%% تجمع حق اللي ولادتهم بأكتوبر ونوفمبر %% حياكم

[Fatima]

قوه بنات
انا احاتي الاسبوع الياي اخر اسبوع لي واخاف ادش العاشر يقولون حمال البنت غير الحين احس بعوار تحتح وجنه شي يشد لتحت وبطني يابس
وتكرمون افرازات ما توقف من جم يوم

 

[الراجيه مغفرته]

ان شالله فطوم الولاده قريبه لا تحاتين

 

[Fatima]

واي احس العوار زاد من تحت وشد مو طبيعي يعني ولادة والا شنو

 

[ektifeet]

بنات انا ولدت وجبت بنووته

والفال لكم يارب بالسلامه

ام منصور الله يسهل لج وتولدين انتى والباقى

 

[زينة الخشة]

قوة حلوات
جيت ابشركم اني ولدت جبت بنت عسل
كانت ولادتي متعبة لاني ماكنت انام من ولدي
بس الله سهل على وجبت بطتي السودة
والحين قاعد اعابل بعمري وادور الخلطات والرجيييييييييييييييييييييييييييييييييم

 

[حبيب قلبي]

السلام عليكم اشلونكم نفر نفر
الله يسهل عليكم ( ام طلال ، ام منصور ، ومزاجيه ، وفاطمه .....في احد من مجموعه الصمود نسيته )
بنات انا ولدت 11\11 الساعه 9.30 بليل طبعا ماكان فينى لا طلوق ولا نزل على ماى ولا شي ، الصبح بعد خلصت سوالف مع ام منصور قلت بروح اشوف دكتورتى لانى وصلت مرحلة اليأس وعل وعسي اكون مفتوحه رحت لها ولا الطامه انه لا تغيير ونق الرحم عندى سميك قالتلى تبين دخول قتلها ايييه رديت البيت سبحت وخذيت جناطى وتوكلت على الله اتصلت على دار الشفا قالى ماعندنا غرف ! قلت حق ريلي بروح الهادى دخلونى اول شي حطولى الحقنه والحمدالله ماتعبتنى وايد لانى اساسا قبل لا اروح من الخوف حاشنى اسهال ( تكرمون ) بعدها حطولى اول تحميلة طلق صناعى ومافينى شي لحد اخر ساعه بدا عوار خفيف قالتلى بندخلج غرف الولاده نسوى تخطيط رحت ولا وناسه غرفه بروحى ودخلت ريلي معاى قعدت تقريبا ساعه بعدها قالتلى بندرج الغرف امشي شوى واذا في عوار بلغينا مامدانى رحت الغرفة وانا امشي حوشنى عوار واييبس بمكانى جان ترد الستتر تقولى بندخلج الغرفه الدكتورة بتوصل بعد اشوى دخلونى الغرفه ومامدانىالا قالتلى بنحط الكمام جان اوصي ريلى اول ماتوصل الدكتورة تطلع وعقبها بدت الافلام تميت وانا اطلق تقريبا 3 ساعات كانوا مخففين على الكمام واختى ماقصرت تمت معاى لين ولدت تعبت شوى لان حجم لولوة اسم الله عليها كبير .................الحمدالله على عطيت ربي والاهم انها بخير وعافيه والباجي يهون طبعا الحين بدا مسلسل السهر .

 

[Fatima]

حمد الله على السلامه جم طلفتج ولادتج
وشنو اهو الطلق الصناعي واهو مع حسبة المستشفى او غير

 

[ملسونه المصونه]

السلام عليكم ورحمه الله وبركاته

انا كنت اتواجد معاكم بالتجمع من بداياته وقليله مشاركاتي ام بالاصح نادره وانا ماشاركت الا مع أم طلال ولاعندي خبر اذا ولدت والا للحين

الله يسهل عليكم يابنات انا معاكم حامل وهذا شهري بس للحين ماولدت

الله يهون علي ادعولي انا واللي صامدين مثلي

والله يابنات إن النفسيه صفررررررررررررررر الحمدلله على كل حال بس الانتظار جدا صعب الله يعين بس .

وصرت اتخانق مع أي أحد يصادفني لدرجه قلت بنعزل عن الناس خخخخخخخخخخخ

شربت خروع وعصير اناناس وشربت دارسين ومشيت ولافيه فايده عاد قلت بكره موعدي وبقول للدكتوره شوفي انا ماراح امشي ولا راح اسوي

اي شي اللي كاتبه الله بيصير لاني ملييييييييييييييت .

