تجمع اولياء امور مدرسة الحياة hubs

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

يعطيج العافيه مونى مونى على افكارج الحلوه وانشالله احاول اطبق من افكارج ... وونااااااااااااسه انشالله باجر بيودونهم رحلة طفل المستقبل وولدي حده مستانس _03ba: وعسى مايقلب عليهم الجو باجر وايصير مطر والا برد

 

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

السلام عليكم شلونكم . شرايكم بالواجبات توقعون ضغط ولا بس آن الي حاسة بها الشي

هلا و غلا فيج حبوبة ..
انه الحمدلله تأقلمت مع الواجبات .. لاني بديت اتبع طريقة التعلم عن طريق اللعب ..

يعني اذا عندنا حرف الدال مثلا .. نقعد نغني .. نفس المدرسة ههههه:eh_s(6): حرف الدال حرف الدل حرف الداااال ما احلاه

فتدخل المعلومة بمخهم الله يحفظهم اسرع ..
مع ان انه الكي جي ون هووم وووركات و البري كي جي هوووم ووركات .. بس هووم ووركات لطيفة مو ذيك الصعوبة سهالات

 

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

يعطيج العافيه مونى مونى على افكارج الحلوه وانشالله احاول اطبق من افكارج ... وونااااااااااااسه انشالله باجر بيودونهم رحلة طفل المستقبل وولدي حده مستانس _03ba: وعسى مايقلب عليهم الجو باجر وايصير مطر والا برد

الله يعافيج حبوبة

اي اليوم رحلتهم الله يحفظهم .. بس ما ادري اي طفل المستقبل بيودونهم؟ و عيالي اليوم حدهم مكيفييييين علشان بيروحون الالعاب يختيييييييي و الله الله يحفظهم و يحفظ عيالكم يا رب :ggdw:

و اليوم الحمدلله الجو من احسن ما يكون بس حق اليهال لازم جاكيت الصبح عن برودة الصباح

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اليوم ولدي اسملله عليه حده مستانس من الرحله ماقاللى شي عن الرحله غير ركبنا الباص
انا بعرف ليش مايسووون نفس المدارس الخاصه يوم مفتوح يكون يا باجاما دي او كريزي هير دي او هلاقه دي تراوالي يستانسون اليهال مو كل يوم دراسه بدراسه والا انتو اشرايكم ؟؟؟؟؟

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اهلين امهات
شلونكم
الحمدلله ولدي رد مستانس من الرحلة ويقول ان كل الابلات راحوا معاهم مادري صج والا لأ
بس رد يهاوشني ليش ما عطيته فلوس عشان يشتري برد من ماكدونالدز يقول بعض الاطفال شروا

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

قعدت اقرا الرسالة الاسبوعية الاسبوع اللي طاف مالت كي جي 2 والا حاطين في الانجليش سوشيال ستاديز تعليم الاطفال تحديد موقع ولاية تكساس على الخريطة
فاستغربت
احنا شكو بتكساس؟

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اى اسم حراااااام ولدج الفقير ليييييييييييش ماعطيتيه ديناااااااااااااااااااااار :j013:

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

ريمان من صجهم يعلمون الروضة لغة الاشارة ؟؟؟؟
ما لها داعي
ليش يعقدونهم ...يا حرام

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

حياكم الله امهات الحياة وكل ولية امر ودها تتعرف على المدرسة في موضوعنا هذا :68_asmilies-com:
الحين نستأنف سوالفنا

وشكرا مشرفتنا العزيزة كوين

 

[اي اسم]

السلام عليكم
شلونكم آن ولدي بمدرسة الحياة .
ولدي درس أولى و ثانية روضة بالحكومة , وبعدين دخلته أولى ابتدائي بمدرسة الحياة.
صراحة المدرسة ممتازة ولدي الحين يقرى إنجليزي وعربي , والإدارة تعاملها راقي جدا جدا مع أولياء الأمور.
مدرس ولدي كندي و المدرسة المساعدة عربية بس لكنتها الإنجليزي أمريكية .
بس مناهجهم قوية وايد وايد خاصة العلوم والإنجليزي يعني لازم إنتي تابعين ولدج في البيت ماتعتمدين عليهم .
بالنسبة لمنهج التربية الإسلامية منهج الحكومة مونفس الرؤية وروض الصالحين غير.

