تجمع امهات 2008 حياكم

[mrs_sugar]

مس شوقر شخبارج وشلون الدوام؟؟؟؟؟؟؟؟؟

امبيه في بنات وايد قاطعين بس اشوفهم مشاركين بمواضيع ثانيه

هلا و الله باستاذتنا

شخبارج و شخبار الزين كله ؟

انا الحمدلله تمام و الدوام ماشي حاله

بس هاليومين حايشتني انفلونزا و زايدة مع الغبار فمتعبتني شوي

و البنات اللي قاطعين و يشاركون بمواضيع ثانية براحتهم

ليش تضيقين خلقج

عادي

اللي مهتم بيشارك ويانا​

 

[mrs_sugar]

شقورة شخبار السنونات الحلوين بدت تعض ؟؟

اليوم ان شاء الله بروح بيت الفن ومتفائله اني ألقى شي مميز وحلو ان شاء الله

هلا ام جوجو

بنتي من زمان تعض و تفرك لثتها بأي شي جدامها

و اليوم ان شاء الله تلاقين شي حلو و راقي على زوقج

 

[mrs_sugar]

سويتا فور ايفي

يسلمو يا قلبي على المعلومات الحلوة و المهمة بنفس الوقت

كفيتي ووفيتي يالغالية




استبرق

شخبارج و شخبار استبرق الحلوة

 

[الاستاذة]

هلا شقوره ماتشوفين شر حبيبتي ديري بالج ياربي جونا مادري شفيه بس الحمدلله على كل حال
وعلى قولتج على راحتهم

بعد شخباركم بتسوين قرقيعان حق الكتاكيت انا اليوم انشالله بروح المباركيه ادور لانه شهر 8 بسوولي عملية دوالي اخاف ماقدر

 

[mrs_sugar]

هلا شقوره ماتشوفين شر حبيبتي ديري بالج ياربي جونا مادري شفيه بس الحمدلله على كل حال
وعلى قولتج على راحتهم

بعد شخباركم بتسوين قرقيعان حق الكتاكيت انا اليوم انشالله بروح المباركيه ادور لانه شهر 8 بسوولي عملية دوالي اخاف ماقدر

الشر ما ييج حبيبة قلبي

و القرقيعان ناوية اسوي حق اشؤوشة قرقيعان ما صار :ggdw:

بس ما عندي افكار لي الحين

لا ما تشوفين شر و سلامتج جدامج ان شاء الله

بس اتوقع بعد عملية الدوالي يطلبون مشي وايد صح؟​

 

[الاستاذة]

والله مادري بس ياريت انا احب امشي والشر ماييج حبيبتي نسيت اسال الدكتور تصدقين

 

[إستبرق]

الاستاذه انتي لازم تعودينها على القعده يعني تقعدين وتحطينها بحظنج تخلينها تقعد وبعد الدكتوره مالت العلاج الطبيعي علمتني على حركه وصج حلوه تقول اذا سويتيها للياهل يصير يقعد بسرعه وصج الحمدالله استبرق بس بديت اسوي لها صارت تقعد بسرعه وماتحب تنسدح وهي ان تنومين الياهل على ظهره وبعدين تمسكين بدينج صوب جتوفه وترفعينه شوي شوي وتخلينه هو يرفع نفسه وتقعدينه وتردين تسوينها 10 مرات مرتين باليوم انتي راح تشوفين ان بنتج هي تصير تقوم تبي تقعد وقالت حطي جدامهم لعبه او اي شي وشوفي شلون يقعدون سيده



ام وجيه انشاءالله تلقين الي تبيه وواي يعورون القلب اذا عرفوا انج بتروحين وخاصه انا صرت اغلب الطلعات اخذها معاي هذيج المره طلعت بروح صفاه الغانم وايكيا وما ابي اخذها لان بفتر على راحتي بس لبست وبطلع قعدت تبجي واي عورت قلبي





شوقر هلا والله حبيبتي انا واستبرق بعافيه الحمدالله انتي شخبارج وشخبار البنوته الحلوه



الاستاذه ماتشوفين شر ليش تسوين عمليه دوالي فيج وايد ولا شنو عاد انا زوجي طالعه فيه دوالي بس ماراح الطبيب والقرقيعان انا انشاءالله بخلي الي سوت لاختي توزيعات ولادتها تسوي لاستبرق لان ماشاءالله شغلها حلو وكملتها وقالت لي خلاص راح اخلي لج وقت انشاءالله اسوي عندها

 

[الاستاذة]

هلا بنات ؟؟

امبيه موضعنا صار بالصفحه الثانيه محد قام يسارك الا انا واستبرق وام وجيه وشوقر

استبرق مشكوره عالتمرين ببدي فيه من اليوم واقولج انا فيني من زمان دوالي واهمال ذاك اليوم رايحه استعباط ولا اكتشف لازم عمليه

 

[أم وجيه]

صباحووووووووووووووووووووووووووووووووووووووو

شلونكم أمهات وبنات وبيبيات وكل شي

شقورة سلامات ما تشوفين شر الجو ما يساعد على أي شي غير المرض

أمس خفت أروح المشغل تستمرض فطوم من الجو واليوم الجو أنيل الحمد لله على كل حال

 

[الاستاذة]

هلا ام وجيه شلونج؟
اي والله الجو عجيب

 

[أم وجيه]

هلا ام وجيه شلونج؟
اي والله الجو عجيب

هلا الاستاذه انا تمام الحمد لله

انتي شخبارك مع الجو وأخبار زيونه وكلتيها ؟؟

 

