تجمع بنات التربية العملية

[planka]

السلالالالالالالالالالالالالام عليكم
اشلونكم ابلات
شفيكم امداكم اتملون من التدريس
لا يبا صيروا قدها

انا علوم لازم انخضر الادوات والتجارب
وما عندنا محضرة

بس مع هذا اموووووووووت على التدري
اقول متى تصير حصتي
والبنات مادري شفيهم علي بس يلمونيييي

 

[3w!Shni]

lهلا والله بلانكا

صراحه انا اموت عالتدريس

بس المستوى بشكل عام عندنا مايشجع

فاااا حربناه كورس

والحمدلله خنجرب شي ثاني

مع اني والله اموت عالتدريس و حبيت البنات حدي

 

[الفراشة الجميلة]

أنا أكرة الميداني حدييييييييييييييييي
بس أبي أتخرج




ربي وفقني وأكفني من اراد بي سوء وأجعل كيدهم في نحورهم ......

 

[لؤلؤة الكويتْ]

أب لعيييوووووووونكم

 

[3w!Shni]

اليوووم سيطرت عالصف الي مو راضي ينفع وياه شي

بس بلعومي انشق و كسروا خاطري الشطار كلش ما ييت صوبهم بالصراخ

لازم تمسكينهم من اووووووووا ماتدخلين يعني دخلي معصبه من اولها لان لو عصبتي عقب مارجنج واقفه لووول

و الحمدلله رئيسة القسم عندها خبر و شافت بعيونها

 

[mimi_el3so0ola]

لووووووووووووووولز بلانكا .. والله لولا البنات وسوالفهم جان سحبت الميداني مررره وحده وعدت دراستي بمجال ثاني ،
.. احنا مانشتكي من البنات بالعكس نشتكي من التدريس بشكل عاام والضغط اللي احنا عايشينه =\
هذا واحنا ميداني يعني ما عطونا كل الشغل اللي مكلفه فيه المُـدرسه ومع ذلك تععععععععب ..... صج المُـدرسه لها الجنه !

والصراحه المفرووض يعطوننا بدل صحـّـه ..... انا عطوني احتياط يوم الخميس صف اولى، اووووووووف شنوو تشلخت بلاعيمي من الصرااااخ ،
رديت البيت اسولف لأمي عنهم ، تقولي يعني سنه اولى توهم يايين من الروضه شنو متوقعه بيكونون P; لوووووولز
بس صج صج عااالم ثاني :S مايمديني اضبط مجموعه . اقوم اكلم بنات بمجموعه ثانيه الا المجموعه الاولى ردوا يسولفون !!!
.. بس والله هم عسسل يشوقوون ، ويطلعوون بطلعات تخليج غصصب تضحكين Pp; هههههههههههههههه

الله يعينا بس ..

وشسمه بنات ابي اسأل .. ما يابولكم سيرة او سمعتوا طراطيش حجي ان احتمال يتسكرون المدارس شهر 12 ؟؟
موجهتنا قايله حق وحده من المدرسات بقسمنا قايلتلها لأن مع البرد ممكن تزيد حالات الاصابه بانفلونزا الخنازير =\
انا سمعت من وحده بالمنتدى بس حسبتها اشاعه قلت مستحيل يسكرون المدارس .. لو بيسكرونهم جان من البدايه أجلوا الكورس !!

الله يستررر بس ..

 

[3w!Shni]

صاااااااااجة بكل كلمة قلتي الي بقلبي

اما عن سالفة سهر 12

سألت الابلات عنها ذاك اليوم قالت لا يبا مو مقعول لان خلاص درسنا و دخلنا و اندمجنا

بس احنا نعطل تاريخ 31 - 12 ان شاء الله

ولقد تم ضبط الصف الي مطلع عيوني بنجاح لوول

 

[ام فوااز]

السلام عليكم بنات
خالتي مدرسة اسلاميه تقول عندكم افكار حق التدريس تشوق وتجذب الانتباه

ويعطيكم العافية

 

[*مسك*]

مرحبا


شخباركم؟

انا زهقت من المشرفات ،، لا يعجبهم العجب ولا صيام برجب،،

كله سلبيات ماعندهم شي ايجابي،،

غير الضغط اللي عايشينه وفوق كل هذا المواد اللي ماخذينهم بالكليه،،هذا هم وغم لحاله

 

[mimi_el3so0ola]

على قوولتج مسك .. انتي نفس حالتي موجهتنا بس تذم فيننا قططع ، وقولي عاد تفيدنا بشي عشان نحس ان التقصير مننا مو منها !!

