(())تجمع بنات كلية الاداب والمستجدات فيها(افضل دكتور).يالله يابنات الاداب حياكم..

[الوفى عنواني]

انزين بنات انا خريجة وعندي مادة 142 سجلتها عند دكتوره زاهية شلونها طيبه:dddds: قصدي حبوبة تمشي الناس اللي نفسي يطقطقون بالانجلش او اخذ عند عبد الصمد تكفون ساعدوننني​

 

[شهرزاد000]

هااي تاتونا ..مرموره شخباركمـ يالغوالي..

 

[شهرزاد000]

صج بنات عفيه منو متخصصه انجليزي لغويات..ترد علي ضروري؟؟

 

[Asrarie]

هلا اختي

انا رفيجتي كانت ماخذه عند شيخة وتقول انها زينه وحبوبه وامتحاناتها سهلة_03ba:
وتقول اصلا المادة تافهة فممكن تفيديني وتقولي لي شنو عيوبها؟
اصلا لو في غيرها جان سجلتها بس شسوي
ومشكوره وما تقصرين.

انا خذيتها ثاني كورس لي بالجامعه يقولون الحين غيروا المنهج..

الماده قثيثه وفيها واايد معلومات ,, امتحاناتها صعبه الاسئله تخربط ,, وتحب اللي يشاركون معاها ويتفلسفون وتحب اللي تقدم برزنتيشن وجذي وانا ماكنت اسوي ,, كميه امتحاناتها واايد ,, والمحاضره ممله ,, وانا صراحه ماكلمتها يمكن اذا تكلمينها ترفع

 

[Asrarie]

بنات
في احد يعرف احلام معرفي انجليزي

مادري بس يقولون شديده..

 

[Asrarie]

هااي تاتونا ..مرموره شخباركمـ يالغوالي..

هلا هلا حبوبه انا تماام وااي ونااسه في احد يسأل عني :dddds:

 

[Betty]

السلام عليكم شلونكم بنات عيدكم مبارك مقدما
اللي تسأل عن احلام ترا شديده شوي و زاهيه ما اعرفها بس عبد الصمد الكل يمدحه من افضل الدكاتره و بالتوفيج

 

[*(فطوم الحلوة)*]

بنات اذا ابي ثقافه اسلاميه و تاريخ حضاره بالباي فورس وين اروح بالضبط
لأن شكلي باخذها بالباي فورس و أول مره اروح الباي فورس

 

[تاج الغرور]

قوووووووووه بنات عيدكم مبارك مقدما
فطوم ماعندي فكره انشالله البنات يفيدونج

 

[Asrarie]

بنات اذا ابي ثقافه اسلاميه و تاريخ حضاره بالباي فورس وين اروح بالضبط
لأن شكلي باخذها بالباي فورس و أول مره اروح الباي فورس

ثقافه اسلاميه بالشريعه.. وانصحج بحسين السعيدي..

تاريخ حضاره بالاداب ونصيحتي اخذيها صيفي عند جمال الزنكي..

 

[ALTaf.m]

هلا حباايبي انا بعد مستجده بكليه الاداب وسجلت ماده عند دكتور بنيان تركي ومابعد ما سجلت الكل خرعني فيه ويقولون يظلم بالدرجااات صج يابنات الاداب هالحجي؟؟
الله يوفقنا ياااااااااااارب وويوفق بنات المسلمين اجمعين

 

[Asrarie]

هلا حباايبي انا بعد مستجده بكليه الاداب وسجلت ماده عند دكتور بنيان تركي ومابعد ما سجلت الكل خرعني فيه ويقولون يظلم بالدرجااات صج يابنات الاداب هالحجي؟؟
الله يوفقنا ياااااااااااارب وويوفق بنات المسلمين اجمعين

هلا حبوبه والله صراحه ماعرفه .. موفقه

 

[hindo]

السلام عليكم شلونكم بنات عيدكم مبارك مقدما
اللي تسأل عن احلام ترا شديده شوي و زاهيه ما اعرفها بس عبد الصمد الكل يمدحه من افضل الدكاتره و بالتوفيج

مشكوره بس هي العن من نجاة القناعي:ada:

 

[hindo]

انا خذيتها ثاني كورس لي بالجامعه يقولون الحين غيروا المنهج..

الماده قثيثه وفيها واايد معلومات ,, امتحاناتها صعبه الاسئله تخربط ,, وتحب اللي يشاركون معاها ويتفلسفون وتحب اللي تقدم برزنتيشن وجذي وانا ماكنت اسوي ,, كميه امتحاناتها واايد ,, والمحاضره ممله ,, وانا صراحه ماكلمتها يمكن اذا تكلمينها ترفع

مشكوره بس راح اخذها والله لو في غيرها خذيتها ماتقصرين

 

[hindo]

لااااااااا tatona

الباي فورس كله ماده بكليتها ترا !

