%% تجمع حق اللي ولادتهم بأكتوبر ونوفمبر %% حياكم

[Cacawa]

ام سجى حياج بالتجمع

Brounzi_girlly
هذا ثاني حملة اول مرة حملت وبالشهر الثالث مات البيبي

الله يهون علينا ويثبته لنا انشالله

 

[Cacawa]

انا اراجع بالاحمدي ومواعيدهم بالاشهر

 

[omsaja]

:eh_s(16):مشكورين وما قصرتوا خنقتني العبرة مادري شفيني صايرة حساااسة بالحمل دمعتي بمخباتي فكرت آخذ إجازة بس تونا شارين بيت ومو ناوية آخذ أمومة اللي يخصمون نص الراتب ما في مجال بالمعاش فقلت آخذ اللي عندي بالرصيد عشان معاشي ما يخصمون مناإلا مبلغ بسييط وثانيا أنا توني بأول حملي فقلت لا أستعجل وأخلص رصيدي وأتوهق عقب بس الحمدالله مسؤلي مقدرني لأن قالي ماأبيج أطيحين ماانسى اليوم اللي طحتي فيه بالدوام:tomato2:مسكين حتى أهو يحاتي الله يجزاه خير ودعواتكم خواتي الحلوين بنات المنتدى

 

[Cacawa]

الله يعينج ام سجى انا بعد الدمعة بالمخبى وانا قلت ماني ماخذة اجازة الحين بخليها حق الولادة بس بقزرها طبيات

وشكلي متنسية في بيت خالتي لاعت جبدي

 

[Cacawa]

اللي تبي تعرف مرحلة الخطر والوقت اللي يحتمل يصير فيه الله لايقوله اجهاض تقولي تاريخ اخر دورة
عشان كل وحدة تحط بالها على روحها وعلى البيبي

 

[لولو الذكية]

السلام عليكم شلونكم بنات
آنا الحين حامل لي شهرين و نص و موعد ولادتي بإذن الله 6 / 10
و هذا ثاني حمل لي كنت متعورة بالأول قبل لا أكمل شهرين و لي ثلاث سنوات من تزوجت و الحين ربي من علي بهالحمال أسأل الله أن يتمم علي و يفرحني و كل خواتي بالمنتدى بالذرية الصالحة
أنا راجعت بمستشفى الأحمدي و عندي موعد أول شهر أربعة سمعت عن طبيبة اسمها سناء بورسلي قريت عنها بالمنتدى و بجربها
إللي عندها تجربة هناك خل تفيدنا

 

[Cacawa]

حياج الله لولو الذكية
والله يتمم عليج انشالله ويفرحج يارب ويفرح الجميع بذرياتهم
انا عندي بعد موعد بمستشفى شهر 4 وبالنسبة حق الطبيبة سناء بورسلي عندي ناس يعرفونها وايد يمدحونها وشكلي بجربها الموعد الياي واللي مجربها يفيدنا

 

[مبدعة]

السلام عليكم

شلونكم يا بنوتات ؟ انشالله بخير

اليوم بطني يعورني و احس فيه رجفه مادري من شنو الله يستر انشالله

كاكاوا تقريبا لي الشهر الثالث ممكن يكون الاجهاض و عقب الثالث انشالله يقل نسبة الاجهاض الى 65 %

بس في ناس ما يكمل نموه في الشهر الرابع او الخامس يموت الياهل

الله يكتب اللي فيه خير و صالح

 

[سفيرة العشق]

الله يثبت حملنا جميعا ... ام سجى ديري بالج على نفسج حبيبتي ..


بنات والله لاعت جبدي من بيتنا أحس فيه ريحة بالوعة هههههههههههه مع انه كله ابخر وأطيب ...

وصارلي جم يوم عند أهلي وأول مرة اتييني نساة بهالطريقة بحمالي اللي قبل عادي

بس الحين شكله أكشنات...

