تجمع امهات مواليد مايو 2010

[طيبة83]

واي بنات احر ما عندي ابرد ما عندكم

احنا عندنا محد يسوي قرقاعون<<<<< فكه

الموهم

لا تقطعون الرضاعة خلوا في النهار طبيعي وباليل صناعي عل اقل لما البيبي يصر ٦ شهور

واذا مرات تحسون مافي حليب عادي خلوا البيبي يرضع شوي بتشوفون بعد كم دقيقة بدا يصير حليب

حبيبي عبووودي>>>>>>>>>>>> السهر حدث ولا حرج

آخر مرة نمت ازيد من ٣ ساعات كان في ابريل

 

[bubble.gum]

انا ما قمت ارضع لاني سافرت بس الحين لمن اضغط في حليب بس شوي مادري اذا رديت الرضاعه راح يزيد الحليب ولا لا ؟!

 

[طيبة83]

في شاي اسمه yogi nursing mother tea

وفي واحد اسمه lactoflow لاكتو فلو

وايد يفيدون

 

[c a t w o m a n]

انا ما قمت ارضع لاني سافرت بس الحين لمن اضغط في حليب بس شوي مادري اذا رديت الرضاعه راح يزيد الحليب ولا لا ؟!

يرد انشااله بس يبيله طوالة بال لازم تخلين صدرج يدر بأي شكل من الأشكال يا بنتج تمزمز فيه أو تشفطينه شفطيه باليوم حوالي 8 أيام تلاقين إدرار الحليب يزيد شوي شوي

 

[للحين ناطره]

انا تكيسلت ارضع ولدي
خصوصا ان اهو الحين منشول
ومافي شده يمصمص
انا بروحه صدري مافي حليب
وعندي الشفاط اللي على كهربا
اقعد نص ساعه اشفط
اعبي بس رقم واحد

 

[c a t w o m a n]

لي ألحين ناطرة حاولي بصدرج إكلي أكل يدرة و شفطي مع الوقت يرد يدر

وإن ما صار كلله خير من الله

بس حاولي فيه حرام لا توقفين

 

[للحين ناطره]

انا طبيعتي جذي لان ولدي الاول مادر
وانا من ولدت وهذه حالتي
صج انا اكلي مو ذاك الزود خصوصا الحلو ماحبه
الكل ايقولي اكلي رهش
وانا ماقدر انغث
ومابي امتن زياده بعد

 

[bubble.gum]

بنات عيالكم اسم الله عليهم قاموا يناغون ولا ليلحين ضحكه بس سكاتي

 

[ryoooma]

انا بصراحه من زمان ماارضع لان كان شويه اقعد اشفط واخر شي بس 10 مل مايسوى علي
المهم شلونكم بنات وكل عام وانتو بالف خير ورمضان مبارك عليكم
انا جهزت تقريبا كل شغلى بس باقى لبس القرقيعان حق ولدي مادري افتريت علا المعارض مالقيت شي حلو يقولون معرض رجنسي حلو بس اليوم اخر يوم
وودي بعد اصبغ شعري لازم تغيير

 

[ryoooma]

ببل قم انا ولدى يناغى وساعات احسه يحلم وييبتسم حبيبي والله

 

[طيبة83]

للحين ناطرة معليه شر وليدج بس تاكدي تنظفين خشمه بالشفاط ولا تالي الوصخ يتجمع ويسبب التهاب بالاذن

ببل قم البيبي في هل سن لازم يناغي ويبتسم وبعضهم مو الكل من سن ٣ شهور يقدزون يضحكون فديتهم


بنات انا بنتي قامت شوي ترقد بس لازم بحظني اذا اخطها بسريرها تقوم

 

[bubble.gum]

اسم الله عليهم ربي يخليهم لكم ....
أنا بنتي اسم الله عليها الرحمن تناغي وتصرخ ههههههه تخرعني

ريومه يا بختج خلصتي القرقيعان الا أنا الوحيده ما سويت ولااا شي مادري شناطره ...

