تجمع اولياء امور مدرسة الحياة hubs

[nooor q8]

شلونكم ياامهات ياحلوين انا درجات بنتي قرقيعان في ممتاز وفي وسط بس ودرجتها بالقراءة حبطتني :krkrkr: بغيت ابجي بس طلعت مو بروحي , انتو عيالكم باي صف؟ انا بنتي باولى واشوفها بالبيت ممتازه حتى لما ادرسها بس تروح المدرسه مادري شيصير فيها

 

[مدرسة مكروفة]

..

أختي مدرسة مكروفه .. الحمد لله درجات ولدي زينه :eh_s(6):

بس البدعه الثاني اللي بأولى ابتدائي ..

وكما توقعت .. أبلتهم لاعبه لعب بالدرجات

والله حارررتني :eh_s(14):..

بس مالنا الصبر .. ونطول بالنا والله المستعان ​

..

هلا حبيبتي شلونج وشلونج عيالج
الحمدالله على البركة على ولدج الي مع ولدي والله يبرد قلبج بالثاني تصدقين لما رحت ناقشت مدرسة ولدي على مستواه وايد ارتحت حسيت إن المدرسة فعلا وايد قوية تخيلي والله قراءة ولدي ممتازة الصراحة بالبيت عندي يقرا حلوة قراءته ودرجته بالقراءة وايد نازلة سألتها ليش جذي تخيلي تقولي احنا نييبلهم قطع خارجية وعلى أساسها نعطي الدرجة تقول نختبر جم كلمة يقرى بالدقيقة ماشاءالله عليهم صج المدرسة ممتازة عقبها قررت ماراح احتر على الشهادة المهم مستوى ولدي .
الله يوفق عيالنا يارب ويسهل عليهم

 

[مدرسة مكروفة]

شلونكم ياامهات ياحلوين انا درجات بنتي قرقيعان في ممتاز وفي وسط بس ودرجتها بالقراءة حبطتني :krkrkr: بغيت ابجي بس طلعت مو بروحي , انتو عيالكم باي صف؟ انا بنتي باولى واشوفها بالبيت ممتازه حتى لما ادرسها بس تروح المدرسه مادري شيصير فيها

حتى آن نفسج العام مت من الحرة لما شفت شهادته بس بعدين وايد تحسنت درجاته وهالسنة مستواه أحسن بس تمنيت أعلى ودرجته بالقراءة كلش موشي لاتحترين ترى الظاهر سياسة المدرسة يشدون على الطالب من أول شهر .
منو مدرس بنتج الله يحفظها .

 

[مدرسة مكروفة]

السلام عليكم شلونج إختي أم فهد بشري شقالو عن ولدج ؟؟

 

[جناوي82]

سلام امهات وان بعد ولدي اولي هم درجاته ممتاز وسط وضاق خلقي شوي معاي بالبيت ممتاز بس بعد الاجتماع حسيت انا صج المدرسه قويه ونظامها صح وارتحت حيل

 

[أم فهد الكريديس]