اسمحيلي مدرسة مكروفة نقلت ردج هني عشان الامهات يستفيدون

 

[ام عبوشى]

السلام عليكم شلونكم ياحلويين بصراحه اشتقت لكم اى اسم ريمان مونى مونى مدرسه مكروفه ونشكر مشرفتنا الغاليه ويالله تقاريركم وانطباعاتكم عشان قرب التسجيل

 

[موني موني]

مبرووووووك عوده تجمعنا و نتمنى الكل يفيد و يستفيد

 

[اي اسم]

حياكم الله جميعا
وهذي الاسعار مالت مدرسة الحياة للي مهتم
الحضانة 1350
روضة اولى 1550
روضة ثانية 1700
جريد 1 2100
جريد2 2250
جريد3 2400
جريد4 2500
المواصلات روحة وردة طول السنة 240
المواصلات روحة فقط او ردة فقط طول السنة 180
وشكرا

 

[مدرسة مكروفة]

السلام عليكم شلونكم شأخباركم صراحة شتقت لكم وايد
ها عطوني رايكم بمدرسة الحياة ؟؟؟

 

[اي اسم]

اهلين مدرسة مكروفة
اشلونج
احنا بعد اشتقنالج
رايي بالحياة بالتقرير التالي

 

[اي اسم]

شرايكم نناقش نقطة نقطة عن مدرسة الحياة عشان نقيمها ونعطي فكرة واضحة لاولياء الامور اللي يفكرون يودون عيالهم للحياة
والنقاط اللي اقترح ان احنا نناقشها هي الاتي

• الموقع
• المبنى
• المنهج
• نظام تقييم الكلية
• تكريم الطلبة
• خدمة الباصات
• ادارة المدرسة وتعاملها مع الطلبة واولياء الامور
• الواجبات
• التدريس
• الترفيه
• العيوب

واللي تقترحونه بعد

 

[اي اسم]

يالله انا ببدى بالموقع
الموقع
بنظري ممتاز وغير مزدحم وهي في السالمية بين مستشفى المواساة والجامعة الامريكية واللي يستخدم طريق الخليج صباحا فهو غير مزدحم يعني انا ادخل خط الخليج من الدائري السادس قبل الساعة السابعة صباحا واوصل المدرسة والطريج سالك ومافي ازدحام ولكن فيه عدة اشارات وبس اوصل عند مدخل المدرسة الحارس يتقدم للسيارة ويفتح الباب للطفل وكثير من المرات تكون بالاضافة الى الحارس متواجدة رئيسة الفراشات والناظرة خيرية واحيانا رجاء الصالح في استقبال الطلبة
مواقف السيارات المخصصة حاليا للمدرسة كافية والحارس بعد الساعة 8 صباحا تقريبا يسكرها بسلسلة عشان ما يستخدمونها طلبة الجامعة الامريكية ويفتحها فقط لاولياء امور طلبة الحياة
للاسف موقع المدرسة يخلو من المسطحات الخضراء اللي ممكن ان الطلبة يلعبون فيها عندهم بس الساحة اللي بنص المدرسة واهي للطابور واللعب بالفرصة وولدي يقول لمادة الرياضة بعد وحاطين فيها ستاند وشبكة لكرة السلة وايضا مرميين لكرة القدم
وانتم شرايكم؟

 

[اي اسم]

العيوب
جديدة ومالها تاريخ والاستمرار فيها في نوع من المغامرة مع انها لحد الحين جيدة وتبشر بالخير
قلة الخبرة
المستقبل غامض من حيث موقع المدرسة او الخطة المستقبلية التعليمية
عدم وجود مسطحات خضراء اطلاقا
عدم وجود مسرح او ساحة العاب
ما في رئيسة قسم لكل مادة لتنظيم المنهج – شلون التنظيم الاداري ومنو يحط الخطة الدراسية
تكريم الطلبة قليل جدا- اتمنى يسوون نفس البيان والابداع نظام الستارز وهو تكريم الطلبة بشهادة على شكل نجمة لاي سبب اكاديمي او سلوكي لان كل طالب اكيد له ميزة تميزه عن غيره وتشجيع للطلبة

 

[اي اسم]

الترفيه
ودو ا الروضة الاكواريوم وطفل المستقبل والابتدائي اي ماكس وحديقة الشعب مع ماكدونالدز)اللي داخل حديقة الشعب)
قبل اجازة عيد الاضحلى سووا بيتزا بارتي مع مسابقات قدمها فريق ليتل سيزرس بالمدرسة للطلبة وقسم الدين قدم عرض لمناسك الحج وايضا بنفس اليوم كان في فري درس وخلص اليوم الدراسي مبجر على الساعة 12 الظهر
وسوو حفلة القرقيعان في رمضان
وسووا دوري كرة قدم للابتدائي حق الصبيان
وبس سلامتكم هذا كل اللي سووه
المفروض يسوون فري درس للطلبة مرة كل شهر و يسوون اسبوع القراءة عشان يلبسون ملابس لشخصيات احبوها في قصة قروها من قبل وcrazy hair day ويكثرون من هالاشياء اللي تفرح الطلبة ...يمكن راح يسوونها بعدين ننطر ونشوف

 

[اي اسم]

سؤال
هل راح يصورون الطلبة صور شخصية وجماعية وهل راح يسوون year book؟