والله رفيجتي حييل تمدح بموجهتهم تقول ماتقصر تحاول قد ماتقدر تفيدهم وتعطيهم من خبرتها .. وكل مره تجيب معاها ملف فيه اوراقها والعاب تعليميه كانت تسويها وشغلها كله ، وتعطيهم افكار عشان يطبقونها ولستة بالشغلات اللي يحتاجونها وكل شي ..
وفووق هذا تقول حتى لو حسينا حصتنها مو شي لازم تمدح لو شغله بسيطه سويناها بالحصه عشان مانتحبط =\

احنا موجهتنا صرنا نحسب لها حساب نحاااااتي اليوم اللي تجينا فيه والسبب اسلوبها وان مايعجبها شي ،
.. يللا كلها جم اسبووع ونخلص ونفتكككككككك


وحبيبتي ام فوااز سامحينا ياقلبي بس والله احنا اللي محتاجين افكار جان أحد عنده يقدر يفيدنا ،
وانا بحاول ان شاءالله ادوور افكار ع النت لان يوم الاحد نبدا تقييم .. الله يسترر

وموفقين الجميع ^^

 

[فديتـ♥ترابـ♥الكويتـ]

الســـلآآآآم عليكم بنات


و اللي يعافيكم محتاجه مساااعدتكم ضروري ومحتاره حيـــل





انا بقدم كورس ثاني على الميداني
وابي روضه مو موجوده بمطقتي ..موجوده بمنطقه يمنا !!؟

اقدر احط اي عنوان بهالمنطقه او ما يصير !!؟
مثل عنوان وهمي ..او لازم اخذ عنوان من احد من اهلي هناك واحطه بدل عنواني الاصلي؟


ويطلبون منا بطاقتنا المدنيه اذا قدمنا طلب الميداني !؟
وسؤالي الثاني !!؟
اذا الروضه الموجوده مثلا بقطعه 7 او 8
وحطيت العنوان مثلا الدوحه ق 7 كذا كذا كذا !!؟ يحطوني بنفس القطعه او في امكانيه يغيرون القطعه !!؟


للعلم انا جامعة الكويت تربيه تخصص رياض اطفال

وعساكم عالقوه

​

 

[mimi_el3so0ola]

اظن لازم ع العنوان اللي ببطاقتج حبيبتي .. ومايطلبون تحطين القطعة بس المحافظة + المنطقة ، عاد انتي وحظج شوفي وين يحطونج ،

انا مثلا بطاقتي على مبارك الكبير وقطوني بالعدان .. يعني حتى مو بالقصور اقرب لي =\
فيعني عليهم من المحافظة واهمه يوزعونكم ع العدد اتوقع لان المدرسة الوحده لازم يكون فيها ع الاقل طالبتين ..

 

[الغدق]

السلام عليكم ورحمة الله وبركاته
اشلونكم بنااات روعة ومسك
وباجي البنات لا هنتوا
شخبار الميدان ؟؟

 

[فديتـ♥ترابـ♥الكويتـ]

اظن لازم ع العنوان اللي ببطاقتج حبيبتي .. ومايطلبون تحطين القطعة بس المحافظة + المنطقة ، عاد انتي وحظج شوفي وين يحطونج ،

انا مثلا بطاقتي على مبارك الكبير وقطوني بالعدان .. يعني حتى مو بالقصور اقرب لي =\
فيعني عليهم من المحافظة واهمه يوزعونكم ع العدد اتوقع لان المدرسة الوحده لازم يكون فيها ع الاقل طالبتين ..

