تجمع اولياء امور مدرسة الخليج الانجليزية في السالمية

[الفرسان الثلاثة]

الشخصية عبارة عن مسابقة بين الفصول؟؟ لبس و تمثيل وللا شنو؟

 

[ملكة بيتها]

هو راح يكون أسبوع للكتاب وراح يقرون قصص لموضوع معين وصفوف اليير ون عن الشتاء حول العالم والطلاب راح يلبسون لبس متعلق بالقصص وأعتقد يوم 24 فبراير راح يكون يوم مفتوح ولبس الشخصيات وبعدين تقييم للبس يعني في مسابقه للبس

 

[روحي تحب]

السلام عليكم شلونكم امهات وشخباركم عسى التجمع دوم عامر يارب ...بشروني عنكم وعن احوالكم
مروو ...ملكة بيتها ..... زوزو ....الفرسان....عزيزتي ....وام مشعل....ولاهانوا باجي الامهات كلكم غاليين

الله يوفق عيالكم كلهم يارب ويبلغكم فيهم

سامحوني على قلة تواجدي وعدم تواصلي معاكم وهذا بسبب ظروفي الصحية وانشاء الله من اصير احسن اتواصل معاكم اكثر بس اشتقت لكم
وحبيت اشارك واسأل عنكم ....وانشاء الله دوم اسمع اخبار طيبه تسر عنكم يالغاليات

 

[علايه]

السلام عليكم

شخباركم بنات عساكم بخير

بغيت اسال عن تاسيس المدرسة لللغة العربية اشلونه

من الروضة اعلمونه يكتب الاحرف .. ولا لأ لاني اللي اسمعه ان المدرسة ما تهتم بالعربي بس الانجليزي

 

[زوزو الحلوه]

هلا فيج علايه بالملتقى والله انا ولدي اولى ابتدائي والله زين بالعربي والقران بس اكثر شي عندهم المواد بالانجليزي

 

[الفرسان الثلاثة]

العربي مو بقوة الانجليزي يعني تركيزهم اكثر بالانجليزي وايد حلو وقوي بس العربي صج انه كل يوم بس ماتعتمدين عليهم يحتاج متابعه منج يعني طريقتهم ياخذون خبرات مختلفه ومع كل خبره يتعلمون الكلمات اللي فيها يكتبونها-عكس الانجليزي تركيه عليهم ومجهود بسيط منج مجرد مراجعه معاه و يعلمونه يقرا بروحه

 

[الفرسان الثلاثة]

هالكلام من خلال تجربتي ومادري يمكن يفرق من شخص لي شخص وحسب التيشر بعد

 

[ملكة بيتها]

السلام أمهات شلونكم
روحي تحب ..شلونج يالغاليه نور تجمعنا وما تشوفين شر ولا تقاطعين طمنينا عليج بين فتره والثانيه حبيبتي
علايه .. حياج الله بتجمعنا وبالنسبه لسؤالج ما قصروا خواتي زوزو الحلوه -- والفرسان الثلاثه --ومن خلال تجربتي أنا بنتي بجريد ون طبعا ماده اللغه العربيه والإسلاميه هم المادتين اللي ياخذونها بالعربي وباجي المواد طبعا بالإنجليزي والمدرسين أجانب فطبيعي العربي بيكون مو مركز عليه بس كعطاء المدرسات مو مقصرين والباجي على الأهل لازم يركزون ويدرسونهم هالمادتين لأن اللغه العربيه صعبه والطالب إذا ما تعلم الأساسيات بيصير صعب عليه والإسلاميه طبعا لازم ما تكون ماده بالمدرسه وخلاص لا لازم تطبيق بالحياة اليوميه

 

[mr000]

السلام أمهات اشلونكم مع المطر!!

 

[باونتى]

السلام عليكم .. شلونكم أمهات الخليج .. اليوم رحت المدرسة وعطونى أوراق عشان أعبى الطلب وقالت لى السكرتيرة لا تحاتين احنا ما عندنا سقوط فى المقابله .. واستخرت ولله الحمد طلعت الاستخاره وايد زينه

 

[الفرسان الثلاثة]

بالتوفيق باونتي وحياج الله معانا في الخليج

 

[عزيزتى]