والله يعين

هلا بنوته شلونج؟

الباي فورس يعني اذا اباخذ مادة بالتربية اروح لتربيه واذا ابي مادة بالعلوم اروح للعلوم
انزين كل هذا بيوم واحد اهم حددو مواعيد الباي فورس انا تاريخ 27\9
انا ابي مادة 141 يعني اروح اداب وابي مادة من التربية اروح للتربية يعني

 

[كــــويتيــــه]

عفيا بنات اكو احد فيكم يعرف اماني البداح فلسفه علوم ..؟؟

 

[كويتية عيمية]

كويتيه

يقولون حقانية بس شوي شديدة

واسلوبها حلو

وفديت توقيعج

 

[hindo]

عفيا بنات اكو احد فيكم يعرف اماني البداح فلسفه علوم ..؟؟

هلا اختي هذا تقييمها من موقع تقييم الدكاترة انا معرفها
ان مستوى الاختبارات صعب
وشرح المدرس شرح متوسط
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 6




التقييم ملاحظات الطلبة
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: فلسفة العلوم التاريخ: 2009-04-01
الطالب: star رقم التقييم: 17023

حياتي لأعظم صديقة ومدرسة ومنياتي لك بالنجاح والتوفيق قد يجد البعض ان اسلوبك صعب ولكن من يحب الفلسفة حتما سيحب اسلوب النقاش والبحث وليس التلقين وحشو العقول
فاتن دهمان

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: فلسفة العلوم التاريخ: 2008-07-07
الطالب: Asmaa رقم التقييم: 14464

دكتورة محترمه من ناحية التعامل ’,
تحاول تبسط لنا لمادة كثر ما تقدر ’,
صج النوت دسم ’, و ما تشرحه كله عشان تخلينا نرجع البيت نقره ’,

تطلب أبحاث و هوم وركات ’, يعني تساعدك إنك تيمع درجات هذا زائد الأورق إللي بالمحاضرة نحلها وياه عليها 6 درجات

و نهاية الكورس تسوي مناقشه بين الطلبة : )

و امتحان الفاينل كان مباااااااشر و فيه بونس ..!



- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: Principles of Academic Writing 210 التاريخ: 2007-06-11
الطالب: amethyst `06 رقم التقييم: 10196

Dr. Amani is very fair. She is also a very nice person. I heard lots of bad things about her, but turns out they are all not true. Being just and not spoonfeeding is not a bad thing. If you still do not realize that you are a college student, do not take any classes with her. I recommend her to hardworking mature students.

- النجوم:
- المستوى: متوسط الصعوبة
- الشرح: شرح متوسط
- حصلت على: D
لا ننصح به
المـادة: فلسفة علوم التاريخ: 2007-04-25
الطالب: Slim Sha6y رقم التقييم: 9464

بصراحة أنا مادري شلون دشيت عرض و سجلت المادة ، لأن المادة بصوب و أنا تفكيري بصوب ثاني ، الدكتورة تقرق بالإنجليزي و يالله أصيد لي جم كلمة ، و إن صكتني سؤال لوووول تفلسفت لها و أي شي أقوله يعجبها ،،،،، الصراحة الدكتورة ما شفت منها إلا كل خير لأنيقبل أول ميدتيرم سحبت المادة!!
شباب بنات ، لا تسجلون المادة ..

- النجوم:
- المستوى: صعب جدا
- الشرح: شرح متوسط
- حصلت على: F
لا ننصح به
المـادة: فلسفة العلوم التاريخ: 2006-07-04
الطالب: رقم التقييم: 5711

الصراحة الدكتورة محترمة وااااااااااااااااايد و تعاملك بكل أدب بس شديدة حيل و ما تقدر
يعني معقولة واحد يايب 50 من 60 بالأشهر و بالفاينل 9 من 40 و ما ترفع و لا درجه اوكي صج 9 يعني الغلط علي بس بالنهاية المجموع 59
يعني عالأقل تقدر الحضور و الغياب والله ولا يوم غبت كنت كل يوم 7 و نص بالكلاس و على درجه ما نجحتني و خصوصا أنا ماخذه المادة رفع معدل
نصيحة لحد يبلش نفسة و ياخذ هالمادة والله مادة اتيب المرض تكرهك حياتك

- النجوم:
- المستوى: صعب جدا
- الشرح: شرح ضعيف
- حصلت على: A
لا ننصح به
المـادة: مناهج البحث 306 التاريخ: 2005-09-25
الطالب: جامعية رقم التقييم: 967

الدكتورة ما تقدر الطلبة و بصراحة سوت لنا رعب طول الكورس و الشرح خوارة والكتاب بصوب و شرحها بصوب والامتحانات تعجيزية و صعبة حيل .

 

[hindo]

بنات
منو تعرف رقم مادة الارض والكون؟
ومادة الاخلاق والمجتمع الحديث سهلة ولا صعبة؟

 

[Asrarie]

مشكوره بس راح اخذها والله لو في غيرها خذيتها ماتقصرين

اذا ماكو غيرها شتسوين بس كل شوي جيكي اذا لقيتي عند نعيمه الطاهر الكل يمدحها