 

[Cacawa]

مبدعة
لازم تروحين الطبيب وتعرفين ليش

سفيرة العشق
انا بس كارهة البيت ولايعة جبدي شكلي بروح انام بيت امي


اليوم تذكرت ان لازم اروح الطبيب واسوي تحليل مرة ثانية عشان يشوفون اذا الاسيتون مرتفع ولا لأ
باجر الصبح بروح الله يستر شكله للحين مرتفع

 

[Dar-zina]

الله يتممـ على الجميع ان شاء اللهـ ويرزقنا بالذريهـ الصالحهـ

 

[cutey]

بنات خليتوني احاتي شنو سالفة الاجهاض وهل حاله متى تصير وليش؟؟؟

 

[Cacawa]

Cuty
لاتحاتين ولاتفكرين
في فترة معينة لازم تديرين بالج فيها عشان لايصير شي حق البيبي
لاتحاتين

 

[Dar-zina]

متى يكون وقت هالحالهـ لان حتى انا خليتو الشكـ يصير فيني كاكاوا ياقلبي قوليلي

 

[Cacawa]

ياحبايبي لا تحاتون موقصدي اخرعكم
دشوا على السايت واهوا يحط لكم كل شي
http://www.6abib.com/baby.htm

 

[مون14]

شلونكم يابنات وشلون اللوعه معاكم؟
اعطيكم آخر أخباري كنت في بيت اهلي وكانوا متيمعين وقاعدين يشوون في الهواء الطلق وانا قلت لازم اروح لان لاعت جبدي من قعده البيت... وبوسط القعده الحلوه والجو الحلو جان تنقز علي حشره واختكم الطيبه نست انها حامل وقمت اناقز واصرخ من قمت راسي ومنها الله وكيلكم عوار البطن وزوجي زفني على النقزه ويوم خلص جان امي تكمل عليه وتزفني وانا ضاق خلقي وبطني قام يعورني والله يستر انشالله ما كو شي اليوم العوار راح.... نهاية القصة
وعلى فكره ترى الخس البارد وايد زين حق اللوعه الله يعافيها اللي انصحت فيه:tek:

 

[Brounzi_girlly]

هاااي بنوتات كرشونات شلونكم اليوم ؟
آنا اليوم الحمدالله احسن من كل يوم اللوعة شوي خفت بس كرهي حق الأكل زاد مابي دياي ولا لحم ولا سمج
بس ابي عيش ابيض خالي
بطاط مسلوق وأهم شي الملح ابي كله مالح والحامض شوي خفيت عنه
طايحة بالجبن المالح
مع التحية.................................

 

[Um Ritaj]

هلا بالحلوات انا ودي اشارك من البدايه بس صارتلي مشاكل بالكمبيوتر بس اللحين رجعت والعود احمد

شوفو يا طويلات العمر

انا اخر دورة يتني بتاريخ9/2 واستمرت علي لمدة خمسة ايام اول اقل بيوم

وحللت بتاريخ 16/3 وعرفت اني حامل بس ما كنت مصدقه لان اول مرة يبين عندي حمل بسرعه لان كل حمالاتي السابقه لازم من ثاني او ثالث شهر يبين اني حامل وولدي الاخير ما بين بالتحليل اني حامل بس بين بالسونار الداخلي بمستشفى الهادي بين لانهم خافو ليش ما يتني الدورة

المهم يا طويلات الكروش قصدي يا طويلات العمر انا عمري 26 وعندي بنتين وولد وهذا حملي الرابع من عقب ثلاث سنين ونص
انا طالبه بالتربية الاساسية بالسنة الاخيرة بس اتوقع انا بالاسبوع الثالث من الحمل بس بصراحة فيني احساس بالضيج والتعب ويالله اشيل ملابسي الي علي واحس بقرورة في حلجي ما ارجع بس لايعه جبدي ومنقرفه وكل فيني دوخه

عاد امي عسى ربي يخليها لي ويطول عمرها ويمدها بالصحة والعافية شرتلي من الحواج بذور الكتان عشان يوخر الخمول والتعب الي احسه-لون العشبه مثل البنفسجي وتسبه الحسو حيل بس مالها طعم بس بصراحة صج قوتني حسيت بالنشاط من عقبها لانها حق فقر الدم وهم اكلت حبوب حق النساة اسمها Navidoxine ,وهالحبوب احس انها ترد اللوعه بس يتراوالي لو ارجع ارتاح--انا للحين ما اراجع طبيب على الشهر الرابع ان شاء الله بافتح ملف عند الدكتور جاسم الحجي او بمستشفى السلام

المهم يا طويلات العمر لا تبخلون بالردود علشان الموضوع ما ينسى

 

[مبدعة]

حياج الله ام رتاج

و الله يهون عليج يارب و تتنشطين لازم بداية الحمل تعب و ربي يخفف علينا و عليج

 

[Um Ritaj]

الله يجزاج خير يا مبدعه

ها بشري يا قلبي عسى الشد الي اسفل البطن راح منج؟؟؟اظنه شي طبيعي جنه في احد عيالي صارلي شد اسفل البطن؟؟؟شكلج تمشين وايد