%% تجمع حق اللي ولادتهم بأكتوبر ونوفمبر %% حياكم

[تختوخه22]

يعافيج ام طلال

 

[ام طلال]

برونزيه فيه وجبه سإليهم عنها وذوقي سلطه الدياي حلوه انا عجبتني

 

[Tangled]

لووووووووووووووووول واي تهبل الصورة شحلاتها


ممممممم برونزية طلبيلج مادري انا اخر وحدة تسأليني عن الاكل

 

[ام طلال]

تشكن رويال اتينن

 

[Brounzi_girlly]

وانتي من اهله تختخ

 

[Brounzi_girlly]

طلبت تشيكن رويال
وحق بنوتي الشيطونة وجبة أطفال

 

[Brounzi_girlly]

ليش روحي إنتي آخر وحدة ؟

 

[Tangled]

انا الله يسلمج ما اكل من اول ما حملت اكلي يفشل واذا كليت قليل اللهم الحين قمت ما اتحمل اليوع كل شوي اكل لي شي بس ما اكل وفيني فقر دم شديد والله الله لا يوريج والحمدلله ماكو احد يساعد

 

[ام طلال]

الله يعينج روحي تحبك ويشافيج
برونزيه عوااااااافي لج ولبنوتج
انا نعست حدي استودعكم الله واشوفكم باجر

 

[Brounzi_girlly]

لا اكلي مو زين تتعبين ترى بالولادة
عيل آنا مشفوحة على الأكل هذيج الأيام من كثر ماذبحني الحارج أقول حق أمي تسويلي رز بلبن فضيييع يبرد حتى الحارج يروووح

 

[Tangled]

نوم العوافي احلام سعيدة وانشالله ما تطلع لج لعبة المصارعه بالحلم

عوافي برونزية

 

[Brounzi_girlly]

حياج ام طلولي نشوفج على خير

 

[Tangled]

الف عافية برونزية واي لا تذكريني انا لما اروح بيت امي امي بس تطالعني تقوللي هاو ما يوكلونج لووووووووووووول انحرج شقولها سواد ويهي خليني ساكتة احسن لي

 

[Brounzi_girlly]

جنها أمي حبيبتي بس تحاتيني لأني بنتها الوحيدة تخاف

 

[Tangled]

الله يخليها لج انشالله يا قلبي

ها وصل طلبج ولا لأ ؟؟؟؟

 

[Tangled]

شكله ولدج مادري بنوتج في بطنج حاط ايده على خده وناطر وكل ساعه يطالع الساعه سلم قلبه

 

[Brounzi_girlly]

هههههههه لي الحين ما وصل مليت

 

[l!ke A roSe]

مرحبااااااااااااااااا

منو موجود

روحي تحبك ديري بالج من فقر الدم اذا اقل من 9 ما ابي اقولج سالفه صايره لحماتي بسبه فقرالدم حتى قالولها لازم تنقل دم وهي خافت ماتبي تنقل دم لانها حامل وحريم كبار بعايلتها قالو مايصير موزين مع اني قايلتها عااادي نقل الدم انا الحمدلله في بنتي لما كنت بالشهر السابع وصل دمي الي 7 وقالت لازم نقل دم نقلو جيسين

والله تعبت حماتي حيل بسبة انها رفضت نقل الدم طاحت جم شهر وولدت من دخلت التاسع ب3 ايام ودخلت غيبوبه لان الاكسجين والدم مايوصل لراسها وولدها حجمه كيلو ونص وللحينه بالشيشه وهي الحين بتكمل شهر بغيبوبه

بنات لاتستهينون بفقر الدم والله من لما صار هالشي لحماتي وانا ما اطوف حبه الحديد واكلي معدلته اكثر من التمر ومن سلطات الخضره البقدونس والجرجير والشمندر احاول اخليهم كل يوم وترك على الغدا

وان شاء الله الاسبوع الجاي بسوي تحليل لان نسبه دمي 10 وقالت لازم تهتمين

وحبه الحديد لاتاخذونها بعد الحليب او اللبن لانها تفقد قيمتها وتصير مامنها فايده
توني اكتشف هالشي لاني قلت للدكتورة شلون فقر دم وحبه الحديد اخذها يوميا وما اطوفها قالت اكيد تاخذينها حزة الغدا بعد لبن وحليب ومايستفيد منها جسمج


يالله ياكريم تسهل علينا جميع

 

[MZajEyA]

قوة بنات المنتدى صاير مليييييييييق و السبه الايرورر طلع عيني جبح


شخباركم شمسوين؟

 

[Fatima]

قوة بنات شلونكم
وايد يعلق منتدانا ليش