تجمع اولياء امور مدرسة الحياة hubs

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

مرحبا بنات .. شلونكم ..

انه عيالي بعد بمدرسة الحياة و المدرسة واااايد زينه و المدرسات ممتازات و بالهم طوييل مع اليهال ..

الصراحه حتى عيالي افرقوا علي للافضل الحمدلله .. بدوا يحبون المدرسة و الهوووم ووركات ..

و من احس ان في عندي اي ملاحظة اقولها و ياخذونها بعين الاعتبار ..

و مو معناته هالمدرس شديد مع الطلبة بالواجبات ان المدرسة مو زينه لااااااااااااااا..

المدرسة ممتاااازة و لله الحمد ..


و نظييييفة وين ما تروحين اتشمين ريحة الديتول ..

حتى بالفصول يعلمون الطلبة على المحافظة على النظافة ..

و شووووف عيني .. كل طالب يبي يشرب ماااي .. ياخذ قلاص بلاستيك من المدرسة مكتوب عليه اسمه و يشرب فيه الماي ..


انه بالنسبة لعيالي بالحضانه و عندي باولى روضه ...


اللي باولى روضة اطلبوا مرة منه يكتب كلمة بطة ...

ة الصراحة كتابة كلمة لاولى روضة شوي صعب عليهم .. فكلمت المدرسة قالتلي عااادي لا اتحاتين اهمه بهالعمر يحاولون بس ماراح يتقنون اهمه بهالعمر يمشون على النقط بالكتبة و شي طبيعي ..


و الحمدلله كل الامور اوكي


اذا عندكم اي استفسار انه حااااضرة :tek:

 

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اي و شغلة ثانية .. الخليفي انسان تربوي ...

و لو اهو مو ناجح بوظيفته كتربوي جان ما شفتوا مدرسة التكامل ما شاء الله سمعتها ممتازة ..

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

مشكوره مونى مونى ياريت انتى والاخوات تفيدونا عن هالمدرسه انا سامعه عنها انها زينه وناويه ادخل ولدى اول ابتدئى انشاء الله يعني نظامها وجنسية المدرسين بعدين المبنى انا سامعه انا اجار من المدرسه الى جنبهم يعني ماقالولكم بعدين وين بيروحون

 

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

حياج الله يالغالية ..

المدرسة ممتازة الحمدلله و المدرساات عسل و لو ما كانوا زينين ما تعلقوا فيهم عيالنا الله يحفظهم .. و انه مدرسات الحضانه . وحده كويتيه تهبل روووحها تهبل و الثانية ايرانية عسل متحجبه بس كل تعاملهم مع الطفل بالانجليزي و هذا شي يسعدني بنفس الوقت عندهم كل يوم الصبح حصة عربي و هم عندهم حصة دين .. فعيالي مو بس انجليزي لا صحيح ان يعلمونهم بالانجليزي كل شي من كلمات و حروف و علوم و رياضيات بس هم يعلمونهم بالعربي كل شي الحروف و الارقام و الدين بعد عندهم حفظ للسور الصغار ..

نفس الشي للروضة ..

الروضة مدرسات ولدي وحده سوريه جنه عايشة بكندا .. والثانية نفس الشي بس كتعامل ممتازات .. انه ولدي اللي بالروضة الله يحفظه كان ما يسمع كلام المدرسة .. فقلت لها عاقبيه لان لازم يتعلم ... و العقاب شنو تدرون ؟؟؟


العقاب اهو كرسي الtime out يعني بالفصل عندهم كرسي يقعد فيه الطالب اللي ما يسمع كلام المدرسة لمده دقيقة وااحده ..

و ولدي قام يقوولي و يزعل ليش الابلة قعدته جم مرة بالتايم اووت بس من يومها حرص ان يسمع كلام المدرسة و هالشغلة خلته حتى بالبيت يسمع الكلام ما يعاند..

كله علشان لا تزعل منه الابلة و تحطه بالتايم اووت

واليوم مودينهم رحلة للمركز العلمي .)

و شغلة ثانية ...

مو مشكلة بالمبنى حتى لو اهو مأجر تأكدي ان ما راح يطلعون من هالمبنى الى لمبنى افضل ..

و لا تنشين شغلة مو المهم المبنى كثر ما التعليم و النظافة و المدرسات مهميين ..

ووااايد في مدارس خاصة مبناها يعل القلب بس تعالي شوفي التدريس فيها .. قمه ..

فالمبنى مو مقياس

و اي استفسار انه حاااضرة ..

و انه الحمدلله ما سمعت عن هالمدرسة الا كل خير .. الكل يمدحها الحمدلله ..

 

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

و عطلهم مع عطل وزاارة التربية ...

و ما عندهم سوالف خرابيط مثل الثانكس جيفن و الكريسماس و هالسوالف لا ..

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

مشكوره حبيبتى والله يخليلج عيالج بس بالنسبه للمبنى انا قصدى لا يكون يروحون حولى مكان زحمه ومشكورة وايد

 

[موني موني]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

حياج الله حبوبة ..

