betty
مشكوووووووووووووووووووووره حبيبتي
و الله انج ماقصرتي و يعطيج الف الف عافيه يا قلبي
بس عندي سؤال
الحين انا قلت باخذ ماده اللغه الانجليزيه 141 و 197 مقدمة في الأدب العالمي مترجما
و بعد شنو أقدر آخذ غيرهم مواد ؟
والله ادري أذيتج بس شسوي احس نفسي ضايعه 
و مو عارفه شلون اسوي جدولي
أهلين حبيبتي لا عادي شدعوه مافيها اذيه و لا كلافه احنا خوات و نساعد بعض
كنت بيوم من الايام مستجده ضايعه مثلج فاعرف الشعور عدل لوول
شوفي انا بقولج عن المتطلبات الجامعيه اللي اهيه المواد اللي تكون بمستوى 100 و اغلبيه المستجدين ياخذونها
عندج مهارات الاتصال اللغويه هالماده كلها قواعد اخذيها عند محمد قباني او زكريا محمد حسن او الكندري او ابراهيم محسن بس حسافه مو منزلين الكورس الياي بكيفان اللي منزاها اشرف حافظ اذا كنتي شاطره بالقواعد اخذي عنده اما اذا زي حلاتي انصحج تاخذينها عند الدكاتره اللي قلت لج عنهم و لا تاخذينها عند عدنان غزال يعقدج
عندج بعد ماده عربي ثانيه اللي اهيه جماليات الادب العربي انصحج تاخذينها عند احمد عوض او العشماوي لا تاخذينها عند مختار
و انتي قلتي ماخذه تاريخ كويت صح ؟
خلاص يعني بقالج تاريخ حضاره انصحج تاخذينها عند الزنكي او العصفور او الحسن و لا تاخذينها عند بنيان تركي او المدعج او المسري موزينين
و عندج بعد مدخل الى علم الاعلام << تقدرين تاخذين بدالها مدخل الى علم النفس او مدخل الى علم الاجتماع او مدخل الى علوم سياسيه او او مدخل ادراه او تاريخ العرب الحديث بس هاذي اسهل وحده << الاعلام
عندج منزلها انس الرشيد << وزير الاعلام سابقا عجيييييييييب اهوا الوحيد اللي منزلها بكيفان
و عندج بعد من المتطلبات ماده حقوق انسان للأسف بس تنزل بشويخ يمكن ينزلونها بكيفان بعدين يدرسها شاهين الشاهين و رشيد العنزي واايد زينين و عندج مواد العلوم بعد بس مادري تبين تاخذينهم الحين و لا بعدين ؟
لأن بعض المواد بس تنزل بالخالديه بس الرابطه مطالبين انه ينزلون بكيفان فان شاء الله بالصيفي يمكن ينزلونهم عندنا و ترا عندج بعد مادتين اختيار حر يعني مو موجودين بالميجرشيت اغلبيه الطلبه ياخذونهم من كليه التربيه عشان رفع المعدل اللي ذاكرتهم الحين مباديء تربيه و اصول تربيه ينلونهم جاسم الكندري و ملفي المطيري
هذول اللي اذكرهم الحين و اذا عندج اي سؤال حبوبه احنا بالخدمه خدمتنا اسرع من 777 :eh_s(3):
و موفقه يا الغاليه