مشكوره يا قلبي ما قصرتي
بــس حرام جذي !!؟ تعب وزحمه وقاطينا باخر الدنيا


الله يعين ​

 

[planka]

السلالالالالالالالالالالام ابلات شلونكم

ها ميمي عطوج اولى وييننوج
عيل اشلون انا درس 3 صفوف اولى
بس مسيطرة عليهم اعرف متى اطيح الميانه ومتى اقلبها جد الحمدالله
وحدة تقولي ابلة انا احبج كبر السما وااااي فديتها

اشلونج يا ابلة الانجليزي انا شايفة من كلامج انج اتحبين التدريس
ليش بتروحين مكان ثاني عشان شغلة ولا شغلتين
حرام المهنة حلوة صج تعب بس فيها اجر وبركة
انتي فكري انج لمن تدخلين من الصف الملائكة محاوطينج
من تشوفين ياهل تبتسميله وعطيتي طاقة عشان يكمل يومة
انا اقول فكري عدل
والله يوفقنا يااااااارب

 

[3w!Shni]

بلانكا

بعد شبزييي

انا صليت استخاره لاني صج احب التدريس والله و احس اني طايرة وانا ادرس

و يطير قلبي لما اشوف مبنى البنك الي في منطقتنا .. يمكن لان لونه ازرق خخخخخخخ

الله يكتب الي فيه الخير


حطولي تقييم اولي

تقولي الموجه انا و صديقتي جم تعتقدون بحطلكم؟؟؟

قلتلها بما انكم ماتعطون a من اولها فاكيد بي بلس


قالتلتي واثقه؟؟ وقعدت تضحك

قلتلها اكيد نستاهلها عالكد و التعب

والحمدلله

لما تسألكم خليكم واثقين قوليلها الدرجة الي انتي تبينها .. لا تورينها انج متردده لان صج احنا قاعدين نكد و ناخذ فوق المطلوب

و بارك الله فيكم

بنات الاسلامية سوو مواقف تمثيلية وخلوهم يستنتجون القيمه او الخلق

 

[LUXURY]

الله يعطيكم العافيه
انتو ماتاخذون مكافأة ميداني؟؟
انا سجلت حق الكورس الياي ومع التسجيل حاطين ورقه حق مكافأة الميداني يعني ان شاء الله بيعطوننا اياها من الكورس الياي

 

[3w!Shni]

^
^
^

لوووول زحجتيني

قالت مكافأه الميداني قالت

حبيبتي التطبيقي لازال في عصر الضلال و التحجر و الانطحاس

خخخخخ

حتى لما انييب أ مايعطونا تفال بعد <.<

 

[mimi_el3so0ola]

سلااااااااااام عليكم أبلااااات ^____^ كيف الحال ،

والله معاااج حق بلانكاا بكل كلمه قلتيها .. بس والله الضغط لاعب دوره بـنفسياتنا !

... يللا الحمدلله ذهب الكثير وبقي القليل p; من بعد العيد يبقالنا 22 يوم من غير ايام الويك آند ^^

والاحد عطتنا موجهتنا تقييم مبدئي والحمدلله عطتني جيد جدا .. 8 من 10
وتمدح فينا تقول ما شاءالله مجتهدين وتحاولون تطورون من نفسكم << اول مرره تررفع فينا والله حدددي استانست {=

وعلى المكافأة والله يقولون اذا الجامعه مايعطونهم فشلوون احنا =\
اتوقع حجي بدون تطبيق كالعاده !! <<<< لوووووووووولز ضحكتيني بتعليقج 3wish

 

[روعة البراءة]

مرحبا يامعلمات المستقبل شخبارك هانت مابقى شي ونعطل بس بنات ابي افكار للتمهيد او لكلمة الدرس
لان في موجهه عندنا مو حاطتلنا ولا شي عند الابداع مع ان في شكثر شغلات حلة مسوينها البنات الي معاي
ساعدوني بليييييييييز