%% تجمع حق اللي ولادتهم بأكتوبر ونوفمبر %% حياكم

[بسبوووسه]

ملووك شلوونج ولهت عليييج حبيبتي

 

[سفيرة العشق]

مساااااااااااااااااااااء الخير ولهت عليكم وااااايد
انا بعدي صامدة

اليوم رحت مشيت عند بحر الكوت وكان الجو رهيب بس الله لا يراويكم

بس رديت البيت نمت من التعب وظهري شب علي

ادعولي اولد هاليومين لأني تعبت خلااااااااااااص

 

[الراجيه مغفرته]

الله يهون عليكم جميعا

 

[جهراويه قمر]

السلام عليكم ورحمة الله وبركاته

انا اول مشاركه لي بالمنتدى واول حمل وخايفه من الولاده لاني دخلت الشهر التاسع وانشالله الله يسهل علي وعليكم بالنسبه لي انا اراجع عند مستوصف بيتنا بس السونار بالخاص ومن كثر ماني فرحانه بالحمل ماخليت شي ماشريته للبيبي لانه اول فرحه لنا حتى لعمامه لان زوجي البجر فمولودي اول حفيد عسى الله يجعله من الابناء الصالحين

:eh_s(6):

 

[الراجيه مغفرته]

بنات انا للحين ما احس بشي عوار خفيف حده لا يذكر وباجر اخلص شهري

 

[الراجيه مغفرته]

الله يسهل عليج جهراويه وحياج معانا

 

[سفيرة العشق]

الراجية مغفرته حبيبتي الله يهون علينا جميعا

نصيحة روحي امشي على رمل البحر والجو عجيب هاليومين والله فرصة

انا دكتورتي قالتلي أمشي كل يوم نص ساعة عالرمل ونص ساعة عالأرض عادي

 

[أم منصـ 85 ـور]

سفورة شلونج ؟؟

الراجيه الله يعينج .. شكل ماتتحركين ؟؟

جهراوية .. الله يسهل عليج يارب

 

[سفيرة العشق]

اهلين أم منصور شخبارج؟؟؟
انا تمام بس الثقل ذابحني مو قادرة والنوم علي بالحسرة
الله يسهل علينا جميعا

 

[سفيرة العشق]

اهلين ملكة روحي شخبارج انتي انا الكتورة معطيتني موعدي 9/ 11 بس تبيني اولد قبله عشان فيني سكر حمل

وما تبيني اطول عن جذي

ادعولي اولد هاليومين بس زهقت مو قادرة اداوم وقمت اسحبهم طبيات

 

[سفيرة العشق]

صج بنات متى اشرب دارسين ؟؟
ومتى اشرب خروع؟؟؟

الحين قاعدة امشي بس ما شربت شي بعد ...

ابي شي يسهل ويسرع الطلق

 

[حور الجنان]

الخرووووووووووووووع يجيب الطلوق

الدارسين بطييييييييييييء

 

[سفيرة العشق]

مرحبا حور شخبارج

انا سمعت عن البابونج واليانسون مادري المرامية تسهل الولادة وتفتح الرحم ..
الدارسين يقولون ما تشربينه الا لمن اييلج الطلق اهو والخروع ...مادري شرايكم؟؟؟

 

[الراجيه مغفرته]

شلونكم بنات اخباركم ابشركم للحين ما ولدت والله المشي امشي بس ما كوا فايده
الخروع والدارسين يقولون ما يفيد اذا ما فيج طلق الله يسهل علينا واولد اليوم

 

[الراجيه مغفرته]

وينكم بنات للحين نايمين ولا بغرفة الولاده اذا بغرفة الولاده عاذرينكم

 

[الراجيه مغفرته]

ملكة روحي انا خلصت شهري اليوم وانطر الولاده

 

[سفيرة العشق]

قوة ملكة شخبارج
احنا للحين صامدين
اليوم انشالله بروح امشي عالبحر شوي
والله يسهل وأولد هاليومين

 

[الراجيه مغفرته]

شلونج سفيرة العشق ان شالله بعد المشي اليوم تولدين

 

[سفيرة العشق]

والله المشي عالرمل يونس والدكتورة تقول يسرع الطلق ويوسع الرحم

ودي أجازف وأشرب بابونج وزعتر يقولون هم زين

 

[الراجيه مغفرته]

الله يهون عليج وعلينا