تجمع امهات مواليد شهر 7 و 8 لسنة 2010

[AVE.NJ]

الله يسهل عليج عيون ساره وتولدين بالسلامه

 

[عيون سارة]

كلعام وديرتنا الحبيبة باااااللللللللللللللف خير
كل عام وانتو بخير بنات وعسى الله يحفظ ديرتنا من كل مكروه يارب

عيون سارة
صاجة هالتطعيم قوي عسى الله يعن اليهال اللي ماتطعموا
وعسى ربي يسهل عليج ولادتج وتقومين انتي والبيبي بالسلامة بس ماقلتي فيج كتكووت ولا كتكووتة؟؟

كتكوت ان شاء الله

وربي يساعدني علي التربيه احسن تعب انا بين سارة وخالد 3 سنين وشهر وتعبت الحين ما ادري شبسوي
الله يسهل يارب
خصوصا عندي نيه اكمل ماستر على السنه اليديده فربي يعيني يارب


ايفا : حبيبتي والله وعقبالج تخاوين ولدج انتي ايمانو دوركم يله

 

[كتكوته22]

قوه بنات شلونكم وشلون كتاكيتكم. هلا والله بعيون ساره شلونج وشلون عيالج الله يسهل عليج يارب وتولدين بالسلامه. عاشقه لندن وانتي بالف خير حبيبتي بنات فاقدين بربيره من زمان ما قامت تشارك

 

[sara_77]

شلونكم امهات انا بنتى لما الحين ماطعمتها كانت مريضه الله يعينها بنتى حبيبتى

 

[برميت]

هلا حبيباتي

كل عام و كويتنا بخير و عسى ايامنا كلها اعياد


اليوم بطعم كوكا ..قلبي متنتف عليها و باجر و الي عقبه ماراح اداوم بقعد اجابلها اخاف تتعسر على خدامتي

 

[برميت]

ام ساره الله يقومج بالسلامه ..اي والله ما بقى شي

مشاءالله الايام تركض بسرعه ..انا بعد اسبوعين ادش السادس
وعسى ربي يهونها عليج و علي ياارب

 

[AVE.NJ]

انه اليوم موعد فهود تطعيم
وقعد مسخن وتعبان
جان اهون عن تطعيمه
يالله خيره

 

[برميت]

انا امس طعمت كوكا
وااااي وااايد يعورها
صارت عسره و دلوعه
و طول الليل تفزز و تبجي دودودودو
يعورها بعد قلبي و تقولي راسي يعورني

درجه حرارتها وصلت ٣٩.٥
كمادات و لزقات و ادول و يالله الحق

اليوم ماداومت و باجر بعد ماراح اداوم
قاعده انومها بينا بفراشنا اخاف عليها بعد قلبي

 

[ايمانو حلوة]

ام سارة
عسى الله يهون عليج حبيبتي وتييبن الكتكوت بالسلامة يارب ويعينج عالرباة

برميتوو
اييييييييييييي الله يعييينها بنتي تعبت حييييييل يالله ماعليه عشان مصلحتها حياااتي شندوخوووو كوكووو

 

[عيون سارة]

كتكوته22
ياهلا بالطش والرش
اشلونج :eh_s(7):

برميت: الله يعين ازمه وتعدي
كلنا نفس الوضع والحمد لله يومين وتطيب

ايمانو حلوة: :eh_s(16): اخيرا في احد حاس فيني
اخ ياقلبي الله يحفظهم بس

 

[كتكوته22]

بخير حبيبتي ام ساره انتي شلونج وشلون عيالج كبرو وخذو وكتنا كله ��الحين حتي التيلفون مناشبتني عليه بالغصب اكتب كلمتين علي بعض الله يحفظهم اليهال يبيلهم قلب و الله يسهل عليج وتولدين بالسلامه يارب عاد تصدقين جنه قالولي دكتور حيان طلع وفتحله عياده بره عندج خبر ولا لا

 

[AVE.NJ]

انه ولدي همن مريض وانومه بينا
عاد بدون تطعيم ويحن وجنه عاداني بلاعيمي وصخونه
عاد بس يصير اشوه راح اطعمه يعني راح اتعود على العساره
ويحن بسبب وبدون سبب
وكله يبي حلاو الله يحفظه متعلم على الحلاو مااحب احرمه بس شسوي يبي حلاو الا احن

 

[sara_77]

انا بنتى لما الحين ماطعمتها كانت تاريخ تطعيمها 14-2

 

[برميت]

قوه بنات اشلونكم

الحمدالله ..كوكا صارت احسن ..حراراتها يومين تقريا الي ثلاث ايام ..عطيتها بروفين وايد احسن من الادول نزل الحراره بسرعه
ولزقات على راسها ...و اغسل ريلها بماي دافي و اخليها تتحرك و تركض علشان ماتحس بمكان الابره

الله يعين الي للحين ما طعم

 

[AVE.NJ]

ماتشوفون شر برميت

 

[برميت]

الشر ما اييج يا قلبي

 

[•Brown•Sugar•]

قوه أمهااات ولهانه عليكم ...
أنا طعمت بنتي بعد العيد الوطني ع طول وقبل لا يغزونها أبر عطيتها بروفين
ماسخنت وأيد نفس اليوم اختفت الحرارة ومسكينه هالمره حيل تعور آآلابره
صارت ماتعرف تمشي
مايشوفون شر كتاكيتكم :***

 

[برميت]

الشر ما اييج بروان

كوكا صارلها جم يوم تعبانه ..ماادري اشفيها
ريولها تعورها و مره اسنانها و مره راسها
ماادري اشفيها
اليوم بوديها الطبيب بشوف شسالفتها

 

[++The DuchesS++]

مرحبا


كيفكنن؟؟
فهودي للحين ماطعمته
اليوم بيروح ويا ابوه
تطعيم سنه ونص يسببلي قلق
ريلي وده ببيبي وانا لاااااااااا
ماصدقت فهود اسم الله عليه يكبر شوي
مافيني شده خلاص وهالسنه عيالي روضه واحاتي

 

[برميت]

داشز وااي من وين طالعه
اشلونج و شخبارج

الله يعينج على فهودي بعد التطعيم ..

انا ريلي ذاك اليوم قالي عقب هالبيبي ان شاءالله لولب بدون تفكير
و الي يضحك انه اهو الي كان رافضه قبل