تجمع امهات 2008 حياكم

[mrs_sugar]

ما تشوف شر

نطري عليها شوي

عطيها فرصة

لا تستعجلين

 

[mrs_sugar]

صبح صبح

صباحكم ورد و فل و ياسمين

شخباركم و شخبار عيالكم

وينكم من امس طاخين ماكو احد

شخبار عيالكم مع الاكل

منو وكلت بيبيها و منو بعد

يا ريت تقولولنا تجاربكم و شنو حبوا عيالكم و شنو ما حبوا

انا بديت بالعيش المصري

ما تاكله الا اذا خلطته بحليب

البطاط ما تدانيه تفقع من البجي لي عطيناها

الجزر حبته بي ثقيل عليها احس

الكوسا انا ما اتحمل ريحتها شلون البنت ؟

ما رضت تاكلها

و اول روحة لي الجمعية باخذ لها قرع و بطاطا حلوة و افوكادو

و بس​

 

[كويتيه وافتخر]

هلا والله شوقر


انا اليوم بلشت اكل عيش وحليب وبسم الله عليهم كل واحد له رده فعل فيه اللي اقبله وفيه اللي لا
وانا مبلشه من الاسبوع اللي طاف اعطيهم برتقال كل يوم وعاجبهم


بانطر اسبوع واعطيهم بطاط

 

[كويتيه وافتخر]

ايه صح انتي نصحتيني قبل بالافوكادوو حق بنتي مدري اخذ اسود او اخضر ؟؟

 

[mrs_sugar]

كويتية و افتخر

عليهم بالعافية

انا البطاط مو متقبلته بنتي كلش

و الأفوكادو

الأسود احسن لانه يكون طري اكثر

 

[كويتيه وافتخر]

ان شاء الله اروح اجيب لها

اليوم رحت سنتر بوينت وخذيت لهم كراسي وخذيت دراجه

 

[بنت بنوت]

صباح الورد شخباركم بنات

انا صار لي جم يوم اعطي بنوتي عيش مصري اطحنه مع الحليب مع نتيفة جزر مره طبعا باليوم عجبها الحمدلله

وامي شرتلي بسكوت ميلوبا اللي بدون جلوتين ويصلح حق اربع شهور بس للحين ماحطيت لها بنطر شوي

 

[mrs_sugar]

صباح الخير عالحلوين

اشوة اليوم انا اول وحدة تصبح عالموضوع

قيل الدوام

لي دشيت الدوام بعد ما ارفع راسي الا عالسيارة عدل

قلت ماكو الا قبل لا اطلع من البيت ادخل اصبح عليكم

البارحة عطيت بينتي رضعة صناعي تجربة قبل رضعة النوم

تقبلتها الحمدلله

و عطيتها الغدا عيش و بطاط و كوسا

الله لا يراويكم البجي و الزعل اللي صار

لما عصب علي ابوها :eh_s(14):

يبا مو غصب لوعتي جبد البنية

عطيها شي تحبه !!

عاد قلت خلاص ما ردي عالجزر

هذا اللي تقبلته

علما اييبلها قرع و افوكادو اجربهم لها

 

[الاستاذة]

صباح الخير بنات شلونكم

يه يه مس شوقر اشهالنشاط انا زين ماخذيت مخدتي معاي السياره تسحبت لي السياره مادري شلون وصلت الدوامزيونه امس كل ساعه قاعدهمادري شفيها حبيبتي

لورانس ماتشوف شر انا بنتي صايره عصله بعد لاني ماوكلتها ليلحين شي ريلي ذابحني يقولي داوم الدكتور قالي 6 اشهر يعني 6 اشهر

 

[بنت بنوت]

هلا الاستاذه شخبارج

انا بعد ريلي يقولي احسن بعد 6 اشهر نفس ماقالت الدكتوه .. بس انا للحين مو اكل اكل لأ .. يعني العيش شويه مع الجزر اطحنه مع الحليب .. والبسكوت مادري للحين بنطر عليها ..

