تجمع اولياء امور مدرسة الحياة hubs

[جناوي82]

رد: رد : تجمع اولياء امور مدرسة الحياة hubs

اللي عيالها في قريد 1 ماودكم نشتكي من كثرة الواجبات والله حراام , طووووول الاسبوووع واجبات وبالعطله بعد
والله كل ما اشووف الواجبات ينقمت قلبي ودي ابجي

والله شكلي بطلعه من المدرسه
كل ماسالت عن المدارس الثانيه !!! اكتشف انه مدرستنا اهيا الوحيده اللي واجباتها وايد
الاسبوع الياي عندهم املاء في جملة ( انا فراشه بيضاء) :flower: حرااام الجمله صعبه , ياحلو( مع حمد قلم ):eh_s(21):

ويه ذكرتيني بالدراسه انا ولدي يوم كان بجريد ون مسكين من كثر الواجبات والامتحانات يبجي بعدين يضحك تعقد بس حاولي تساعدينه والله يعينا وصح ترا في وايد مدارس ماعندهم هالكميه واجبات مادري احنا صح او اهما صح بس همن الحياة مستوي وقويه

 

[جناوي82]

رد: رد : تجمع اولياء امور مدرسة الحياة hubs

مرحبا بنات.............شلونكم وشلون عصافيركم الحلوين:hjy5jewf:

منو راح لليوم المفتوح؟؟؟
أنا رحت بس لحقت على اخر محاضرة الدكتور الخليفي حسافة
ورحت للصفوف بس الصراحة ما كانت العملية منظمة نعبت وانا ادور مدرسة العربي ومدرسة الدين لبنتي ما شفتها اصلا بس نوعا ما ارتحت للي شفتهم وكلمتهم ............ النظام حلو بس صراحة متعب لعمرهم توهم صغار يردون من المدرسة غدا وبعدين واجبات وبعدين عشا ونوم.............حرام
بس وجهة نظر الدكتور انه يتعب اللحين ويرتاح بعدين يكون تعود على نظام الدراسة الدائم والمتعب
قرقت وايد بس والله انا نفسكم تونا بادين واحس وقتي صار كله له الله يخليه لي ما عندي وقت اشوف حالي :eh_s(16):

تصدقين انا همن وجهة نظري يتعب اول ثلاث او اربع سنين يتأسس عدل احسن عشان يكون بادي صح وملم بكل شى

 

[سكر-زياده]

رد : رد: رد : تجمع اولياء امور مدرسة الحياة hubs

انا ما احس ان لهيدرجة وايد لدرجة ان نشتكي
الواجبات مفيدة وتثبت المعلومة وتعلم الطفل
لا تكررين هالشي جدام ولدج لان يتعقد
ولا تقولين له سو الواجب عشن تفتك --- جملة امهاتنا لان بيحس ان هم وحمل

بس سالفة املاء العربي احنا ما بدو هالدرس ليلحين؟!!!!

لا والله الواجبات وايد كل يووم عربي وانجليزي ورياضيات وهم بالعطله واجبات ,, ترى الياهل يمل من كثر الضغط وولدي كره مادة العربي وكره اسمه بسبة هالماده والله انه يبجي واهو يكتب اسمه ,, قمت اخليه يكتب اسمه مرتين مو خمس مرات

لما كان ولدي في كي جي 1 كانو يعطونهم واجبات كل يوم ,, ولما اشتكينا !! قامو يعطونهم مرتين بالاسبوع
المدرسه اذا شافت الشكاوي زايده والاولياء الامور قامو يطلعون عيالهم راح يغيرون من طريقتهم
انا ماراح اسكت بكلم المديره بصراحه تعب علينا وعلى الياهل .. ميخالف واجبات كل يووم بس كل يووم ماده او ثنتين مو 3 او 4

 

[Something wooow]

انا بعد ولدي قريد ون وااااااااااااااااايد وااااااااااجبات

المشكلة انه ماكو وقت على مايردون البيت يتغدون وزحمة الشارع ومتى يريحون ويشوي الا اهما متعشين ونايمين

احنا تعبنا

مادري اذا هالشي صح ولا لا

بس اللي حسيته انه المدرسة فعلا قوية وااااااااااااايد مو شوية

وانا ولدي رفض يكتب اسمه بالعربي بس واجبات الانجلش والماث كتبهم قتله كيفك
مابي اضغط عليه

 

[Something wooow]

تدرون شقمت اسوي

قمت ايب غداهم من البيت عشان يتغدون بالسيارة

وعلى مانوصل البيت الا اهما خالصين
عالأقل اكسب وقت ومنها يلعبون شوي مساكين وانا اريح بعد

بس صج ارتحت يوم بديت اغديهم بالسيارة ومساكين ايون يواعة ميتين من اليوع

 

[أم فرووحة]

وييييييه الله يعينا على g1

من الحين قمت احاتييه على هالواجبات اللي تتكلمون عنها


بس انا مره حضرة محاضرة للدكتور ابراهيم الخليفي يقول اذا تساعدينه في حل واجباته انتي قاعده اتضرينه بدال لا اتفيدينه..!