سلام امهات اشلونكم
بالنسبة للعربي منهج المدرسة نفس منهج الحكومة بس لان باجي المواد بالانجليزي ولانهم يركزون على اللغة يكونون بالانجليزي اقوى
واللغة العربية يبدون من kg2
عندهم كتاب عربى للروضة
بالنسبة لتجربتي ولدى العود قوي بالعربي والقواعد جابلتة واسستة عدل بس الباجي مستواهم وايد اقل يعني لذا تاسسينة عدل يالقواعد لا تحاتين

 

[عزيزتى]

الفرسان المسابقة عبارة عن تصميم لبس لاي شخصية من القصص المطلوبة وبصراحة انا مرة كنت رايحة اخذ ولدي ودخلت وشفتهم التصميم روعة وفناتق يعني كل ماتكون الفكرة غريبة يفوزون -- كانت في وحدة مسوية بنتهت عنقود عنب لان القصص كانت عن الفواكة فكانت مسويتة من البالونات البنفسجية صج بسيط بس ممتازة الفكرة
واهما يبونة شغل بيت بعضهم مبالغين ومسوينة في مشغل بس ما فازو

 

[عزيزتى]

باونتي حياج الله معانا ولاتحاتين القبول انا احس انها اسهل مدرسة بالنسبة للقبول وايد امهات اييون عندنا بعد مارفضوهم مدارس وايد احس بعض المدارس يبون الطفل جاهز ويعرف مالهم خلق ياسسونهم
وممكن اعرف ليش بتنقليهم من التكامل مع انها زينة

 

[عزيزتى]

روحي تحب == سلامتج وماتشوفين شر
ونشااللة نشوفج ويانا عن قريب

 

[ملكة بيتها]

السلام أمهات
مروو المطر حلو حسسنا شوي بأجواء الشتاء
باونتي الحمد الله تطمنتي وإن شاء الله ينقبل بالمدرسه وحياج الله بتجمعنا
عزيزتي ..الفرسان الثلاثه ..روحي تحب ..حبايبي شلونكم

 

[الفرسان الثلاثة]

هلا بالملكة الحمد لله رب العالمين انا بخير كلنا بالبيت حايشتنا انفلونزا بس الحمدلله على كل حال
باقي الامهات
مروو .. صج المطر حلو هالسنة الحمدلله خير
روحي تحب ..سلامتج حبيبتي أجر و عافية ان شاء الله
عزيزتي .. أي تذكرت السنة اللي طافت شفتهم و شكلهم وايد كان حلو
زوزو الحلوة ..الله يوفق ولدج يارب
أم مشعل ..وينج لا تطولين الغيبات
سلامي لكم كلكم و لباجي الامهات وان شاء الله تكونون بأحسن حال

 

[om mishaal]

روحي تحب ألف سلامة عليك إن شاء الله
ما تشوفين شر يا الغالية

ملكة بيتها تسلمين على السؤال حبيبتي ربي يسلمك

الله يحفظ عيالكم وعيالنا إن شاء الله

يحليل سوالفكم كل ما أتذكر صف الروضة وصف 1 أستانس عقب ما كبروا عيالي
تذكروني فيهم وهم صغار ربي يسلم عيالكم

 

[باونتى]

بنات انا ان شاء الله هاليومين راح اودى الاوراق .. بنات عطونى فكره عن المدرسة وعن مرحلة الرسبشن شنو يدرسونهم ؟؟وأهم شى الباص منو عيالها يروحون بالباص ؟؟ لان هذه الشغله الوحيده اللى أحاتيها :0bee2e8d89:

 

[الفرسان الثلاثة]

ولدي بالريسبشن صار له شهر يرجع بالباص ماودي بس مضطره عشان ظروف دوامي تغيرت بس الحمدلله الوضع عادي الله الحافظ وفيه ناني معاهم بالباص وتنزله لين باب البيت بس الافضل وايد ان انتي او ابوه تروحون تاخذونه عشان تقدرين كل يوم تسئلين التيشر عنه وهيا إذا عندها أي ملاحظه عنه تقول لج نفس اليوم إذا مستانسه منه او بالعكس متشاغب وترا لو اضطريتوا انه تخلونه بالباص عادي لان اي شي صار أو بيصير عندهم دفتر يكتبون فيه ملاحظاتهم وانت كذلك إذا تبين شي كتبيه وبعد يوزعون اوراق تنحط بالفولدر ماله عن اي نشاط بالمدرسة ولاتحاتين ترا الأمور منظمه ومساعدات التيشرز بنفسهم يوصلون من الصف لين الباص ويطلعون قبل زحمة الشارع