%% تجمع حق اللي ولادتهم بأكتوبر ونوفمبر %% حياكم

[أم منصـ 85 ـور]

هلا فيج مبدعه شخبارج ..؟!! ماشاء الله مابقى شي عليج .. شلونج مع الثقل ..؟ مستعده للولادة ..؟!

وعليكم السلام حبيب قلبي شلونج .. ؟؟

 

[حبيب قلبي]

هلا وغلا ام منصور انا الحمدالله تمام انت شلونج

 

[مبدعة]

هلا حبيب قلبي

والله الله ييسر احاتي و الثقل على كيف كيفج ما اقدر انام بالليل

 

[حبيب قلبي]

هلا فيج مبدعه ياالله هانت مابقي شي وعلى النوم عندنا وعندج خير من عوار حوضي مااقدر انام

 

[cutey]

قوة بنات شلونكم شخباركم

 

[حبيب قلبي]

هلا كيوتى شلخبار

 

[cutey]

تمام الحمدالله انتي شلونج

مافي خبر عن بسبوسه؟

 

[حبيب قلبي]

لا والله لى الحين الخبر عن كاكاوة بس لى الحين ماشبكت

 

[حبيب قلبي]

بنات توها بسبوس معاى على المسنجر تسلم عليكم كلكم وان شاء الله عمليتها الساعه 10

 

[cutey]

الله يسهل عليها ويقومها بالسلامة يـــــا رب

 

[زمردة الكويت]

سلام عليييكم بنااات

بعد غييبه ييتلكم شنو صااار من ورااي

اناا الحمد لله ولدت ,, بس النوونوه تعبااانه يالله يااارب انك تقومها بالسلااامه ان شااء الله بنات لا تبحلون عليي بالدعاء

 

[لولو الذكية]

هلا زمردة الحمدلله على السلامة و عسى الله يشافي بنيتج و بسلمها و يعافيها

آنا بعد معاكم بالتجمع وولدت الحمدلله الأثنين إللي طاف إنتي متى ولدتي؟

و شلون الولادة؟​

 

[Tangled]

الحمدلله عالسلامة زمردة وماتشوف شر انشالله

 

[زمردة الكويت]

انا ولدت السبت اللي فات الحمد لله سهالات ولدت بدار الشفا عند ناهده العلي بس الحين الخيااط عواار الصرااحه خخخخخ
وبنتي الحين بالعدان الله يشاافيها ان شاء الله و يردلي اياها بالسلامه كانت شاربه ماي واايد ..والله كريييم

 

[Tangled]

الله كريم انشالله ماتشوف شر يارب تطلع بالسلامة طمنينا عليها امانة

يالله اشوفكم على خير

 

[Brounzi_girlly]

شلونكم بنات مبروك حق الي ولدووو
زمردة الله يشافي بنيتج
الله يهون على بسبوس ربي يقومها بالسلامة
انا عندي اخبار ماتسر
خدامتي سوت سالفة تقول امها ماتت الحين يوم قربت ولادتي بتروح وماعندي احد توها صارلها 6 شهور ماقدرت حتى اتفطر لما بنتي تعلمت عليها وعلى الشغل ياربي والله ابي ابجي مادري شسوي

 

[ام طلال]

السلام عليكم شلونكم كلكم
اشوه طمنتونا على بسبس -برونزيه حبوبه الله يعينج حده مو وقته شراح تسوين؟

 

[المبدعة]

حمدلله على سلامت اللي ولدت

والله يشافي بتج يا زمردة و ترجع لج سالمة

 

[مبدعة]

دعواتكم حق بسبوسه باقي نص ساعه على عمليتها

 

[الراجيه مغفرته]

شلونج مبدعه ؟
الله يسهل على بسبوسه ان شالله