ما افتكر ليش اهي حولي فيها مكان ههههههههه

اهمه ما نقوا مكانهم اللي اهمه فيه الحين الا لانهم بيبعدون عن الزحمه

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

ادرى السالميه احسن بس حولي وايد مشكله على العموم ياريت انتى والاخوات الى عيالهم في هالمدرسه بين فتره واخرى يفيدونا عن هالمدرسه لان يديده والى اعرفه انا ادارتهم وايد ممتازه

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

بالنسبة للدين فالمدرس تغير بسبب شكاوي الاهالي عليه وحطوا مدرس جديد وان شا الله احسن وواجباته معقولة يعني واجب الدين هالاسبوع حاط لهم سؤال واحد بالدفتر اختار الاجابة طاعة الوالدين تؤدي الى دخول
الجنة
النادي
ال...مادري شنو
وطبعا هالواجب معقول
ولي الامر يقرا للطفل والطفل يختار

يعني الشي الحلو ان ادارة المدرسة استجابت لشكاوي اولياء المور وغيرت المدرس
الحمدلله

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

انزين اي اسم ماقلتيلنا شرايج في باقي المواد الانجليش والعربي والرياضيات والعلوم الخخ

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

هلا ام عبوشي
اول شي مدرسة الانجليزي اهي اللي تدرس الصف الانجليزي طبعا والعلوم والرياضيات والرسم والاجتماعيات وعندها مساعدة ويكونون اثنينهم متواجدين في الصف بنفس الوقت
العربي له مدرسة عربية
الدين له مدرس , في مدرسة لمادة التربية الوطنية ومدرس للتربية البدنية ومدرسة للكمبيوتر

مدرسة الانجليزي ممتازوة وحبوبة واهي بريطانية بس ملامحها توحي ان فيها عرج هندي بس اهي بريطانية ولكنتها بريطانية
مادة الانجليزي كمنهج ممتاز ة جدا وواجباتها معقولة يعني الطفل يحلها بسهولة مع اشراف الام طبعا
وانا صراحة ولدي صار يحب الانجليزي اكثر من العربي وحتى يعتبر الكتابة بالانجليزي اسهل من العربي

 

[-Gucci Girl-]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اختي موني موني حبيبتي ممكن اعرف مناهج المدرسة تتبع أي دولة..قصدي منهج أمريكي ولا بريطاني؟؟
انا بعد سمعت عنها ووايد يمدحونها .. و انا ادور مدرسة احط فيها بنتي اولى روضة .. و انتي الحين قلتي فيها حضانة بعد ..
حبيبتي ياريت تفيدينا عن مصاريف المدرسة اشكثر عالأقل حق هالمرحلتين..

والله ونستيني وايد بكلامج عن المدرسات ونظافة المدرسة.. و بعدين مبين ان الادارة هم متفهمة.. يعني المدرسة اللي وصلهم عليه شكاوي علطول غيروه و هذا شي زين بنظري..

ياريت تردين علي بسرعة حبوبة.. و بالنسبة للتسجيل متى يبدي حق السنة الياية؟؟ و الحضانة اقدر اسجل فيها بنتي الكورس الياي قبل بداية السنة (شهر 9) ولا لأ؟؟
أدري دوختج يا قلبي بس والله انا بروحي دايخة مع هالمدارس ..بس كلامج وايد ريحني ..
تحياتي

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اختي اي اسم عندج سايت المدرسه

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

الموقع مالهم
hayatschool.com
بس يمكن للحين ما خلص

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

انزين اي اسم مو وا يد مدرسه وحده ادرس كل هالمواد انجليزى وعلوم ورياضيات ورسم لايكون عندهم نقص بعد

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

مرحبا اشلونكم بنات
بالنسبة لى انا سجلت ولدي هالسنة بمدرسة الحياة العالمية اهو باولى روضه وبصراحه وايد مستانسه على منهجهم ومستوى التعليم وهم نفسية ولدي احسه وايد يحب المدرسة وابلاته وتغيرت على شخصية ولدي قبل كان اشوي منطوي الحين احسه وااااااااااااااااااااااااااااااااااااااايد اجتماعي سلم لى قلبه هالنونو وسلامتكم :>

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

ام عبوشي اللي اعرفه ان اكثر من مدرسة خاصة ماشيه على نفس الطريقة واهي ان مدرسة الانجليزي تدرس اكثر من مادة يعني ماله علاقه بالنقص
هذي طريقتهم

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

موني موني صاجه بكلامها عن مدرسة الحياة وهالشي شفته بعينى من نظافه وتعليم وابلات ايهبلوون وناظره المدرسة اتهببببببببل ماشالله عليها بس انا اللي قاهرننى ومنبطه جبدي منه مواقف المدرسة مشاركه مع الجامعه الامريكيه ومع مدرسة يم مدرسة الحياة اتوقع حق احتياجات خاصه يعنى شارعهم ضييييج لازم اتلفين الكره الارضية عشان مواقف المدرسة وسيارات المعاقين حدث ولا حرج عادي بنص الشارع يوقف السياره بنص الشارع موهامهم السيارات اللي وراه مع ان مسوين لهم مواقف خاصه لهم يوقفون فيها ياخذون عيالهم خلاصة الموضوع المدرسة حييييييييل عاجبتنى والله بس انا مضطره اوديه العالميه الامريكيه عالسنه اليايه انشالله لان قريب من بيتنا وقريب من دوامى

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

ريمان ترا المبنى الى اهما فيه مأجرينه من المدرسه الي يمهم اربع اسنين اتوقع يعني مؤقت اتوقع يغيرون المبنى

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

منهجهم تبع scott foresman -addison wesley
هذا اللي مكتوب على كتبهم , طبعا بالنسبة للانجليزي والعلوم والرياضيات
بس العربي والدين والتربية الوطنية يدرسون منهج الحكومة