تجمع اولياء امور المدرسة الامريكية الدولية ( ميدان حولي )

[eng-khadkhad]

السلام عليكم يا امهات اتمنى ان اولياء امور هالمدرسة ais يتيمعون هني لان بصراحه احس ماكو اي مواضيع عنها او تجمعات
ومع بداية الدوام اتمنى ان يكون في تجاوب

 

[eng-khadkhad]

بنات شلونكم انا نطرت وايد احد يرد علي بس خلاص يأست وقلت ببدي اقولكم شنو صار معاي في المدرسة من اول يوم
في البداية هذا موقع المدرسة www.aiskuwait.org
المدرسة كبيرة بس مدخل الروضه بروحه منفصل مو نفس مدخل المتوسط والثانوي
اول يوم رحنا لقينا كل اولياء الامور موجودين بالساحه يم عيالهم ويصورونهم وايد الجو كان حلو لان اليهال بس شافوا الالعاب الي موجودة بنص الساحه قاموا يلعبون ونسوا اهاليهم بعدين رحت الصف بستكشف بنتي حاطينها بأي صف والا كاتبين اساميهم يم الباب والمدرسة سألتني عن اسم بنتي وعطتني باج مكتوب بسمها وورتني المكان المخصص لجنطتها وجنطة الاكل
بعدها طقوا الجرس وخلوا الاهل يقعدون مع عيالهم بالكلاس واليهال مستانسين عطوهم الوان وتركيب ,واحنا كانوا معطيننا كامل الحرية ان نكون مع عيالنا , بعدها طلعت والحمدالله ماكان في يهال يبجون الا نااادر جداا الباجي كلهم مستانسين
دوامهم يخلص الساعه 2ونص ومايطلعون اليهال الا بعد هالوقت وكلهم طلعوا من المدرسة بكل نشاط توقعت انهم مللوا او تعبوا بس الحمدالله بالعكس كل اليهال يلعبون ومستانسين
وأي سؤال انا حاظرة وان شاءالله يكون فيه تفاعل

 

[المزن83]

رد : تجمع اولياء امور المدرسة الامريكية الدولية ( ميدان حولي )

مشكورة حبيبتي
بس بغيت أسأل جم رسومهم حق kg2 و g1 ?

 

[eng-khadkhad]

هلا اختي المزن سامحيني على الاطاله اهي اولى روضة 2190 اعتقد بس بتأكد لج لان سايت المدرسة فيه خلل وانا كنت يايبة الاوراق منهم بس مادري وينه راحوا
اهما طريقة دفعهم على دفعتين شهر 9 وشهر 1 وبس اتأكد لج من الاسعار بالتفصيل راح احطهم بهالموضوع وشكرا على المرور