تجمع بنات boxhill college <<حياكم>>

[bnt_7waa]

يالله موفقين ان شاءالله

شدو حيلكم وسو شغلكم اول باول وهالله هالله بالحضور

وان شاءالله بتنجحون

 

[ألوءه البطه]

انشالله كلنا ننجح ونتخرج :d​

 

[كـوكيـزا]

من قال ليفل 1 سهل !!!!
بصراااحه مااتوقعت جذي توقعت يعلمونـا من البدااايه يعني يبلشون من abc :d
الموضوع مو سهل واللـه
المس تتحجى ربع كلامها افهمه والباجي ماادري شنو :/
واهم شي هوم ورك اليوم من الساعه 2 لـ الحين مو قاادره اخلصه
كله من الدكشنري واحس مو فااهمه شي من الدكشنري :/

اللـه يستـر بس ​

 

[Мǿℓγ ] εïз ]]

وجع ايميل الكلية يغث مايدش

 

[G.U.C.C.I]

رد : تجمع بنات boxhill college <<حياكم>>

bnat ma tla7thon zadw al boyat b jam3tna looool

;x

 

[ألوءه البطه]

اذا ايميلج ما يفتح روحي حق ict اهمه يسون لج اياه انا ما كان يفتح معاي حتى ال id يسونه لج واتجربينه

 

[كـوكيـزا]

مولـي ..
انا يدش عندي الايميـل عاادي بس فيه بناات واايد معاي بالكلاس مايدش !


G.u.c.c.i
اي والله واااااااااايد بويات :/​

 

[ألوءه البطه]

اي ويييع هالبويات كل مكان حاشرين عمرهم وييييع

 

[bnt_7waa]

بنات الكليه كاسرين خاطري


كل وحده ماسكه كتب اكثر من وزنها انا مااذكر انه فتحنا كتاب من الكبار الا الصغار كلش


اليوم كنت اهناك الكليه صايره زحمه احس مافيها تتحمل اكثر من جذي بنات وشفت وايد وجوه جديده

حسيت روحي غريبه على هلكليه حتى الي عند الباب خذا البطاقه المدنيه مني ومارضى يدخلني اولشي

 

[كـوكيـزا]

ايييييييييي والله معاناة مع هالكتب
كتب ونوت لكل كلااس :/ وفايل الـ ليفيل
امس واليوم خليت كتبي بالكلاس وانزل الكافتيريا لانه مستحيل اشيلهم من اول كلااس لـ اخر كلااس ​

 

[كـوكيـزا]

في شغله باااطه جبدي
البريك ليش ربع ساعه بس ! والله مايمدي :/
يعني انا كلاسااتي اخر الكليه تكفه ربع سااعه يالله يمديني اوصل الكافتيريا

 

[ألوءه البطه]

اي صح الكتب وايد امتينه على شنو عاد
انا ليفل 1 وكتاب القرامر قطع ايدي

 

[bnt_7waa]

عاد اذكر يوم كنا بالفاونديشن البريكات كانت حيل طويله

لدرجه انيب اكل من البيت وناكل منه نسوي بوفيه

ولا كل شوي طالعين ورايحين ماكدونلدز ايااام حلوه

انا من دشيت هلكليه وانا ووزني كل ماويزيد

 

[كـوكيـزا]

لا والله بريكنـا ربع سااعه بس
ومس دينس ياحليلها عطتنا ربع سااعه من عندها قبل كلاسها !
يعني البريك الي قبل كلاسها بيكون نص ساعه
رحنا التسجيل قلنالهم مايصير البريك واايد قصير غيروا الجدول او يزدو البريك
قالوا ما يصير كلمو المس مالوتكم خل يعطونكم وقت فري مع البريك :/

وعلى طااري مااك ! وين صااير بالضبط !
من اي باب اطلع عشاان اروح مااك ؟!​

 

[ألوءه البطه]

حياتي عادي تقدرين تروحين ماك من البوابه الرئيسيه او بوابة الطالبات
اتخلين الجسر وراج وتمشين سيده وبعدها راح ايلج دوار همن اتكملين سيده
واتيلج اشاره تاخذين يسار راح اتلاقين ماك وهارديز و باسكن على يمينج
واذا كملتي بعد سيده راح اتيلج اشاره كملي بعد سيده راح اتلاقين على يمينج
آبل بيز وبيزاهوت وكبابجي وبورقر
وبعد اذا كملتي سيده راح تلاقين على يمينج النوخذة و وسابي وبعد مطاعم وايده ويه كافيه
والشارع اللي اقبال مطعم النوخذه راح اتلاقين بيزا اكسبرس
واذا الله يسلمج <<< جني امطوله خخخخ خليتي معم انوخذه على يمينج وكملتي سيده
راح اتلاقين ميس الغانم ويه فرايديزززز
وبس
ادري فريت راسج
على فكره كلهم على البحر ماعادا بيزا اكسبرس​

بعد في جدام الكليه بالضبط معهد رجالي همن فيه ماك

 

[كـوكيـزا]

اييييييييييييييييييييي هذا أدله
على طريج البحـر
عبالي فيه مااك ثاااااني



مشكووووره حبيبتـي ​

 

[ألوءه البطه]

خخخخخخخ
حياج الله حبيبتي​

:d

 

[bnt_7waa]

ألوه ماقصرت بالوصف طريج البحر هذا كله مطاعم

كل مالذ وطاب

اي عادي ترا المسات طيين انتو اتفقو معاهم عادي يعني اذا الكلاس ساعتين تقعدون ساعه وحده بس على حسب المس اذا كانت طيبه او لأ

اهم شي بس لا اطيحون عند وحده اسمها كيلي يماااي كانت تقعدنا من 2 ليه 5 وبريكنا بس نص ساعه و10 دقايق صلاه والله تعذبنا نفسيا

كنت ارد البيت ابجي ملييت اهي ادرس بزنز بس وان طحتو عند ميري مكنالي وشيرين الدسوقي بشرو بالخير كله بريكات وطلعه مبجر

 

[كـوكيـزا]

بنت حوا


مس دينس عجييييييبه طيووووووبه حييييييييل وعبيطه لووووول وحتن لو تاخرنا ماتقول شي
مس سمر كويتيه حبوبه بس اهم شي الحظور ومحد يتاخر وإلي تتاخر تسجل يم اسمها متى دشت الكلااس بالدقايق
مس سوتي حليوه بعد
ومحد عطانا بريك زايده غير مس دينس ومن نفسها عطتنا ربع سااعه بكل كلااساتها


فيه مس شفتها باللقاء التنويري تدري لغه بس كلش ماحبيتها شعرها كشه واشقر
بصرااحه شكلها يخرع :$ اشوه ماتدرسني لوول


وعلى طاري بريك الصلاة ! كليتنا مافيها مسيد ؟! :/
إذافيه وين صاااير حراام كل يوم قااعده اتاخر بصلاتي واايد :/​

 

[كـوكيـزا]

بنت حوا

المسات الي قلتيهم كلهم يدرسون تخصص صح !
انا تخصصي it

وكليتنا ماتغشمر بالهوم وركات
من اول اسبوع كل يوم هوم ورك وكلهم يبيلهم شغل ​