سلام على الحلوين
بنات أنا متخرجه من الثانوي دفعة2004/2005 بنسبة 62أدبي وبعدها دخلت أكاديمية سيمز سنتين ونص تخصص مصارف وتخرجت سنة 2008 شهر 6 وسجلت بالديوان الفقر شهر 8-2008 وبعد مرور سنتين من التسجيل قالو لا شهادتج غير مرغوبه بكل وزارات الدوله@@ روحو إشتكو عالتطبيقي وطبعا بما إنه ريلي العزيز هب ريح أنا متأكده ماراح يروح ولا يسال وبقعد ألطم حظي جذي
الحين شرايكم ودي أعيد رابعه <<< إذا لي الحين في تسجيل
يقولون أسهل من قبل ونظام كورسين مو مثل أول إمتحانات الفاينل تدرسين الكتاب كله
وعندي عيال 2 هل الوضع يساعد شرايكم بجري بالروضه والثاني صغير سنتين عاد اللي عندها عيال تقولي شلون الدوام ؟؟
الاخت قاعده تتكلم عني مثلا
للاسف ماشفت ردج من قبل جان شجعتج على التسجيل
شوفي حبيبتي اكيد احنا نعرف بعض لان انا تخرجت من الثانويه 2004 ودخلت اكاديميه سيمز تخصص مصارف وتخرجت سنه 2008 وقدمت على الديوان وكل الوزارات مايبون تخصصنا ورحنا احنا من نفسنا قدمنا على الوزارات والهيئات وصج قالوا تخصصكم مو مرغوب فقررت ادخل مسائي واحسن نسبتي وادخل الجامعه
وانا بعد عندي بنت والحين انا حامل وولادتي في امتحانات الفاينل بس عادي سهالات يساعدون الناظره قالتلي لاتحاتين راح اساعدج
روحي باجر سجلي يمكن يصير تسجيل متاخر انتي باي منطقه ؟
تره في بنات من اكاديميه سيمز السنه الي طافت عادو 12 والحين همه بالجامعه وهالسنه انا وجم وحده هم من اكاديميه سيمز قاعدين نعيد لا تخلين شي يوقف بطريجج هالكورس بخلص والكورس الياي ياي بالطريج ونخلص
خلي شهادة سيمز تولي ماراح تفيدج
عفيه طمنيني وقوليلي انج بتروحين تجلين
في وحده بعد وياي بنفس الصف من دفعتنا عندها ولدين وكل شوي تدق عليهم بس اصرت انها تعيد وتنجح وكله سهالات وراح تنجحين تعالي عندنا صباح السالم واااااااااااايد يساعدون
