانت تشكي من الشد الله يغفرلها ويجعلها في منزلة الصديقين والشهداء يارب

 

[سونا الأموره]

بنات امس حاشني الشد مرة ثانية لدرجة ما قدرت اتحمل وقمت اصارخ وابجي

ورحت للدكتورة وطمنتني كل شي تمام وتقول هذا الشد بعضلات البطن مو الرحم الحمد لله


وعطتني مرهم وبنادول ازرق

وقالتلي انا توني بالاسبوع التاسع مع ان توقيعي العاشر بس الظاهر الحمل صار متأخر


وقالتلي ارتاح من التصحيح بالمدرسة واني لا انحني وايد لانه يزيد الشد بس شسوي شغلي مدرسة وملزومة بالتصحيح على طاولات البنات


الله يستر قمت أحاتي من نوبة الشد تذبح الله لا يوريكم

ربنا يرحمك برحمته الواسعه والله قلبي متقطع عليكي مع اني ما بعرفك الله يغفرلك ذنبك يارب ويوسع قبرك ويرحم جميع أموات المسلمين

 

[bedour18]

السلام عليكم

اشلونكم بنات شخباركم ؟ سوري داشة متأخرة

صار لي 6 أسابيع حامل و موعدي انشالله شهر 11 و عندي ولدين

الله يتمم علينا أجمعين

 

[لولو الذكية]

الله يرحمها و يغفر لها
ابن آدم ما يدري متى يومه
وهالدنيا تاخذ الواحد بعيد كأنه بعيش العمر كله
عسى الله يصبر أهلها و زوجها :0bee2e8d89:

 

[Cacawa]

السلام عليكم بنات

اليوم الصبح كان عندي موعد مع دكتورتي وسوت لي سونار ولما سمعت نبض البيبي حدي استانست
ودعيت ربي ان يتمم علي واشوفه يارب