السلام عليكم شلونج إختي أم فهد بشري شقالو عن ولدج ؟؟

السلام عليكم ورحمة الله وبركاته ...
احس ان المنتدى كئيييب وكل حزنان على درجات عياله .... شفيكم تونا بأول الطريج ... وتفاءلوا خيرا تجدونه
وبعدين الدرجات نازلة بس بالقراءة مو بكل المواد لأن المدرسة قاعدة تعطيهم منهج قوي في القراءة وقاعدة تخليهم
ينطلقون باللغة ... فمن جذي الدرجات نازلة لكن كمستوى الطلاب بالعكس ممتازين حيل وماشاء الله انا احس ان كل عيالنا
اقوياء بكل المواد ومن جذي تلاقين تنافس بالدرجات ومافي ظلم ان شاء الله لهم بس المسألة ان طريقة القراءة تختلف
عن جريد ون ...بجريد تو التركيز اكثر والقراءة مختلفة والكم أكثر وهذي بداية واحنا لنانشوف شنو النتيجة
يعني بالنهاية ...ولا يضييق خلقكم وبالعكس عيالكم ممتازين والمدرسة بصراحة مو مقصرة في الجهود المبذولة
يعطون من كل قلبهم عسى الله يبارك بهذه الجهود وقاعدين يحاولون انهم يتجددون بالأفكار ... والله في الاجتماع
بالعكس احس ان ابتسامتي ماراحت منى طول مكانوا المدرسات يكلموني .. واحس ان ولدي بيد امينة ومخلصة ومعطاءة
يعني بكل صراحة يوم رحت قلت ان مستواه بالقراءة مو شي لكن يوم رحت لهم توقعت ان يقولون لي ان ولدج ضعيف بالقراءة
ان ولدج ما يقرى عدل .. يعني يركزون على الضعف اللي عنده ... لكن تبارك الله فوجئت انهم يمدحونه ويقولون انه شاطر
وانه يبذل جهد ويحاول ... بمعنى احلى ما يكسرون مجاديفج ...يسندونج يعطونج امل يشوفون الوجهه الثاني
للأطفال ... يزرعون فيهم المنافسة الحلوة .. ويزرعون فيهم العمل والمثابرة وانهم دائما يسعون الى الأحسن
انا ادري اني طولت بكلامي ... لكن ما ودي ياأولياء امور الحياة ان تكون عندكم نظرة تشاؤمية سواء بعيالكم
او بالمدرسة أو بالمدرسات ... لأنهم قاعدين يعلمون عيالنا الأفضل ...فمثل ما اهم يرتقون بعيالنا الى احسن
المستويات هم لازم احنا كوليات امور ان نحاول اكثر ونبذل جهد اكثر عشان ايدنا تكون دائما بايدهم مو ضدهم
عشان املنا في عيالنا واحد ...
وبارك الله فيكم وفي عطاءكم وفي جهودكم
وانتوا يا مدرسة الحياة كلمة واحدة تغني عن كل الكلام اللي ابي اقوله ....
:e3::eh_s(17)::eh_s(17):

 

[مدرسة مكروفة]

يعطيج العافية على هالكلام الحلو يا أم فهد وصح السانج

 

[أم فهد الكريديس]

يعطيج العافية على هالكلام الحلو يا أم فهد وصح السانج

هلا والله فيج اختي ... صح ابدنج ...والله يعافيج

 

[nooor q8]

حبيبتي مدرسة مكروفة انا بنتي عند مستر اديب, وايد قالولي انه صعب وشديد, تعرفينه ؟؟

 

[M.H.H]

سلام امهات وان بعد ولدي اولي هم درجاته ممتاز وسط وضاق خلقي شوي معاي بالبيت ممتاز بس بعد الاجتماع حسيت انا صج المدرسه قويه ونظامها صح وارتحت حيل

هلا أختي جناوي82

انتي وليدج عند أي أبله ؟؟​

..

 

[مدرسة مكروفة]

حبيبتي مدرسة مكروفة انا بنتي عند مستر اديب, وايد قالولي انه صعب , تعرفينه ؟؟

هلا حبيبتي والله اهو مدرس ولدي العام صراحة ما شفت فيه شدة زايدة آن أحس المدرسة بشكل عام شديدة بس هو على حسب علمي شديد بضبط الصف بس إنتي باستمرار سإليه عن بنتج لاتنطرين الشهادة الصراحة آن كان وايد متعاون معاي ولما أسئله بالعلوم مثلا كان يجاوبني ويشرحلي .
هذا كل الي اعرفه والله يوفق بنتج يارب

 

[شموووخ بدويه]

السلام عليكم

شلونكم خواتي,,الله يعافيكم ,,دشيت هالتجمع عشان اشوف مستوى المدرسه,,انا سامعه عنها بس مو كثير,, ياليت تفيدوني بالمنهج شلون عن قريد2و5لاني ناويه انقل عيالي ومحتاره,,وموعاجبتني مدارس ثنائيه اللغه يكون الانجليزي عندهم مو قوي,,انا بصراحه ابي عيالي يكونون شطار بالنجليزي سواء منهج اومحادثه,, والمعروف عن ثنائيه اللغه يخلون الطلبه يتكلمون بالعربي مع بعض عكس الاجنبيه ياليت تذكرون كل شي سلبي وايجابي ,,هل هي مختلطه,,الرسوم والاهم مكانهم ,,
اذا رحت وسألت هناك بالمدرسه اكيد راح يمدحون كل شي عشان جذي آنا باخذ برايكم اهم شي...

