تجمع امهات 2008 حياكم

[mrs_sugar]

السلام عليكم

وحدوووووووووووووووووووووووووووووووووووووووووووووووووووووه

لا اله الا الله

بنات شخباركم

و شخبار بزوركم

بوصل لكم امانة














ترى القاردينيا تسلم عليكم سلام كثير

نفر نفر

و النت عندها مقطوع حاليا

الله يرده بالسلامة

:dddds:

المهم

انا الحمدلله زينة و عواشة كذلك

بس شوشو مصخنة صار لها 3 ايام

و اليوم جنها اشوة شوي الحمدلله

انتو شنو اخباركم؟

 

[أم وجيه]

لا اله إلا الله

سلامتها شوشو وان شاء الله ما تشوف شر شفيها ليش مصخنه شقورة

باقي البنات شخباركم شمسوين

شقورة فطوم صارلها تقريبا 3 أسابيع ماكو فايده صدرها تعبان وكل ما رجت طبيب كتب لها كمام عطيتها مرتين وعقبها هونت أخاف من الكمام وآثاره الجانية الوايد وما يندرى عنها شرايج شسوي والدوا ماكو فايده منه

البنات شخباركم وشخبار البيبيات

 

[mrs_sugar]

لا اله إلا الله

سلامتها شوشو وان شاء الله ما تشوف شر شفيها ليش مصخنه شقورة

باقي البنات شخباركم شمسوين

شقورة فطوم صارلها تقريبا 3 أسابيع ماكو فايده صدرها تعبان وكل ما رجت طبيب كتب لها كمام عطيتها مرتين وعقبها هونت أخاف من الكمام وآثاره الجانية الوايد وما يندرى عنها شرايج شسوي والدوا ماكو فايده منه

البنات شخباركم وشخبار البيبيات

هلا ام جوجو

شوشو بلاعيمها ملتهبة كانت

و الحمدلله اليوم فجت عنها الصخونة شوي




وييييييييييي اشفيها فطوم

ما تشوف شر

شوفي الكمام ما منه مضرة

عطيها خل تتنفس عدل البنت

كل الدكاترة يقولون انه ما منه خوف

انا اقول سمعي كلامهم احسن و عطيها الكمام عدل حسب وصفة الطبيب خل تتشافى بإذن الله

و ما تشوف شر​

 

[بنت بنوت]

لا اله الا الله

صباح الورد

ام جوجو سلامتها فطومه

وسلامة شوشو ياشقوره ما يشوفون شر انشالله

 

[بنت بنوت]

بنات بسالكم تعطون بيبياتكم حلبه مع الحليب ؟؟

واذا تعطونهم شلون تسوونه ؟؟

يعني انا احط تقريبا 7 حبات حلبه مو مطحونه بالمطارة مالت الماي اللي احطه بالمميه حق الحليب ؟؟

صح جذيه ؟

 

[mrs_sugar]

انا ما اعطيها حليب صناعي لي الحين

و لله الحمد

شوفي باجي البنات ان شاء الله يفيدونج

انزين ممكن سؤال؟

ليش تحطين حلبة بالحليب ؟

 

[بنت بنوت]

اول مره احطه امس بس يقولون الحلبه وايد زينه للبيبي بس ويه مو وايد

وانا صج ارضع طبيعي بس ما قاعده اخذ حلبه .. عشان جذيه

 

[mrs_sugar]

زينة من اي ناحية

مو فاهمة

في ناس يحطونها للياهل اللي صدره فيه بلغم

يقولون تنظف الصدر من البلغم

والله العالم

بس اشوف ناس وايد يستعملونها علشان جذي

 

[كويتيه وافتخر]

السلام اشلونكم شاخباركم


انا عيالي مرضى ترجيع وتكرمون اسهال تعذبت واياهم عسى الله يعافيهم ويعافي عييلكم


والله يسلمج شوقر انتي والجاردينا وعقبال ماتوصل الديره يارب

 

[كويتيه وافتخر]

في ناس تحط الحلبه يقولون زينه للعظام والصدر وتزيد الوزن شويه اتوقع جذي انا ما احطها بس باجرب احط

للحين ماوكلت عيالي عمرهم اربع شهور وعشر ايام بس نتف شكلهم شهرين ياقلبي عليهم بانطر شهرين بعد

 

[mrs_sugar]

صباح الخير

شخباركم

انا اليوم قمت متأخر

و ما لي خلق الدوام بصراحة كلش :tomato2:

ما يشوفون شر عيالج كويتية و افتخر

و الف سلامة عليهم

في ناس تحط الحلبه يقولون زينه للعظام والصدر وتزيد الوزن شويه اتوقع جذي انا ما احطها بس باجرب احط

للحين ماوكلت عيالي عمرهم اربع شهور وعشر ايام بس نتف شكلهم شهرين ياقلبي عليهم بانطر شهرين بعد