قلت لكم قصتي باختصار واللي ماولدت الله يسهل عليها بهالليله بس انا معاها تكفوون

واللي ولدت اقولها الف الف مبرررررررررررررووووووووووووووك والله يعينها على السهر

إختكم ملسونه المصونه

 

[ام طلال]

هلوملسونه انا بعد صامده للحين اليوم موعدي وقال لي الدكتور شربي دارسين وانا ماابي مخليتها على الله
حبيب قلبي فديت اللولو انا .الله يعينج على السهر بس الاهم انج ارتحتي من الثقل والكرشه

 

[Dar-zina]

هاااااااااااااي بنات شلونكمـ؟

اشتقتلكمـ وربي

 

[أم منصـ 85 ـور]

أحب بلادي الحمدلله على سلامتج وتتربى بعزكم
حبيب قلبي .. ياحياتي أنتي الحمدلله اللي ربي يسرها عليج وربي يعينج عالسهر ويعينا عالثقل
ملسونة .. الحال من بعضوووووو أهئ أهئ ..
أم طلول أنا تخرعت قالولي الدارسين إذا مافي طلوق يسكر الرحم فماقمت أشرب ..
فاطيما .. لا تحاتين كله سهاله إن شاء الله
تراي مجنونه .. هلا وغلا .. تشتاق لج العافية وإحنا كمان مشتاااقين
بنات اليوم حسيت بعوار الله يسهل شكلي قربت <<<<<< ليش ناويه تطولين أكثرررر هههههههههههه

 

[Um Ritaj]

قوة بنات

انا للحين ما ولدت بس باقولكم قصتي الي صات امس

امس طلعت ويا اهلي البر عشان اونس اعيالي والا اصلن مالي خلق

وطول طريق الرده وانا كله حرانه ودايخه واحس ماكو هوا

جان ادق على رجلي وقلتل خنرح للعدان بس اسوي سونر عشان اعرف اذا راس البيبي نزل للحوض والا للحين مرتفع

يوم دخلت عالطبيب والا يقول ما عندنا سونار بس خليني افحصج واقيس ضغطج

جان يقولي انتي ضغطج مرتفع لازم دخول وباجر الصبح نولدج

قلتله ما ابي اولد عندكم جان يقولي عيل اوعديني انج تروحين الحين للطواريء للمستشفى الي تبين تولدين عندها ولا تنطرين للصبح

جان اعطيهم سكيب وارد البيت لان ضغطي مو مرتفع حيل 130/90 وياليوم او باجر باولد فاشحقه اروح واخليهم يعطوني طلق صناعي

وشكلي باجر الصبح باروح الطبيب لان احسراسي حيل يعورني

 

[حبيب قلبي]

فاطيما كلفتنى الولاده تقريبا 600 وشوى وعادى الطلق الصناعى نفس الطبيعي ومن اييج العوار يعطونج الكمام
ام منصور مشكورة ياقلبي والله يسهل عليج ويمكن سالفة الدارسين صج لان مع الفحص قالتلى عنق الرحم سميك مع ان اخر مراجعه قالتلى لين بس يمكن انا هوست على نفسي وشربت وايد بدون فايده
ام طلال الله يهون عليج وصج ارتحت من الكرشه صرت خفيييييييييييييييييييفه الفال لكم

 

[سفيرة العشق]

مسااااااااااااااااااااااااااااااااااااااااااااء الخير عليكم كلكم شخباركم :edbf4317b9:

حبيب قلبي بعد عمري الحمد لله على سلامتج واااااااااااي انتي ولدتي معاي بنفس اليوم ونفس الوقت تقريبا

وبدار الشفاااااااااا ؟؟؟؟

غريبة والله ...

وحالتج نفس حالتي الدكتورة قالتلي عنق الرحم عندي سميك بس كنت رايحتلهم والرحم مبطل 4 سم بس عوار خفيف

بس خفت عشان طوغت موعدي وفيني سكر حمل وهذا أكبر غلط سويته إني سكت على نفسي

عشان جذي الياهل طلع منتفخ ووزنه ماشالله كبير

ولآخر لحظة الدكتورة كانت خلاص بتولدني قيصري

بس صبرت علي جزاها الله خير بعد عمري دكتورة ناهدة والله ماقصرت وتعبتها معاي

بس الحمد لله الله سهلها علي ويبت أحلى يوسف حبيبي بس قعد بالضانة 3 أيام عشان نبض قلبه كان سريع ....

 

[ام طلال]

الحمدلله على سلامتكم والفال للصامدات وان شاء الله تشوفون البنوتات عرايس والصبيان معاريس

 

[سفيرة العشق]

اهلين ام طلال شخبارج

الله يهون عليج ها منو ما ولدت لي ألحين؟؟؟

 

[ام طلال]

انا وام منصور وفاطيما ومزاجية

 

[أم منصـ 85 ـور]

امبيييه ام طلول لووووووول لي الحين انا هدوء قاااااتل وعوار خفيف العوار الكااااذب ههههههههه

سفوووووووووووووووووووورة الحمدلله على سلامتج .. يالله طمنيني شلون ولادة ناهده ..؟؟!!! ولقيتي غرفة بالشفا ..! شلون خياطها .. كمام وإلا أبرة ..! يقولون أهي ماتحب تعطي كمام قوي صج ..!؟ قوليلي كل شي بالتفصيل بليييييييييز حدي متصروعه

 

[أم منصـ 85 ـور]

سفورة وسؤال ثاني .. ناهده ماوسعتج ..؟!! وشلون توسعتها اذا وسعتج

 

[سفيرة العشق]

هلا والله ام منصور حبيبتي الله يهون عليج انشالله

انا بنزل موضوع كامل عن قصة ولادتي وبالتفصيل الممل

وبالنسبة حق دكتورة ناهدة تهبل شوي عليها

والله كنت بقوم احضنها بعد ما ولدتني بعد عمري تعبت معاي

وصج اهي ما تحب تعطي كمام وايد خاصة لا قربت الراس تطلع عشان لا يتعب البيبي ...