%% تجمع حق اللي ولادتهم بأكتوبر ونوفمبر %% حياكم

[حبيب قلبي]

حمد الله على سلامتج تقريبا بدينا نخلص الى اذكرهم انا وملوكه وام منصور وام طلال وام رتاج وفي بنات قاطين يمكن اولدوا يمكن مايشبكون وايد الله اعلم

 

[حبيب قلبي]

بنات من امس بليل ولحد الحين ظهرى يعورنى بس عوار عادى وخفيف

 

[حبيب قلبي]

ماشاء الله اليوم سمعت اكثر من خبر عن بنات معانا بالتجمع اولدوا حمدالله على سلامتهم والفال للباقين

 

[أم منصـ 85 ـور]

هاي بنات .. ماشاء الله اليوم يوم الولادات من عقب الصمت الرهيب لووووووول حور برونز كتكوته الراجيه .. الله يسهل علينا يارب

 

[حبيب قلبي]

هلا ام منصور اييه ماشاء الله وحده تسحب الثانيه

 

[أم منصـ 85 ـور]

الفال لنا ام سلوم .. عاد اليوم عندي مراجعه ناهده تقول تو النااااااااااس عليج بنتي انا أهئ أهئ دكتورة أبي أخلص لاتحبطيني لووووووول أترجاها تفحصني تقول ماما البيبي مانزل الحوض بعد ..! عاد عطتني موعد بعد أسبوعين ياخراشي مافيني شده انطر .. بس قلت لها كل مافي جعبتي من مخاوف ووساويس وطمنتني جزاها الله خير ماقصرت طلعت منها مرتاحه 100% وكافي بالولاده بتكون معاي أرتاح نفسيا معاها هالإنسانه .. الله يسهل يارب

 

[حبيب قلبي]

اهم شي الراحه النفسيه والله يسهل عليج يارب
ام منصور يعنى الحين دورى متى اولد الى معاى ولدوا وانتوا تو الناس عليكم ( انت وام طلال وملوكه وفاطيما وأم رتاج )
وفوزانه شكلها اولدت بعد من قالت بليل مراجعتى وهى مادشت النت

 

[Fatima]

سلام بنات
انا كل يوم افرازات مو طبيعية جنه ماي ينزل علي باليوم اغير سروالي 3 مرات يعني ولاده
الدكتورة قالت من الاحد هذا ناا مفتوحه سانتي ونص وعنق الرحم مبطل

 

[أم منصـ 85 ـور]

الله يسهل عليج فاطميا مآدري والله .. بس جيكي لا يكون ماي البيبي ..!!

 

[أم عبد الله]

كروشات أنا ولله الحمد ولدت وصارلي 4 أيام الفال لكم وألحين السموحة الواق والويق يناديني الله يسهل عليكم ويقومكم بالسلامة

 

[Fatima]

مادري ما اتوقع ماي
شلون يكون ماي الولاده بنات

 

[أم منصـ 85 ـور]

أم عبدالله الحمدلله عالسلامه ويتربى بعزكم يارب ..

فاطيما مآدري والله

 

[حبيب قلبي]

هلا فطوم في وحده كاتبه ان كان ينزل عليها افرازات وايد ولم شافها الدكتو قالها ولاده لانها مفتوحه
انت متى مراجعتج

 

[سفيرة العشق]

مساء الخير كروشات شخباركم

بنات حايشني اكتئاب مو طبيعي استغفر الله

شلونكم مو حاسين بعوار شي؟؟؟

 

[سفيرة العشق]

شلونج ام ريتاج ها ما ولدتي لي الحين؟؟؟

 

[أم منصـ 85 ـور]

سسفورة لووووول الحال من بعضوووو ماكو بوادر الظاهر .. والتجمع خلصوا مابقى الا إحنا

 

[سفيرة العشق]

أهلين أم منصور شخبارج

الله يهون علينا أجمعين ونولد بسهالات

قولي آمين

 

[أم منصـ 85 ـور]

هلا سفورة .. اي والله الله يسهل ومتى ماربي كتب بيطلع المهم السلامه

 

[حبيب قلبي]

اهلين سفيرة اشلونج

 

[سفيرة العشق]

هلا وغلا حبيب قلبي

ها بشري ماكو بوادر ولادة مني مناك؟؟؟؟