تجمع بنات المسائي لمرحله 12 ثانوي لسنه 2010 \2011

[HoOope]

لووول ماعندي ولا شي
ولا داومت ولا عندي كتب>>>>>>> بتعيدها بعد


هااا بنات اشللون الهمه؟

متو رتبت جنطتها
عفيى بنات شنو ناخذ معانا

 

[محبوبه25]

رد : رد: تجمع بنات المسائي لمرحله 12 ثانوي لسنه 2010 \2011

لووول ماعندي ولا شي
ولا داومت ولا عندي كتب>>>>>>> بتعيدها بعد


هااا بنات اشللون الهمه؟

متو رتبت جنطتها
عفيى بنات شنو ناخذ معانا

والله الهمه فوق
راجعت كل اللي اخذته الاسبوع اللي طاف و
رتبت جنطتي امبيه حدي طالبه مجتهده
انا بس حاطه بجنطتي الكتب والدفاتر والمقلمه
و بس اي صح ترا الحاسبه مهمه جدا جدا مو تنسونهااا
انا ودي احفظ كلمات الفرنسي

 

[Accepted]

بعد عمري ما قصرتو .. انا بطاقتي على مشرف و ساكنه في بيان .. مو عارفة باي مدرسة اسجل
و بكون سنه 3 الي اعتقد اسمها 11 بالنظام الجديد و ابي اسجل علمي
ياااا رب يقبلوني يااااااا رب

 

[محبوبه25]

رد : رد: تجمع بنات المسائي لمرحله 12 ثانوي لسنه 2010 \2011

السلاااااام عليكم
بناات انا مادري ليش توني اصحى على عمري ناوية اكمل مسائي على بالي ما بديتو
مادري يقبلوني لي رحت باجر؟
يا ليت تعلموني انا في بيان اي ثانوية؟ و متى اروح اسجل بالمدرسة الصبح ولا بالليل اي ساعة بالضبط؟
ارجووكم ردوا علي باقرب وقت لان طايفني اسبووع

اكسيبتد انتي اي صف ؟؟
واذا بتسجلين اتروحين العصر الساعه اربع ونص

 

[znzoon]

رد : تجمع بنات المسائي لمرحله 12 ثانوي لسنه 2010 \2011

هوووب

انا خذيت جنطه ما تشبه جناط المدارس

جنطه شوي كبيره عشان ما اروح بجنطة مدرسه ويمكن ما يعطونا كتب

فقلت مابي ارد بجنطه تبين فاضيه

حطيت فيها فلوس ومقلمه ونوته صغيره

بس ما جبت ولا دفتر

ابي اشوف الوضع اول يوم

وانتو شسويتو ؟؟

 

[znzoon]

رد : تجمع بنات المسائي لمرحله 12 ثانوي لسنه 2010 \2011

حبيتي اكسبتد

اول شي

تروحين المنطقه الصبح الساعه 7

تقولين ابي شهادة عاشر

يعني ثانيه ثانوي وتقولين لهم انا بمطقة بيان اروح اي مدرسه ؟؟ واهما يقولون لج

وتروحين البيت وتريحين

والعصر الساعه 4 بالضبط

تروحين المدرسه

معاج الشهاده >> ترا مهمه ما يسجلونج بدونها

صورة من الجنسيه

صورة البطاقه المدنيه

صورة شهادة الميلاد

6 صور شخصيه

40 دينار

وتسجلين بنفس الوقت وتقولين ابي علمي وتداومين بنفس الوقت انشالله

 

[Accepted]

زنزون مشكووووره يزاج الله خير .. ان شاء الله بروح باجر عسى الله يسهل

 

[znzoon]

رد : تجمع بنات المسائي لمرحله 12 ثانوي لسنه 2010 \2011

حاضرين للطيبين

 

[محبوبه25]

رد : تجمع بنات المسائي لمرحله 12 ثانوي لسنه 2010 \2011

تعلم الفرنسي ايام الاسبوع

http://www.youtube.com/watch?v=RzJUtvh4l3c

 

[رهوفه قلبي]