[أم وجيه]

أمس وكلت فطوم سيريلاك كانت بتاكلني واره كخكخكخكخ وايد حبته مثل أمها ( للحين تاكل سيريلاك )

 

[الاستاذة]

iهي هي هي ام وجيه اي يحبون السيريلاك اليهال

اقولج لا ماوكلتها ليلحين اليوم بجرب اعطيها عصير برتقال اشلون تسوينه حق فطوم؟؟؟

وبالويك اند بروح الجمعيه اجيل لها بلعه:>والدكتور قالي عطيها من اكلكم عادي بس طحنيه لها

 

[flower q8]

السلام عليكم يا امهات . ما ادري تذكروني ولا لأ انا ما اشارك دايم لكن احاول اتابعكم دايما على كثر ما اقدر . واقدر احط مشاركاتي بغير صفحة لكن ما ادري من كثر ما اتابعكم حاسة اني عرفتكم و اثق فيكم اكثر من اي احد ثاني ومتأكدة انكم راح تنفعوني . المهم مالكم بالطويلة . ابي اسألكم منو فيكم ركبت لولب بعد ولادتها وشسوى فيها اللولب يعني شنو مضاعفاته . انا حطيت لولب بعد الاربعين بشهر تقريبا . وما نزلت على الدورة لا قبله ولا بعده . هذا الشي غريب بالنسبة لي . انا هذي ثالث ولادة لي وبالولادتين اللي طافو كانت الدورة تنتظم معاي من الاربعين مع اني ارضع طبيعي ميه بالميه وما اداوم. لمن هالمرة غير لا نزلت بعد الاربعين وللحينها ما نزلت . وبعد تركيب اللولب صار ينزل معاي نقط خفيفة كل شهر تقريبا ما تعتبر دورة انا عن نفسي اعتبرها بداية دورة بس لمدة يومين ثلاث وتوقف . ما ادري شالسالفة اخاف اللولب صار يمنع الدورة لا تنزل انا اول مرة اركبه وبعدين حاسة بطني صايرة كبيرة والله اني خايفة . بعدين سامعين عن طريقة لمنع الحمل عن طريق (الابرة) انا اول مرة اسمع فيها رفيجتي سوتها توها والدة وقالولها ما نركب لك لولب هذي الطريقة زينة .ابي اعرف شلون طريقة عملها و شلون تمنع الحمل . ادري طولت عليكم ودوختكم بس استحملوني ترى والله انا اعزكم من مجرد المتابعة والله يعلم

 

[الاستاذة]

هلا والله اختي انا وايد خرعوني من اللوب انا اتبع طريقة العد والله يسهل

الابره نصيحه لا تاخذينها رفيجتي خذتها واعتفست اكثر صار فيها نزيف وماتيها بالموعد بس غريبه انا قالولي احسن طريقه منع الحمل اللوب اول شي تعتفسين بعدين كل شي طبيعي انشالله

 

[إستبرق]

الاستاذه ماتشوفين شر وانشاءالله العمليه سهالات


ام وجيه الله يحفظ بنتج انشاءالله وتدرين ذكرتيني بالسليلاك ابيه ناسيته زين بعرف السيليلاك وجبه يعني مثل الخضار ولا يهتبر حلو خخخخخخخخخخ حدي غشيمه




هلا والله حبيبتي فلور انا والله ما حطيت لولب وااااااااااااااي اخاف اخاف فماحطين ولا اعرف عنه شي اخاف

 

[mrs_sugar]

السلام عليكم

شخباركم

الاستاذة
ام جوجو
استبرق
فلور

شلونكم و شلون اليهال

انا من الغبار متحطمة
امبيه ميتة من التعب
عيوني تدمع جني ابجي
بالدوام كل من يشوفني رفيجاتي و المراجعين
كلهم يسألوني
ليش تبجين عسى ما شر
المشكلة انها حساسية و انفلونزا مع بعض تيمعوا على
لشكوى لله

الويه طماطة و الخشم احمر و العيون ما توقف

خذيت حبة الحساسية و ما قدرت اقوم من الفراش
توني اقوم من بعد الدوام

بس احس شوي احسن الحمدلله

احاتي عواشة اخاف اعاديها انفلونزا
الله يستر

فلور بالنسبة لالولب انا مركبه الهوموني
و الأمور لي الحين تمام
بس الدورة تنزل نقط بس مو نفس اول
و هذي ميزته
و الحمدلله لي الحين مو مسبب لي مشاكل

 

[إستبرق]

ويييييييييييي شوقر ماتشوفين شر حبيبتي
عاد اليوم العصاري طلعت ماحسيت بالغبار
يعني الجو مغبر ؟ خخخخخخخخخ ما ادري شالطبخه
وانشاءالله عواشه مافيها الى العافيه

 

[الاستاذة]

صباح الخير بنات

ماتشوفين شر شوقر اليوم الحمدلله خف الغبار جونا كل يوم شي

 

[أم وجيه]

السلام عليكم

صباحووو بنات شخباركم وأخبار عيالكم

اليوم الجور شوي أشوه الحمد لله

شقورة ما تشوفين شر وديري بالج لا تعدين عواشه خليها بعيده عن ويهج والله يعينج أجر وعافيه

استبرق لا السيريلاك وجبه كامله مو حلو يا حليلج يحلووون بعد

الأستاذه صباح النشاط