تجمع بنات الـ Canon G9

[beauty]

سوري زيونه بس انشغلت بالفاينل وماعندي وقت

ان شاء الله يوم الخميس آخر فاينل بس افضى اشرح لج بالتفصيل

كنت ناويه اشرح لج اليوم بس لان ودي اسوي شرح مصور احسن توضح الفكره وتفهمينها عدل

وسووري مره ثانيه

 

[beauty]

..........

 

[أم عزيـز]

انا توني شاريه g10

وصار لي جم يوم اسوي سيرج بالمنتديات وفي قوقل عساس اتعلم على عزل الخلفيه
وللأسف بعد البحث اكتشفت ان g9 اهي اللي فيها هالخاصيه
لكن g10 مافيها ...!! مع انها ممتازه وفيها مزايا وايد لكن مالقيت فيها خاصيه العزل
طبقت كل الخطوات وكذا درس وتميت تقريبا يومين بس احاول وما طلعت معاي نتيجه
وهم اللي اثبت لي هالشي بعض المنتديات المتخصصه في التصوير تقول ان كاميرة g10 مافيها خاصيه العزل

على فكره في شغله يديده طلعت لي بالتصوير وما ادري اشلون اغيرها
الظاهر وانا احور غيرت شغله وقمت لما اصور يطلع لي مربعين وواحد يطلع الصوره كلها والثاني بس التركيز على الصوره
وهذي صورة لتوضيح

ممكن احد يساعدي يخليني الغي هالخاصيه وابي بس مربع واحد يطلع لي مو أثنين

 

[beauty]

تضغطين display ويتغير لج

واللي اعرفه العزل موجود في الكاميرتين بس الجي 9 احسن

 

[قدساويه مصرقعه]

السلام عليكم
بنات الكانون
سوري داشه عليكم عرض و wrong side
المهم ابسأل الجي 9 هذي ما يصير اغير عدستها صح ؟

 

[beauty]

لا ماتقدرين

 

[زيـنـه]

قدساويه .. يصير تركبين عليها عدسات و فلاش.. كاضافات .

بيوتي .. بشري . شصار .. انا بالانتظار ---> الطالبه الحنانه !

 

[زيـنـه]

بيوتي .. عسى ما نسيتيني ؟؟

 

[beauty]

سوووري سووري زيونه والله منحرجه منج لاني تاخرت بس حدي انشغلت حتى عطلتي خلصت ماتهنيت فيها

المهم ارتب لج الدرس وانزله ان شاء الله

 

[beauty]

http://www.dpreview.com/reviews/canong9/

هذا خووش موقع و حده مفيد كل شي تبون تعرفونه عن الكاميرا موجود

 

[beauty]

زيون حبيبتي دورت سؤالج مالقيته مادري وين اختفى الرد بجاوب ع اللي اذكره اوكي

واذا احتجتي شي لا يردج الا لسانج وان شاء الله ارد عليج بسرعه :tomato2:

راح اتكلم عن المانيوال وشلون اختار الاعدادات اوكي

شفتي الرقم اللي عنده حرف f هذا رقم فتحه العدسه كل ماصغر الرقم كبرت فتحه العدسه والفتحه الكبيره تفيدنا بشغلتين : الاضاءه اكثر والعزل اقوى واذا تبين كل التفاصيل واضحه وبالاخص صور اللاندسكب تختارين رقم كبير

 

[beauty]

الرقم اللي ع يسار فتحه العدسه ( 30/1 ) مقصود فيه سرعه الشتر كل مازاد الرقم اللي في المقام ( اللي تحت ) زادت سرعه الشتر ونحتاج شتر سريع للتجميد وكل ما زاد الرقم مثل 1 و2 وغيره معناته الشتر بطيء ونستخدمه للتصوير الليلي اكثر شي

حرف L مقصود فيه حجم الصوره لارج ( كبير ) واللي فوقه حرف s مقصود فيه دقه الصوره

 

[beauty]

شفتي الميترنق اللي باليمين هذا اللي اقصده .. يشوف لج اضاءه الصوره

اذا كان بالنص معناته التعريض ممتاز واذا نزل يعني الاضاءه ضعبفه واذا زاد معناته التعريض زياده

طبعا انتي اللي تحددين لان مرات الفكره اللي في بالج تحتاج تعريض زايد ومرات ناقص بس في الغالب يكون بالنص

 

[beauty]

شلون تختارين الاعدادات ؟؟

اللي اسويه ... احدد الاولويه لمنو لفتحه العدسه ولا سرعه الشتر ؟؟ شلون ؟؟
يعني ابي عزل قوي ولا ابي التفاصيل كلها واضحه ؟؟
ابي سرعه الشتر بطيء ( دايم نستخدمه للتصوير الليلي ) او محتاجه شتر سريع للتجميد ؟؟

ودايم احرص اني ما ارفع الايزو عشان مايطلع لي نويز بالصور ويخربها

من اجابتي ع الاسئله اللي فاتت اعرف شنو الاعدادات اللي محتاجتها

اتمنى انج استفدتي واي سؤال من عيوني

 

[beauty]

طبعا مو من البدايه ضبطت الاعدادات بس مع الوقت والتجربه والميترنق بعد يفيدني لان اعرف التعريض ممتاز ولا لا

وسامحيني ع القصور

 

[beauty]

up ...

 

[black_arno0oBa]

بنااااااات شوقتوني شكلي بروح اشتريها...

 

[beauty]

اذا تبين تشترين اشتري جي 10 لانها احدث ومواصفاتها زينه

 

[beauty]

.........

 

[beauty]

.....