طيبه .. أنا بنتي كانت جذي أنومها بحضني لمن احطها بفراشها تقوم بس الحين لا اسم الله عليها ما تحب الشيل بس لمن أعطيها حليبتها بحضني بس لي خلصت حليبتها خلاص تبجي يعني حطيني بفراشي وتنام بروحها همن لمن العب معاها تحب واهيه منسدحه اذا شفتها تبجي
وصايره هالايام تندمج بالتلفزيون ههههههههه*

 

[ryoooma]

طيبه 83 يعنى لازم الشفاط كل يوم !!!!
انا ماشفط الا اذا حسيته مضايق

 

[للحين ناطره]

لالالالا الشفاط للخشم موزين
اكثر من دكتور محذرني من الشفاط
ولما سالته اشلون انظف خشمه
قالي استعملي بخاخ او قطره ماي البحر
واهو بيعاطس واذا في شي للحين امسكر حاولي بقطنه اذن بايجون
لانها حيل ضعيفه

 

[c a t w o m a n]

قوة أمهات مايو

كل عام وانتوا بخير يارب

سؤال .. عودتوا عيالكم ع المصاصة ولا ما عودتوهم أنا للأسف عودت بنتي عالمصاصة ليش كانت عسرة اسمالله عليها و أتمنى أفطمها منها الحين

 

[غــلآ]

كل عام وانتوا بالف خير

انا ولد ترك صدري فتره مايبيه

والحين رجع يبيه اششتاق له

المشكله الحليب شوووووووووووووووووووووووووويه يادوب كم قطره
تهقون اذا خليته يمص يرجع يدر؟

 

[c a t w o m a n]

اي يرجع بإذن الله خليه يمص وشفطي وساعدي نفسج بالأكل

 

[للحين ناطره]

شلونكم امهات
ريوما حبيبتي حاولي اتغيرين العنوان ل2011
لان في امهات عبالهم مو تجمعنا

 

[طيبة83]

بنات ادعو لي

بنتي ماااااااااااااااااااااااااااااااااااااااااااااااااااااااااااااا تنام

،هل شي سبب لي مشاكل مع زوجي لاني صرت دايم معصبه ،متنرفزة وهو يقولي انتي هاملتني وهامله نفسج

المشكله ان بسبب الاحداث الي صارت عندنا ما قدرنا نطلب خدامه وبنتي الله يحفظها ما تبيني الا انا اذا احد يشيلها تصيييييح فطوول يومي معها

واذا اكلم امي او خواتي ينرفزوني زوود يقولون قلنالج ذي قلنالج ذااك >>>>> يعني هاذي وقته

والله بنات اشيلها وادضعها وانا ابجي احس كرهت نفسي :eh_s(16):

 

[للحين ناطره]

بنات ادعو لي

بنتي ماااااااااااااااااااااااااااااااااااااااااااااااااااااااااااااا تنام

،هل شي سبب لي مشاكل مع زوجي لاني صرت دايم معصبه ،متنرفزة وهو يقولي انتي هاملتني وهامله نفسج

المشكله ان بسبب الاحداث الي صارت عندنا ما قدرنا نطلب خدامه وبنتي الله يحفظها ما تبيني الا انا اذا احد يشيلها تصيييييح فطوول يومي معها

واذا اكلم امي او خواتي ينرفزوني زوود يقولون قلنالج ذي قلنالج ذااك >>>>> يعني هاذي وقته

والله بنات اشيلها وادضعها وانا ابجي احس كرهت نفسي :eh_s(16):

الله ايعينج ان شالله
بس شوفي بنتج ليش ماتنام
مو معقوله ماتنام كلش؟؟
اذا ماتنام كلش اكيد فيها شي او شي مضايقها او يعورها؟؟
اان شالله مافيها الا العافيه
اذا كانت اتنام طول النهار وسهاري بليل
هذا يبيله تنظيم
بالنهار لا تخلين نو متها طويله
بليل بدليلها ورضعيها رضعه زينه عطيها دوا gaz وعطيها اجواء النوم
الليت طافي الهدوء
واليهال بهالعمر ينامون نومه طويله مابين الساعه 7 و8 بليل الى 10 و 11
انتي حاولي اتريحين وتنامين معاها
وان شالله تكون فتره وتعدي
واذا كلش اهلج مو متعاونين معاج لان الناس لها مشاغلها ولازم تعذرينهم
واذا وضعج ايساعد
طلبي سيستر ليلتين تسهر مع بنتج وانتي ليله خليها لريلج وليله ارتاحي فيها