بليز ردوا علي :0bee2e8d89::0bee2e8d89:

 

[جناوي82]

هلا اختي m.h.h.عند ميس ليلي

 

[مدرسة مكروفة]

السلام عليكم

شلونكم خواتي,,الله يعافيكم ,,دشيت هالتجمع عشان اشوف مستوى المدرسه,,انا سامعه عنها بس مو كثير,, ياليت تفيدوني بالمنهج شلون عن قريد2و5لاني ناويه انقل عيالي ومحتاره,,وموعاجبتني مدارس ثنائيه اللغه يكون الانجليزي عندهم مو قوي,,انا بصراحه ابي عيالي يكونون شطار بالنجليزي سواء منهج اومحادثه,, والمعروف عن ثنائيه اللغه يخلون الطلبه يتكلمون بالعربي مع بعض عكس الاجنبيه ياليت تذكرون كل شي سلبي وايجابي ,,هل هي مختلطه,,الرسوم والاهم مكانهم ,,
اذا رحت وسألت هناك بالمدرسه اكيد راح يمدحون كل شي عشان جذي آنا باخذ برايكم اهم شي...

بليز ردوا علي :0bee2e8d89::0bee2e8d89:

هلا حبيبتي الصراحة المدرسة ممتازة ومنهجهم وايد قوي ويركزون على اللغتين العربية و الإنجليزية.

 

[مدرسة مكروفة]

السلام عليكم شلونج أم فهد بغيت أسإلج عن الاختبارات الي حطوها في الديري شلون درجات ولدج آن بالعلوم ممتاز بس الماث و الإنجلش كلش موشي
الماث هذا أي اختبار مال اليوم؟؟؟


ومشكورة

 

[أم فهد الكريديس]

السلام عليكم شلونج أم فهد بغيت أسإلج عن الاختبارات الي حطوها في الديري شلون درجات ولدج آن بالعلوم ممتاز بس الماث و الإنجلش كلش موشي
الماث هذا أي اختبار مال اليوم؟؟؟


ومشكورة

هلا فيج اختي مدرسة مكروفة .. لا الحمد الله زينه درجاته مو كاملة لكنها زينه ومرتفعة حتى العلوم ..
والماث لا مو مال اليوم ...

 

[اي اسم]

سلام امهات
شلونكم
شنو تفاصيل حفلة باجر لان ولدي غايب اليوم
لبس طلعة والا لبس مدرسة
هل ارسل مع ولدي فلوس عشان وجبة او العاب
انا المس طلبت مني امس انه ادز مع ولدي حرامات وللاسف ولدي غايب اليوم فما اعرف اخبار الحفلة
ارجو الافادة وجزاكم الله خير
وعيدكم مبارك مقدما

 

[أم فهد الكريديس]

سلام امهات
شلونكم
شنو تفاصيل حفلة باجر لان ولدي غايب اليوم
لبس طلعة والا لبس مدرسة
هل ارسل مع ولدي فلوس عشان وجبة او العاب
انا المس طلبت مني امس انه ادز مع ولدي حرامات وللاسف ولدي غايب اليوم فما اعرف اخبار الحفلة
ارجو الافادة وجزاكم الله خير
وعيدكم مبارك مقدما

هلا اختي اي اسم وعليكم السلام ... كل عام وانتوا بخير وعيدكم مبارك
لا يلبس لبس طلعة وملابس الاحرام ياخذها معاه المدرسة ... والوجبات ما انذكر بخصوصها اي شي
بس هدايا تذكارية لليهال ..يوزعونها على بعض كعيديةطبعا للي يبي

 

[اي اسم]

هلا اختي اي اسم وعليكم السلام ... كل عام وانتوا بخير وعيدكم مبارك
لا يلبس لبس طلعة وملابس الاحرام ياخذها معاه المدرسة ... والوجبات ما انذكر بخصوصها اي شي
بس هدايا تذكارية لليهال ..يوزعونها على بعض كعيديةطبعا للي يبي

مشكورة ام فهد ...حلوة فكرة العيدية بس للاسف قريتها متأخر ...العيدية للروضة والابتدائي والا بس الروضة؟
حاطين بموقع المدرسة صور رحلة الشعب وفهد موجود بالصور

 

[ReeMaN]

سلام عليكم صديقاتي شخباركم عساكم بخير ....

الله ياني ولهانه عليييكم وايد وايد وايد مع انى كل يوم ادش التجمع بس ماعندي شي اقوله غير انى اطالع اخباركم مع الحياه وماشالله صارت فيها وايد انشطه الظاهر طلعة ولدي من المدرسه خير عليكم ههههه تستاهلون كل خير

وكل عام وانتو بخير وعيدكم مبارك مقدما