رد : تجمع بنات المسائي لمرحله 12 ثانوي لسنه 2010 \2011

اشلونكم بنات ابي مساعدتكم هذا رقم موبال استاذ خووووووش مدرس انقليزي والله ساعد بنتي وارتفعت نسبتها وايد بدل ما كانت 65% صارت 90% ابيكم تتصلون فيه هو مدرس محترم مصري بس لا يبي احد يطلب منه تخفيض الحصه وهي 10 دينار لآنه بيحس انها تفاهه هو مدرس بالمرحله الثانويه ياريت تتصلون فيه وسارعو بحجز مواعيدكم 97782039

 

[Zain_ALZain]

رد : تجمع بنات المسائي لمرحله 12 ثانوي لسنه 2010 \2011

هاي بنات شلون الاستعداد حق باجر ؟

انا تزهبت ورحت شريت الستيكرز وسطرت دفاتري :d

وحطيت طوابع عالدفاتر والكتب

وحفظت سورة ال عمران

وحفظت درس الحاسوب الي خذيتهم الاسبوع الي طاف

وان شاء الله من باجر تبدأ الدراسه بثانويه ام العلاء بنات الي هناك مو تنسون باجر الدوام

 

[محبوبه25]

رد : تجمع بنات المسائي لمرحله 12 ثانوي لسنه 2010 \2011

بنااات ابشركم حفظت كلمات الفرنسي السبت والاحد والاثنين والثلاثه
باجر بحفظ الباجي لان الابله قالت راح اتسمعهم لناا

زين الزين انتي باي صف ؟؟

 

[Heaven Light]

هلا بنات ..

زنزووون انا بمدرسة الرابطة بنت الحارث معاج بس ما راح اقولج منو آنا لوووووووووووووول احب اكون مجهولة ..

محبوبة بس نسخي كلمات الانجلش والفرنسي .. اما الاحاديث ردديها 3-4 مرات ومرة قبل النوم بتحفظينها ..

هووب .. انا بشوف الوضع شنو طلبات الابلات من الدفاتر بعدين اشتري ..

وناااااااااااسة باجر دووووام


ونبيها نسبة ترفع الراااااااااااس ..



​

 

[znzoon]

رد : تجمع بنات المسائي لمرحله 12 ثانوي لسنه 2010 \2011

تعبت لين قلت بس لا تخافين انا ما سألتج عشان اتعرف ولا حطيت التوقيع عشان اسولف مع البنات واشوفهم

صدقيني ماني راعيه سوالف ولاني فضوليه لهالدرجه

تدرين ليش حطيته ؟؟

عشان ابي اعرف عن الابلات والاداره والدرجات والغياب والحضور

وسلامة قلبج

 

[Heaven Light]

لوووول ليش احسج زعلتي ؟؟

عادي ترى بس كل السالفة اني استحي ..

المدرسة يديدة علي بالمرة .. وحتى كنت بأسأل عن كل شي بس كان وقت التسجيل زحمة موووووووووت ..

عاد ان شاء الله الاحد ما ننصدم ..

موفقة ..

​

 

[بنت عطا]

قووووه بنات.

انا رحت شريت دفاتري اليوم وحدي مستانسه
بس جنطه مالقيت ابي وحده مناسبه لعمرنا مالقيت فبأخذ وحده من جناطي القديمه على مااشتري

 

[Heaven Light]

بنت عطا مبرووووووووك وانا ان شاء الله باجر راح اشتري ..
اي والله نبي لنا جنطة تناسب عمرنا تتوقعين وين نحصل ؟؟


​

 

[بنت عطا]

شوفي العام لقيتهم بجمعيه القرين 2 حلوين بس اليوم مارحت لها كنت رايحه لولو هايبر مافيه جناط زينه كلهم صغار

 

[بنت عطا]

شوفي العام لقيتهم بجمعيه القرين ٢ حلوين بس اليوم مارحت لها كنت رايحه لولو هايبر مافيه جناط زينه كلهم صغار

 

[Heaven Light]

اووولله بعيد القرين .. ان شاء الله نحصل يمنا وايد اسواااق ..

​