 

[الاستاذة]

هلا بنت بنوت الي بالسكوت لاتجازفين نطري ست اشهر
انا المشكله حتى هالشويه الي تقولين عنهم مو راضي حدها ضعفانه بنتي وكله تسعبل اححس تبي تاكل

 

[بنت بنوت]

اي استاذه انا اللي شجعني اعطيها ان كل ما نحط اكلنا بناكل تسعبل واتبطل حلجها عشان جذي ذوقتها بصبعي البطاط واستانست .. وترى العيش مع الحليب ما اعطيها بقفشه وصحن لااا تشربه بالمميه لان مطحون حيييل على ما تتعود عدل عليه .. وانشالله لين يصير عمرها شهرين الا اهي متعلمه

انتي بنتج عالاقل ذوقيها بصبعج

 

[كويتيه وافتخر]

صباح الخير اشلونكم >>توني قاعده يحلوها الاجازه


ذكرتوني ماسويت غدا للعيال خل اروح اسويلهم شويه عيش مع الحليب


وبعدين اشفيهم البنات حتى انا بنتي عصله يبون يسووون نظام غذائي للحفاظ على رشاقتهم من اولتها هذيلي

خاطري بنتي تصير بطوطه شويه

 

[أم وجيه]

مسسساء الخيرات

شلونكم بنات

البيبيات العصلين المهم يكونون بصحة زينة وما عليهم خوف ان شاء الله
مع انهم حلاتهم مكلبزييين

الأستاذه لازم تذوقينها شذي راح تأخرين الأكل وايد لأنها يبيلها شهر تذوق قبل الأكل علشان تبدى تتقبل

فطومتي خلاص الحين تاخذ وجبه رسمي كل يوم

بس ما جربت لها الأفوكادو أحسه دسم شرايج شقورة وشلون أجربه ؟؟ شنو طريقته ؟؟

آنا للحين على الخضار شوي شوي أنوع لها

 

[MaYoOoma]

مادري ليش اغط غطه عن الموضوع جذي

انا اعطي حق ولدي المغذي الصغار اللي من الجمعيه وشريت له سيريلاك بس ماذاقه اكلته عنه

 

[كويتيه وافتخر]

هلا ام وجيه


صاجه اهم شيء الصحه

وبالنسبه للافوكادو بس تهرسينه وتعطينها وبالعافيه

 

[كويتيه وافتخر]

ميومه ليش تعطينه المغذي ؟ انا كنت اعطيهم قبل اسبوع لانه عجبني فيه بطعم البرتقال والعنب خذيت لهم بس وقفت خفت

مدري اذا عادي بتم اعطيهم

 

[mrs_sugar]

هلا و غلا بالحلوين

شخباركم

الافوكادو اول مرة قريت عنه بكتاب تغذية اطفال

تفاجأت بصراحة انه يصير ياكله الياهل

قلت بجرب في شوشو يوم كانت بهالعمر

و تقبلته زين و قمت اخلطه مع اكلها سواء الخضار او الفواكه

و ما شاء الله صارت بطوطة تهبل

الحين دور عواشة

و الطريقة ما يبيلها شي

اخذي الافوكادو الاسود و فتحيها من النص و اخذي الكمية اللي تبينها

و يا اما بالشوكة هرسيها او بالخلاط

مع الحليب او العيش او البطاط او الفواكه

عاد كيفكم

و بالعافية

 

[الاستاذة]

لووووووووول ميمومه ضحكتيني لا تعطينه سيريلاك الحين احسن نطري شوي اكليه انتي

 

[بنت بنوت]

بنااااات بنتي من امس تسعبل وتطلع لسانها يعني جنها تحك لسانها بلثتها امبيييه اخاف في حلجها شعره ولا شي ؟؟ ولا معقوله تبي تسنن


السلام عليكم شحباااركم ؟ لوووووووول