تجمع بنات نادي لافااام اللي بالخالديه

[cat-girlq8]

بنات بكل صراحه شرايكم بالنادي هذا من ناحية النظافه والهدوء والمدربات ؟

ناطره اجاباتكم

 

[mannooora]

النظافة نظيف ومافي واييييد ناس وهادي والمدربات حليوين زينب و سماح وايميلى وميرله كلهم طيبين وحبوبين

انصحج تشتركين + انه قريب وما علي زحمة

حتى حمام السباحه نظيف وهذا اهم شي عندي

 

[Q8update]

جم اشتراكهم ؟
وعندهم تنس ؟
وشنو طبيعة الاعمار الموجودة ؟


يعطيكم العافية

 

[cinderela]

اشتراكهم 100 دينار بالشهر
والتنس لا مو عندهم عند نادي الفتاه الي يمهم وجنه المدرب ريال بس الي يشتركون بنات بس

والاعمار الي موجوده بالنادي الي اشوفه بالعشرينات وجم وخده بال30 جذي و2 او 3 عيايز
هاذي الاحصائيات الي شفتها بعيني هههه

 

[ii DareeN ii]

http://www.q8yat.net/showthread.php?t=174518


في هالرابط تلقين تجارب البنات عن نفسي ماحبيتة

 

[الحلم]

صراحه عن نفسي ناطره يخلص اشتراكي واروح نادي غيره
لانه كئيب ومافي اهتمام ولاتنظيم
الاداره مهمله
الحوض وسخ وشفت هالشي بعيني ...
بس ميزته مكانه قريب

 

[Q8update]

cinderela مشكورة حبيبتي على التوضيح

 

[أسيـل الجـــرح]

حبيت اجهزته اما الكلاسات ما ادشهم يمكن مره وحده بس كان زين بس تقديري له جيد واشتركت فيه لانه قريب

 

[dana777]

حلو النادي وماشفت منهم تقصير سواء من ناحيه النظافه ومن ناحيه المدربات والاجهزة

وهدوء

 

[daloo3ah]

ماعرفنا الحين زين ولالا


الصراحه الواحد ما يقدر يعتمد على كلام الناس .. كل واحد لازم يروح ويتعنى ويشوف بعينه :s

 

[شكنوومه]

انا كنت بالنادي

بس زحمه مو طبيعيييه وساعات مااحصل موقف

 

[over love]

والله شقولج أهو هادى بس بصراحه مافى أهتمام كللللللللللللللللللش ونفسيت المدربات خايسه حدها بأستثناء جم وحده منهم سماح التونسيه وابتسام وخديجه كويتيات وايملى والباجى مرررررررررررررررررررررض!!!!
تلعبين بأجهزه صح والا غلط مادرو عنج بس الى مصبرنى عليه مكانه ووبس

 

[فجر الغلا]

والله انا مشتركه فيه زين وانا العب اكثر شي هالاجهزه ومادش اكلاسات وايد
وقريب وهادي مافيه يهالوه انا نظافت المسبح انا بروحي ماحب السباحه بحوض
واذا دشيت ادشه فاضي بس مره وانا اسبح لاعت جبدي من الوصخ ويع ويع ويع
طلعت على طووووووول بس هذا عيبه حمام السباحه مو نظيف انا باجي النادي
لاوالله حلو وهادي وقريب
اول مره اشتركت 3 اهر وثاني مره 6 اشهر ولين الحين الاشتراك مال ال6 اشهر ساري
بس هم لا تعتمدين على كلام البنات لأن واحد ايذم واحد يمدح انتي يوحي شوفي بنفسج احسن شي

 

[q8yat777]

انا اشتركت شهر

1-نفسية موظفات الاستقبال مو شي
2-الجدول تقريبا ما يتغير مع ان طلبنا منهم يحطون يوغا في الجدول يوم السبت الصبح او العصر بس ما يسمعون كلامنا ولازم يمشون كلامهم مواعيد كلاسات اليوغا 2-3 ماتناسب الموظفات
3-يلغون الكلاسات اذا ما شافوا احد وطبعا هذا امنيتهم مالهم خلق التمرين
4- موظفات وايد مالهم معنى
5- مرات اذا في عطله او شي يغيرون الجدول من غير ماندري
6- الساحه وناسه بس مشكله شفت بنت بالعشرينات يمكن 24 شعر اباطها شطوله ؟؟؟!! المفروض بنت بهالعمر تعرف لازم تشيله مادري شلون تصلي الا اذا ماتصلي شي ثاني بعد

 

[قصة صبا]

شوفي انا اللي حبيته فيه انه مكانه قريب بس !!

الموظفات عادي يعني مو مهتمييييييييين وااايد و يشيلونج شيل


النظافه 70 %

انا اقول روحي احسن لج

انا بعد 10 ايام يخلص اشتراكي

 

[q8yat777]

انا بعد زين اشتركت بس شهر


لان مااقدر اتحمل موظفات الاستقبال

 

[makhroosha]

لووول موظفات الاستقبال بروحهم ما يترقعون بس مادري اشعليكم منهم المهم اني اتمرن ساعه ساعتين باليوم وانحاش البيت

 

[حنانس]

النادي بشكل عام زين وموظفات الاستقبال ما فيهم شي شكو نفسيتهم خايسة! انتو شعليكم منهم يعني!

عموما النظافة و الترتيب و كل شي زين ماله داعي التعذرب

 

[ii DareeN ii]

المشكلة المدربات مايهمتمون والجدول مايطلع الا بطلعة الروح والنظافة لج عليها

 

[KG-Teacher]

والله انا اشتراكي كان من سنه 3 شهور وكان حيل علية زحمة

بس الحين جددت اشتراكي وايد اهون احس ماكو زحمة وسعوا فيه من داخل وصار فيه صالتين للايروبيك والاجهزة زادوا جم جهاز بس بشكل حلو وملموم النادي واهم ميزة انه قريب وموظفات الاستقبال شكو احنا فيهم مانحتك فيهم اصلن!!​