يعني باختصار خلوهم يعتمدون على نفسهم مو لازم يكون متفوووووق خليه اهو و قدراته..

كلنا نبي عيالنا متفوقين اكيد..لكن الافضل ان تفوقه هذا يكون ابمجهوده حتى لو ما يطلع هالتفوق الا بعد سنيييين لكن بالبدايه خلوهم يعتمدون على انفسهم..

 

[سكر-زياده]

رد : تجمع اولياء امور مدرسة الحياة hubs

ام فروحه
جان زين يبطلون الجنطه ويحلون بروحهم
انا افتح جنطته وافرز الواجبات ومن اوصل حق واجب العربي ينقمت قلبي , بس ما اكتب عنه الواجب ولا اقوله الاجابه لا اخليه بروحه يحل ,,, الواجب 5 دقايق يقعدلج نص ساعه يتمقط يسولف يتكوكس واااااي معانااااة ,, يهال لي الحين مو مفرقين بين الروضه والابتدائي هالمرحله نقله بالنسبه لهم يالله يستوعبوون

واجب اليوم :
الانجليزي ص 16 و18
الماث اليوم الاول الدفتر الوردي
العربي يكتب امل وحرف الالف
وماجيكت اذا في بعد ولا لاء , امبلا بقعد احفظه كلمات الاملاء

 

[اي اسم]

كسرتوا خاطري امهات جريد 1
الله يعينكم وان شا الله المدرسة تخفف ضغط الواجبات لان صج تعب على الطفل وحرام ما نبي يكره الدراسة

ذكرتوني بولدي يوم كان بجريد ون صج كان الواجب بو 10 دقايق يخلصه بساعة ...نص ساعة يمكن بس يتحلطم ويبجي وبعدين مرة عطشان ومرة حصران ومرة يبي يسولف سالفة ومرة يبي يوريني حركة ...صج تطلع روحي على ما تخلص واجباته وصراحة مرات يبجي ويروح سريره ويتغطى والا هو نايم واضطر ثاني يوم الصبح اقعده ابجر شوي عشان يمديه يكمل الواجب قبل لا يوصل الباص

حلاته الواجبات كلها مالت يوم كامل تخلص بنص ساعة بس وباجي الوقت يكون للعب والراحة والاكل والحمام والنوم

خوفتوني صراحة من كثر الواجبات انا عندي ولدي الصغير السنه الجاية جريد 1 ....اكره كثرة الواجبات

 

[Big_Love]

عيون فرح وحوريه انا ولدي بعد ويا عيالكم بالصف عندس مس تريسي

بس بصراحه شكلها ما يريح مس تريسي

 

[عيون فرح]

رد : تجمع اولياء امور مدرسة الحياة hubs

big love لا تحاتين ترا اهي حليوة ...........ولدي يحبها وهذا اهم شي لي حب المدرسة راح يحب المادة
بناااااااااااااات لا مو صج ما في وقت لاي شي الا حل الواجبات ليش ما يكون يوم بالاسبوع يسلم واجب العربي مثلا كل ثلاثاء تسليم واجب العربي يوم الاربعاء تسليم الانجليزي يخلونه عندنا اسبوع كامل نحل بهالواجباات والله احسن ولدي حماتي جذي مدرستهم

 

[سكر-زياده]

رد : تجمع اولياء امور مدرسة الحياة hubs

بنات خل نقترح عليهم خل انبينلهم انا احنا متضايقين ودي يمر يوم ماكو واجب

 

[M.H.H]

السلام عليكم

كل عام وانتو جميعا بخير

وعيالنا بألف خير

الوجوه تبارك الرحمن كلها جديده :friends:

وآنا جني مضيعه:016::eh_s(10)::eh_s(10):

حي الله الكل والجميع

:eh_s(18): :eh_s(18): :eh_s(18): ​

 

[جناوي82]

سلام عليكم تابعت ردود الامهات الي اغلبهم بجريد ون وكثرت الواجبات وتذمرهم بصراحه اهوا صج ضقط ويوم طويل وانا لما كان ولدي جريد ون نفسكم تعبت وينني وبجي وغصب عشان يسوي الواجبات بس ترا الواجبات مع الوقت الياهل راح يتعود وتحسين انه فرق معاج واحنا ماخترنا الخاص الا عشان ندور التعليم الممتاز فلازم نصبر عشان نحصل نتيجه احسن من مدرسه تعليمها ضعيف ومخرجاتها ضعيفه واذا المنهج يطلب واجبات مكثفه امرنا لله نساعد عيالنا يعني انشالله يخلص جريد ون يكون ملم بالقراءه والكتابه عربي وانجليزي وحافظ سور من القران الكريم والله يوفق عيالنا امين

 

[HoOoriah]

عيون فرح وحوريه انا ولدي بعد ويا عيالكم بالصف عندس مس تريسي

بس بصراحه شكلها ما يريح مس تريسي

:68_asmilies-com:

هلا فيج حبيبتي.... والله اهي حبوبه وكله تبتسم واهم شي انه ولدي مرتاح لها ولي الحين أحسها ضايعه بس يمكن ليش يديدة يعني باللقاء التنويري كان حده فوضى بالصف يعني ماتعطيج الاجابه اللي تبينها لمن تسألينها ,,, انا بنطر هالاسبوعين وبشوف البروجرس وانشالله باخذ موعد وبكلمها عن مستوى ولدي وشلون اقدر اطور من مستواه...
بس اللي يضحك ان حمود عباله لي الحين بكيجي مو فاهم يعني شنوتست يعني الاخ يوم سبيلنج تست كاتب بس اربع كلمات بعدين مصكر الدفتر وقاعد اقوله ليس ماكملت يقولي تعبت والله يضحك هالولد ...

الله يعيني عليه شكله بيشيب راسي على مايخلص هالمرحلة.... وانشالله يخففون من هالواجبات

 

[Dorur]

سلام عليكم تابعت ردود الامهات الي اغلبهم بجريد ون وكثرت الواجبات وتذمرهم بصراحه اهوا صج ضقط ويوم طويل وانا لما كان ولدي جريد ون نفسكم تعبت وينني وبجي وغصب عشان يسوي الواجبات بس ترا الواجبات مع الوقت الياهل راح يتعود وتحسين انه فرق معاج واحنا ماخترنا الخاص الا عشان ندور التعليم الممتاز فلازم نصبر عشان نحصل نتيجه احسن من مدرسه تعليمها ضعيف ومخرجاتها ضعيفه واذا المنهج يطلب واجبات مكثفه امرنا لله نساعد عيالنا يعني انشالله يخلص جريد ون يكون ملم بالقراءه والكتابه عربي وانجليزي وحافظ سور من القران الكريم والله يوفق عيالنا امين

انا وياج صراحة
وبعدين مو لازم تجبرينه يقعد ساعة كاملة متسمت يكمل كل واجباته (عشان يفتك)! لا هذا طفل يمل ويبي يلعب
فخليه يسوي شي ويركض يلعب بعدين ساحليه يكمل شوي ويروح وجذي لما تخلصين
وحاولي تحولين الواجب حق قصة عشان يندمج
يعني مثلا انا ذاك اليوم عنده واجب الماث اللي في الكتاب صور عش وداخله بيضات ويكتب العدد تحت
4 صور اعشاش وكل عش فيه عدد غير
فسويتها له قصة ان في ولد يراقب هالعصفور كل يوم ويعد بيضاته ويسجل عنده - يالله سجل اكتب جم بيضة لقى اليوم؟؟

ونفس ما قلتو لالالالازم الطفل يتملل ويبي يروح لان مو متعود عالواجبات اليومية بس لازم نعلمه بطريقة محببة مو غصب
الله يصلحهم ويهديييييييهم

 

[Dorur]

بنات العلوم طالبين حبوب وقلاص بلاستيك وتربة مادري شنو
بيزرعون
في احد منكم طرش شي؟
صراحة عبالة شدعوة وزعوا عليهم وخلهم يزرعون؟!

 

[HoOoriah]

اي درر طالبين انا قلت حق ريلي يشتري له وانشالله بطرشهم باجر


وصاجه اليوم قلت ماني ضاغطه عليه بالواجبات يعني الحين الحمدلله خلص واجب الماث وعطيته بريك قاعد يلعب مع اخته وانشالله على الخمس يحل واجب العربي وبعدين يحفظ كلمات الاملاء لاني طبعتهم ولزقتهم على الطوفه علشان بالروحه والرده يقراهم ويكتبهم على اللوحه.

أحس هالطريقه وايد اريح واونس حقه مايقعد ساعه كامله بس يحل واجبات

 

[عيون فرح]

رد : تجمع اولياء امور مدرسة الحياة hubs

السلام على الجميع...........صاجة جناوي أنا حسيت ان ولدي بدأ يتقبل فكرة الهوم ووركات اليومية أو قولي بدأ يتعود


درر أنا أشتري له الأغراض اللي طالبينها بس لما يكون عنده علوم .............اعتقد يوم الاربعاء


بنات عفية منو حضرت للدكتور ابراهيم الخليفي من البداية أنا للأسف دخلت متأخرة..........شنو قال؟؟؟؟

 

[اي اسم]

الووووو
وينكم امهات
شكلكم مشغولين مع الواجبات

 

[سكر-زياده]

رد : تجمع اولياء امور مدرسة الحياة hubs

توني اكتشف انه في واجبات غير اللي يكتبونها بالدفتر الاصفر
مثلا بدفتر الاسلاميه في واجب تلوين وبصراحه الالوان اللي طلبوها الخشبيه والشمعيه بس اللي شريتهم ووديتهم المدرسه وتوقعت التلوين بس بالمدرسه و تفاجات من الواجب ز عيل ليش احنا دازين مع عيالنا الوان