%% تجمع حق اللي ولادتهم بأكتوبر ونوفمبر %% حياكم

[بسبوووسه]

اي خلطاات ؟؟ شقصدها ؟؟

 

[تختوخه22]

الله بسلمج قلتلها راح اشتري من وحده من المنتدا خلطات تبيض ونعومه وهل سوالف

جان تقول...لا ديري بالج ..موزين علي البيبي اذا بترضعينه الان كل شي تستعملينه راح يوصل البيبي

ومن هل كلام ..منو دكتورتج

 

[تختوخه22]

بسبوس مادلين محلات جناط ماركه اسعارهم بحدود 60 ابي حق امي هديه

 

[Um Ritaj]

تختوخة الدكتورة قصدها عن الخلطات الي يحطون فيها اوكسجين ويحوش حلمة صدرج وتاليتها يشربها الطفل

يعني وخري عن منطقة الصدر

من ناحيتي انا ما اصدق الا كتاب اسرار الحريم راح اطبقه لانه بين على اختي واخر الاربعين بروح اسوي تقشير كرستالي بالراشد ب 25 دينار وبسوي جم حمام مغربي بالصالون الي اوثق فيه

 

[حبيب قلبي]

السلام

 

[Um Ritaj]

بنات

قبل اذا فيه احد مشارك بموضوع او فيه رد توصلني رسالة عالماسنجر تقولي

الحين ما يتوصلني اي ردود بمواضيع مشاركة فيها ورحت حق لوحة التحكم مالقيت الي يدلني اشلون ابرمجها

 

[تختوخه22]

هلا ام رتوج لا اهي تقول الكريمات راح يمتصها الجسم فراح تدخل يحليب البيبي

مو الاكسجين

عادي انسوي مغربي اخر الاربعين ماياثر علي الرحم

هلا حبيب فلبي

 

[أم منصـ 85 ـور]

هلو بنات

ام رتاج .. تختخ .. شلونكم

 

[حبيب قلبي]

شخباركم

 

[بسبوووسه]

هلا ام رتووج

انا الحمام المغربي والله من ثاني اسبوع سويته بحمالي اللي طاف ماضرني شي الحمدالله
و شكو الخلطات اللي بنحطها تضر البيبي يعني ليحطييت ترمس و روب يضر الياهل ما اتوقع

 

[مبدعة]

هلو كروشات

شالاخبار

شلونكم مع العشر الاواخر

 

[حبيب قلبي]

هلا مبدعه

 

[Um Ritaj]

هلا والله بكل الي دشوا

بسبوسه انا قصدي الكريم الي راح تحطينه بصدرج راح يمصه الطفل لما يرضع فتخيلي لو حاطة كورتيزن او اوكسجين او اي كريم؟؟؟

وانا الحمام المغربي اسويه من عقب الشهر يعني قبل ما اطلع بعشرة ايام ويكون بالاسبوع مرتين بس خلطات اسرار الحريم باشتغل فيها من عقب 15 يوم اكون ناظفة على الاقل
بنات عندي سؤال محرج شوي وانتو ان شاء الله بتفيدوني

سؤالي عن المنطقه الحساسة اشلون تنظفونها انا كنت متعودة عالشيرة والالة بس الحين ماني قادرة اتحمل الالام لان الجلد مو نفس اول مشدود وما يعور الحين العوار دبلات وماني قادرة ولا تقولولي موس

الموس نهي نهي لاني ما صدقت على الله اقطع الموس وتضعف الشعرة واذا شلتها بموس بتقوى

ودورت بكل الصيدلات عن بنج املا الي يخدر المنطقه الحساسة قبل الحف مالقيتها

شنو تنصحوني

 

[بسبوووسه]

ام رتااج دشي المول واييد يبيعون مرهم املا
ويع ويع ويع الموس لا تسوينه سويته الشهر اللي طااف تحسفت حدييي

مالج الا الشيره عالاقل تنظف و تطول على ماتطلع

 

[تختوخه22]

هلا ام رتووج

انا الحمام المغربي والله من ثاني اسبوع سويته بحمالي اللي طاف ماضرني شي الحمدالله
و شكو الخلطات اللي بنحطها تضر البيبي يعني ليحطييت ترمس و روب يضر الياهل ما اتوقع

لا بسبوسه قصدها عن خلطات الكريمات الكرتزون والتبيص الي مو طبيه:gr4uu:

 

[Um Ritaj]

بسبوسه

الي وزن طفلها صغير تنقع قفشه متروسه حلبه بغلاص ماي حار وخلها تنقع على الاقل اربع ساعات وتشربها تقوي عظامج للولادة وتقوي البيبي

يلا بسرعه نقعي قبل الامساك واشربيه للولادة وان شاء الله يكبر الطفل

 

[Um Ritaj]

بروح احط اعلان بكويتيات مول وعلى الله وحدة توصله لي

بس بنات في احد جربه؟؟؟يعني يخدر والا لا؟؟؟؟

 

[تختوخه22]

في خلطه حق الوجه سوها اخر سبوع مرتين

كركم جسم ولبنه اورب تحطينه وتحركينه شوي

بعدين خليه لين يبس وغسليه...حق (الاشراقه النظاره)

وسنفره الوجه او التقشير(خل التفاح وسكر اسمر وبكربونات الصوده)مره كل اسبوع

شفت هل خلطات من برنامج بنات وبس وصراحه خوووش شي

 

[تختوخه22]

هلا ام منصور شخبارج

شلونج مبدعه شمسويه

 

[مبدعة]

شخبارج تختوخه

انا خذيت خلطه من خبيره االاعشاب عباره عن هردة و اعشاب اشوف كل من يمدحها و امبين انه مفعولها سريع