%% تجمع حق اللي ولادتهم بأكتوبر ونوفمبر %% حياكم

[الكشخة]

عيدكم مبارك و عساكم من العايدين و الفايزين

انا توني دشيت شهري بس الدكتورة تقول البيبي وزنه صغير

 

[++The DuchesS++]

عيدكم مبارك وكل عام وانتوا بخير


فاتيما

انا صار وياي جذي
ملابسي الداخليه مبلله
وبعدين نزل الماي لريولي

مبدعه

انا لمن نزل الماي ماكان معاه دم ولا طلق
مو شرط يكون مخلوط بدم

ديروا بالكم انتو الحين قراب على الولاده
باي وقت تحسون بالماي ركض على المستشفى
كونوا حريصين
انا ماي الولد نزل علي وانا بالثامن
وتكيسلت اروح المستشفى
ومسكين وايد تعب
لانه عنق الرحم مبطل وانا مادري وحاش الولد
التهاب مني
ديروا بالكم
والله يسهل عليكم يااارب

 

[cutey]

كل عام وانتو بخير
بسبوسه ولدت و سحبت تختوخه
من التالي........؟
لوووووول
الفال لي يــــــــــــــــــــــــــــــا رب ولكم ان شاءالله

 

[cutey]

اييي نسيـــــــت مبــــــروك ام طلال وتستاهلين الاشراف

 

[Fatima]

ها كيوتي وينج

 

[cutey]

هلا فطوم شلون صرتي

 

[Fatima]

احسن شوي بس عوار يروح ويرد وجسوم ينني بالحوسه معاه
قاعدين نلعب صديه مصيدة رحت قصيت شعره بس انا باجر الصبح اروح صالون

 

[cutey]

وااااي فديته جسوم شلون صار الحين

امس رحت سوق شرق امشي قاعد يزهبون الالعاب حق اليهال ودي يستانس

 

[asooo]

الف الف مبروك وانشاءالله الله يثبته وانا انشاءالله ولادتي شهر 10 وهذا اول مولود لي والله يقومنا بسلامة

 

[المبدعة]

قوة بنااااااااااااات


ها اشلون العيد معاكم ؟؟؟؟؟؟؟؟؟؟

 

[ام الجــوري]

عيدكم مبارك بنات..... والله تعباااااااااااااانه حدي الله يعينا

 

[Brounzi_girlly]

هاااي كرشونات عيدكم مبارك
وتقبل الله طاعتكم
والحمدالله علا سلامة تختخ

 

[^SamBateeKa^]

بنات باركولي انا ولدت بالسلامه يوم اليمعه اللي طاف وانا اخر موعد لي 9-10 ولادتي كانت مفاجأه بالنسبه لي ويبت بنت والفال لكم يارب ويسهل عليكم

 

[ام الجــوري]

مبروك حبيبتي والحمدلله على سلامتج وتتربى بعزج البنووووته


يالله قولي تفاصيل ولادتج وين كانت ؟؟؟؟؟؟؟؟؟ وان شاء الله سهله

 

[^SamBateeKa^]

االلله يسلمج انا هذي ثاني بنوته لي اللي صار باختصار لاني مااقدر اطول من ظهري يعورني


الساعه 4ونص الفير يوم اليمعه ياني عوار يروح ويرد انا ماحطيت ببالي طلق قلت يمكن من التعب رحت ارتاح قعدت احسب الفتره ولا الفرق ربع ساعه بين طلق وطلق سكتت وطنشت لانه عوار حده خفيف الساعه ست ونص نزل علي ماي خفيف حده وهم طنشت رحت تسبحت واكلت تمر عقبها الماي قعد يزيد على دفعات مع العوار زاد انا عرفت انها ولاده


والماي يمشي على ريولي رحت بدلت وزهبت اغراضي وطبعا حطيت كوتكس وقلت حق ريلي يالله عالمستشفى رحت الهادي انا احبه ولادتي فيه من قبل
قالوا مفتوحه 2 سم بس لازم دخول لانه ماي نزل دشيت عالساعه 8 وولدت على صلاة اليمعه الساعه 12

طبعا اهلي الله يخليهم لي واهما بالصلاه (ريلي وابوي واخواني يدعون لي )الله يخليهم لي وبس



والله يسهل عليكم يارب

 

[ام الجــوري]

ومنو دكتورتج؟؟؟؟ وخذيتي كمام؟؟؟؟

 

[^SamBateeKa^]

انيتا هنديه بالهادي احبها وارتاح لها ولدتني ببنتي الاولى وطبعا الكمام شفطته شفط بذمه وضمير

 

[Dar-zina]

صباح الخير كرووشااات

عيدكمـ مباركـ وكل عامـ وانتو بخير

والف الحمدلله على سلامتج سمبتيكااا تتربى بعزج النونو والله يحفظها ان شاء الله

 

[Dar-zina]

والف الف الحمدلله على سلامت بسبوس ويتربى بعزها ان شاء الله

 

[ام عبدالله2006]

بنات ليه الحين محدمدجاوبني على سؤالي
ابي دكتوره زينه بدار الشفا
للولاده والخياط
حدى مكتئبه