الحلبة تزيد الوزن بس ماي من توقفينها يضعفون

جربي ذوقيهم الأكل مو وجبات

بس قفشة وحدة ولا ثنتين

علشان ما يستنكرون لما يكبرون

انا الحين جذي اسوي مع عواشة

قبل رضعة الظهر اعطيها قفشتين عيش مصري مع حليب

و عقب ارضعها

و المغرب

اعطيها رقم واحد عصير برتقال فريش مع رقم واحد ماي

بس هذا يكون بين الرضعات مو بدال رضعة










نبارك للنواب اللي فازوا

و ان شاء الله يكونون قد المسؤولية

و الله يعينهم​

 

[الاستاذة]

صباح الخير بنات شلونكم من زمان عنكم توقعت فايتني وايد طلع شويه كلش دوانيتنا طاخه

طعمت زيونه الثلاثا الحمدلله ماسخنت الا شويه وعقبها استعسرت

عظم الله اجركم ابابا سعد حبيب الكويت الله يسكنه فسيح جناته

القاردينا يالله هانت مابقه شي انشالله

ومبروك للاعضاء الي فازوا يستاهلون والله ثقة الكويت انشالله

 

[أم وجيه]

صباحووووووووووووو

شقورة عادي الظاهر الكل مو مداوم طلعت الدوام العادة أوصل بساعه إلا ربع اليوم مافي سيايير وصلت قبل الدوام بنص ساعه

الأستاذه أجرنا وأجرج

شقورة للحين ما تعطينها وجبه ؟؟؟ آنا فطوم خلاص كل يوم تاخذ الظهر وجبه خضار مع عيش مره كوسا مره جزر ومره بطاط ومرات بس خضار بدون عيش يعني تاخذ وجبه رسمي

 

[الاستاذة]

وينكم طاخيين

 

[mrs_sugar]

صباحووووووووووووو

شقورة عادي الظاهر الكل مو مداوم طلعت الدوام العادة أوصل بساعه إلا ربع اليوم مافي سيايير وصلت قبل الدوام بنص ساعه

الأستاذه أجرنا وأجرج

شقورة للحين ما تعطينها وجبه ؟؟؟ آنا فطوم خلاص كل يوم تاخذ الظهر وجبه خضار مع عيش مره كوسا مره جزر ومره بطاط ومرات بس خضار بدون عيش يعني تاخذ وجبه رسمي

هلا ام جوجو

اييي اليوم كلش ماكو زحمة الشوارع الصبح وناسة

عواشة لي الحين مو متقبلة الأكل

كل ما احطه بحلجها تتفل و تبجي

مع اني وايد تغيرلها انواع بس ما كو فايدة

فكل جم يوم اتم على نوع واحد اكل لما تتعود عليه

و عقب اعطيها نوع ثاني

بس جم قفشة مو وجبة كاملة

كل يوم ازيد نتفة بس لما تكمل الوجبة ان شاء الله

​

 

[حمرة الورد]

السلام عليكم مبروك للفايزين وان شاء الله تكونون عند حسن الظن
ياحلو عواشه الله يعينج على الاكل يبيله صبر
والي تسال عن الحلبه ما انصحج فيها بس الريحه على الفاضي والياهل يفش بسرعه

 

[احلى كويتيه]

شخبااااااااااااااااااااااااركم يابنات


من زمان عنكم مشتاقتلكم

ماودي يضيق خلقكم بس شسوي للظروف احكام


اليوم ان شاء الله بيتحدد متى السفره ادعولي تكون بعد تاريخ 23-5 لاسباب شخصيه ريلي يبي اليوم قبل

باجر اسبابه

لازم اضبط وضعكم واقعد معاكم كم يوم لان موعد سفرته للدراسه 1-6 يعني كلش الوقت حده حده وضايق

خلقي وايد وايد راح افتقد اشياء وايد وايد وايد

وراح اصير في قسم المغتربات

الي مريحني شي واحد

عيالي معاي اختي واخوي معاي الحمد الله

ماقلت لامي وابوي ليما الحين باخذ عيالي امي رافضه نهائيا تقول بتدرسين وتخلين عيالج بالشقه بديرة غرب


ياربي شسوي خانقتني العبره وما ادري شسوي

ماودي اكلم احد اخاف ابجي ماتعودت اكون بروحي​

 

[كويتيه وافتخر]

السلام عليكم


الله يسلمج شوقر باعطيهم عصير مخفف وانطر شهر بس واسوي طريقتج بالاكل


احلى كويتيه بعد عمري لاتحاتين الله بيسرها بس ادعي دايم

 

[flower q8]

مرحبا . ممكن سؤال بالنسبة لوجبات الاطفال . العيش اللي تسوونه يكون مسلوق مع حليب ولا بعد ما ينفاح بالماي تضيفون عليه حليب . والحليب شنو نوعه من حليب الاطفال اللي يستخدمه الطفل ولا شنو ومشكورين وعساكم على القوة يا امهات

 

[كويتيه وافتخر]

بعد ماينفاح بالماي اختي حطيه بالخلاط مع حليب الطفل وذوقيه منه وبالعافيه على قلبه